CSKकडून खेळणाऱ्या क्रिकेटपटूची तडकाफडकी कसोटीतून निवृत्ती


नवी दिल्ली: इंग्लंडचा ऑलराउंडर क्रिकेटपटू मोईन अली यापुढे कसोटी क्रिकेट खेळणार नाही. अलीने कसोटी क्रिकेटमधून तडकाफडकी निवृत्ती घेतली आहे. ब्रिटिश मीडियाने दिलेल्या वृत्तानुसार मोईन अली यापुढे फक्त मर्यादित षटकांच्या क्रिकेटवर फोकस करणार आहे.

मोईन अली सध्या २०२१च्या आयपीएलमध्ये चेन्नई सुपर किंग्जकडून खेळत आहे. रिपोर्ट्सनुसार मोईन अलीने कसोटीमधून निवृत्ती घेत असल्याची माहिती कर्णधार जो रूट आणि मुख्य कोच ख्रिस सिल्वरवुड यांना दिली पाहिजे.

वाचा- मुंबई इंडियन्सविरुद्ध हॅटट्रिक घेणारा हर्षल पटेल; पाहा व्हिडिओ

३४ वर्षीय मोईन अलीने २०१४ साली श्रीलंकेविरुद्ध कसोटी क्रिकेटमध्ये पदार्पण केले होते. त्याने ६४ कसोटीत ५ शतक, १४ अर्धशतकांसह २ हजार ९१४ धावा केल्या आहेत. त्याच्या फलंदाजीची सरासरी २८.२९ इतकी आहे. गोलंदाजीत अलीने १९५ विकेट घेतल्या आहेत. यामध्ये त्याने १३ वेळा ४ तर ५ वेळा ५ विकेट घेण्याची कामगिरी केली आहे. तर कसोटीत एकदा १० विकेट मिळवल्या आहेत.

वाचा- विश्वास बसणार नाही; गुणतक्त्यात मुंबई इंडियन्स तळाला

मोईन अली यापुढे वनडे आणि टी-२० क्रिकेट खेळणार आहे. तो काउंटी आणि लीग क्रिकेटमध्ये खेळणार आहे. अचानक निवृत्ती घेतल्याने मोईन अलीला कसोटीत ३ हजार धावा आणि २०० विकेटचा टप्पा पार करता येणार नाही. यासाठी त्याला ८४ धावा आणि ५ विकेटची गरज होती.

वाचा- Mumbai Indians: मुंबई इंडियन्सला अजूनही प्ले ऑफ गाठण्याची संधी आहे का?

नुकत्याच झालेल्या भारताविरुद्धच्या कसोटी मालिकेत अलीवर उपकर्णधाराची जबाबदारी देण्यात आली होती. या मालिकेत त्याने तीन कसोटी सामने खेळला होता.



Source link

Leave a Reply

Your email address will not be published.

%d bloggers like this: