up cabinet expansion : यूपीत ७ मंत्र्यांचा शपथविधी, राहुल गांधींचे मित्र जितीन प्रसाद योगींच्या टीममध्ये
राहुल गांधींचे निकटवर्ती होते जितीन प्रसाद
जितीन प्रसाद हे मूळचे शाहजहांपूरचे आहेत. त्यांचे वडील जितेंद्र प्रसाद हे काँग्रेसचे वरिष्ठ नेते होते आणि शाहजहांपूर लोकसभा मतदारसंघातून ते ४ वेळा निवडून गेले होते. जितेंद्र प्रसाद यांनी पक्षात अनेक पदांवर काम केलं. त्यांनी १९९९ मध्ये शेवटची निवडणूक लढवली होती. तसंच त्यांनी काँग्रेस अध्यक्षपदासाठी पक्षात सोनिया गांधींविरोधातही निवडणूक लढवली होती. पण ते पराभूत झाले. यानंतर काही महिन्यांनी २००१ मध्ये त्यांचे निधन झाले. त्यांचे पुत्र जितीन प्रसाद हे राहुल गांधींच्या युवा टीमचे सदस्य होते. तसंच निकटवर्तीय मानले जात होते.
धर्मवीर प्रजापती यांचीही मंत्रिमंडळात वर्णी लागली आहे. ते आग्राचे रहिवासी आहेत. ते त्यांचे कुटुंब राष्ट्रीय स्वयंसेवक संघाची निगडीत आहेत. ते स्वतः आरएसएसचे स्वयंसेवक होते. ते ओबीसी नेते आहेत. संगीता बिंद यांनीही मंत्रिपदाची शपथ घेतली आहे. गाझीपूर जिल्ह्यातील आमदार आहेत. त्या मागास बिंद समाजाच्या नेत्या आहेत. त्या पहिल्यांदाच निवडणूक जिंकल्या आहेत. संगीता या तरुण नेत्या आहेत. त्या ४२ वर्षांच्या आहेत.
mamata banerjee : ममता बॅनर्जींची जीभ घसरली! मृत भाजप नेत्याची तुलना केली सडलेल्या कुत्र्याशी
मंत्रिपदाची शपथ घेतलेले छत्रपाल सिंग गंगवार हे बरेली जिल्ह्यातील बहेडी विधानसभा मतदारसंघाचे आमदार आहेत. ते दुसऱ्यांदा आमदार झाले आहेत. १९८० पासून ते आरएसएसमध्ये आहेत आणि संघाचे प्रचारक आहेत. पलटू राम यांनीही मंत्रिपदाची शपथ घेतली. ते बलरामपूरचे आमदार आहे. २०१७ मध्ये पहिल्यांना निवडून आले. दलितांमधील खटीक समाजे आहेत. ते शेतकरी आहेत. संजीव गोंडही मंत्री झाले. ते आदिवासी नेते आहेत. ओबरा मतदारसंघाचे आमदार आहेत.
