स्वतंत्रदिनी स्वस्तात सोने खरेदीची सुवर्णसंधी, जाणून घ्या कशी कराल गुंतवणूक, काय आहे फायदे आणि तोटे


मुंबई : आज संपूर्ण देशभरात ७५व्या स्वातंत्र्यदिनाच्या उत्साहाचे वातावरण आहे. यानिमित्त ग्राहकांसाठी आणखी एक गुडन्यूज मिळाली आहे. स्वातंत्र्याचा अमृत महोत्सवी रिझर्व्ह बँकेने सुवर्ण खरेदीची सुवर्ण संधी खरेदीदारांना उपलब्ध करुन दिली आहे. पुढील आठवड्यात स्वस्त सोने खरेदी करण्याची उत्तम संधी आहे. सोन्यात गुंतवणूक करू इच्छिणाऱ्या लोकांना केंद्र सरकार २२ ऑगस्ट ते २६ ऑगस्ट दरम्यान एका अतिशय चांगल्या योजनेचा लाभ देण्यासाठी सज्ज आहे.

सरकारच्या या योजनेतून स्वस्त सोने उपलब्ध होणार
सोने खरेदी करू इच्छिणाऱ्या लोकांसाठी भारत सरकारकडून सार्वभौम सुवर्ण बाँड (रोखे) योजना चालवली जात आहे. या योजनेअंतर्गत रिझर्व्ह बँक ग्राहकांना बाजारातून स्वस्त किमतीत सोने गुंतवण्याचा किंवा खरेदी करण्याचा पर्याय उपलब्ध करून देते. मात्र या योजनेद्वारे तुम्ही फक्त डिजिटल पद्धतीने सोने खरेदी करू शकता. या योजनेत तुम्ही ऑनलाइन पेमेंट केल्यास तुम्हाला प्रति ग्रॅम ५० रुपये सूट मिळेल. त्यानुसार, तुम्हाला प्रति दहा ग्रॅम ५०० रुपये सूट मिळेल.

वाचा – ग्राहकांसाठी खुशखबर! ३ प्रमुख बँकांनी मुदत ठेवींचे व्याजदर वाढवले, जाणून घ्या नवीन दर

या वर्षी दुसरा हप्ता (मालिका) सुरू होणार
या वर्षी म्हणजे २०२२ मध्ये डिजिटल पद्धतीने सोने खरेदी करू इच्छिणाऱ्यांसाठी रिझर्व्ह बँकेद्वारे सार्वभौम गोल्ड बाँडची दुसरी मालिका पाच दिवसांसाठी जारी केली जाणार आहेत. पहिली मालिका २० जून रोजीच सुरु करण्यात आली तर आता या योजनेचा दुसरा हप्ता २२ ऑगस्ट ते २६ ऑगस्ट दरम्यान जारी केला जाणार आहे. सरकारच्या या योजनेत २२ ते २६ ऑगस्ट दरम्यान तुम्हाला बाजार भावापेक्षा कमी किमतीत सोने खरेदी करता येणार आहे.

वाचा – करदात्यांनो प्राप्तिकर रिटर्न भरण्यास उशीर झाल्यावरही भरावा लागणार नाही दंड

बाँडमध्ये कोण गुंतवणूक करू शकते?
रिझर्व्ह बँकेनुसार परकीय चलन व्यवस्थापन कायदा, १९९९ अंतर्गत भारताचा रहिवासी म्हणून परिभाषित केलेली कोणतीही व्यक्ती सार्वभौम सुवर्ण रोखेमध्ये गुंतवणूक करण्यास पात्र आहे. पात्र गुंतवणूकदारांमध्ये व्यक्ती, ट्रस्ट, विद्यापीठे, हिंदू अविभक्त कुटुंब आणि धर्मादाय संस्था यांचा समावेश आहे. वैयक्तिक गुंतवणूकदार जे बॉंड खरेदी केल्यानंतर निवासी स्थिती बदलून अनिवासी बनतात ते लवकर पूर्तता/परिपक्व होईपर्यंत एसजीबी खरेदी करू शकतात.

आरबीआय सार्वभौम गोल्ड बाँडमधील सुरुवातीच्या गुंतवणुकीच्या रकमेवर दरवर्षी २.५० टक्के (निश्चित दर) व्याज देते. या रोख्यांवरील व्याज अर्धवार्षिक गुंतवणूकदाराच्या बँक खात्यात जमा केले जाईल.

वाचा – सोन्यात गुंतवणुकीचा विचार करताय; काय आहे गोल्ड ETF, जाणून घ्या त्याचे फायदे

किमान आणि कमाल गुंतवणूक किती आहे?
ग्राहकाकडून किमान एक ग्रॅम पर्यंत गुंतवणूक आवश्यक आहे. प्रति आर्थिक वर्ष (एप्रिल – मार्च) व्यक्ती आणि हिंदू अविभक्त कुटुंबासाठी (HUF), कमाल गुंतवणूक ४4 किलो आहे. ट्रस्ट आणि इतर संस्थांसाठी मर्यादा २० किलो आह. अधिक तपशील आरबीआयच्या वेबसाइटवर मिळू शकते.

गुंतवणुकीचे धोके आणि फायदे काय आहेत?

सोन्याच्या बाजारभावात घसरण झाल्यास गुंतवणूकदाराला भांडवली तोटा सहन करावा लागू शकतो. तथापि, गुंतवणूकदारांना सोन्याच्या युनिट्सच्या बाबतीत तोटा सहन करावा लागणार नाही ज्यासाठी त्यांनी पैसे दिले आहेत.

फायद्यांबद्दल बोलायचे तर गुंतवणूकदारांना प्रचलित बाजारभाव मिळण्याची खात्री दिली जाते, जरी ते मुदतीपूर्वी बाहेर पडले तरीही. तुम्ही या बॉंडमध्ये गुंतवणूक केल्यास भौतिक सोने ठेवण्याची जोखीम आणि खर्च निघून जाते. तसेच गुंतवणूकदार मेकिंग चार्जेस आणि सोन्याची शुद्धता यासारख्या समस्यांपासून मुक्त होतील. त्यांना व्याज देयके आणि मुदतपूर्तीच्या वेळी सोन्याच्या बाजार मूल्याचीही खात्री दिली जाते.

गुंतवणूक कशी करावी?
बाँडची विक्री मान्यताप्राप्त स्टॉक एक्स्चेंज, अनुसूचित व्यावसायिक बँका, नियुक्त पोस्ट ऑफिस, आरबीआय आणि स्टॉक होल्डिंग कॉर्पोरेशन ऑफ इंडिया लिमिटेड (SHCIL) द्वारे केली जाते. एकदा सबस्क्रिप्शन उघडल्यानंतर, तुम्ही रिझर्व्ह बँकेच्या वेबसाइटला किंवा जारी करणाऱ्या बँका/SHCIL कार्यालये/नियुक्त पोस्ट ऑफिस/SGB साठी एजंट यांना भेट देऊ शकता.



Source link

Leave a Reply

Your email address will not be published.

%d bloggers like this: