गोट्या खेळणाऱ्यांनाही आरक्षण द्या, पुण्यातील स्पर्धा परीक्षांचे विद्यार्थी शिंदेंवर भडकले


पुणे : राज्यभरात आज दहीहंडीचा (Dahihandi 2022) उत्सव मोठ्या प्रमाणात आणि मोठ्या उत्साहात साजरा केला जात आहे. दहीहंडीमध्ये भाग घेणाऱ्या गोविंदा पथकांसाठी राज्य सरकारने अनेक निर्णयांची काल घोषणा केली. याच घोषणांमुळे स्पर्धा परीक्षा देणारे विद्यार्थी मात्र काहीसे नाराज झालेले पाहायला मिळत आहेत. आता गोट्या, विटीदांडू खेळणाऱ्यांना देखील आरक्षण द्या, अशा शब्दात विद्यार्थ्यांनी संताप व्यक्त केला आहे.

मुख्यमंत्री एकनाथ शिंदे (Eknath Shinde) यांनी गोविंदांसाठी विमा कवच, तसेच सरकारी नोकरीत आरक्षण अशा विविध प्रकारच्या घोषणा गोविंदा पथकांसाठी केल्या आहेत. एकनाथ शिंदे यांनी काल घोषणा करताना दहीहंडी उत्सव साजरा करणाऱ्या गोविंदा पथकांना सरकारी नोकऱ्यांत पाच टक्के आरक्षण दिले जाईल ही मोठी घोषणा केली होती.

राज्य सरकारने घेतलेला हा निर्णय केवळ काही शहरातील महानगरपालिका डोळ्यासमोर ठेवून घेतला असल्याचा आरोप एमपीएससी समन्वय समितीचे विद्यार्थी करत आहेत. त्यासोबतच सरकारने हा जो पूर्ण खेळ लावला आहे, तो बंद करावा अन्यथा आम्ही रस्त्यावर उतरु, असा इशारा देखील या विद्यार्थ्यांनी दिला. आधीच अनेक पदे रिक्त असताना त्यावर चर्चा करायची सोडून सरकारची जुमलेबाजी करत असल्याचा आरोप देखील या विद्यार्थ्यांनी केला आहे. तर आता गोट्या, विटीदांडू खेळणाऱ्यांना देखील आता आरक्षण द्या असा संताप विद्यार्थ्यांनी व्यक्त केला आहे.

हेही वाचा : मुख्यमंत्री म्हणाले, कपूर आडनाव असलं तरी आई कोल्हापुरे; श्रद्धा कपूर म्हणते, मी तर…

प्रो गोविंदा स्पर्धांची घोषणा

राज्य शासनाने दहीहंडी उत्सवाचा क्रीडा प्रकारात समावेश करून “प्रो गोविंदा” स्पर्धा राबवाव्यात, अशी मागणी दहीहंडी उत्सव आयोजकांकडून करण्यात येत होती. त्यानुसार राज्यात प्रो गोविंदा स्पर्धा आयोजित केल्या जातील आणि त्याच्या बक्षिसाची रक्कम शासनामार्फत दिली जाईल. त्याचबरोबर खेळाडू संवर्गातून शासकीय नोकरी देण्यात येईल, असेही मुख्यमंत्र्यांनी यावेळी सांगितले.

हेही वाचा : हंडी कठीण होती, उंच होती पण…; टेंभी नाक्याच्या दही हंडीत मुख्यमंत्र्याचं तुफान भाषण

स्पेन व चीन या देशांमध्ये मानवी मनोरे (पिरॅमिड) म्हणून या खेळाचा क्रीडा प्रकारात समावेश असून आपल्याकडे असलेल्या कबड्डी, खो-खो, मल्लखांब सारख्या खेळांप्रमाणे दहीहंडीचाही समावेश होईल, असे मुख्यमंत्र्यांनी सांगितले.

दरम्यान, गोविंदाचा मृत्यू झाल्यास वारसाला १० लाख रुपयांचे सहाय्य करण्यात येईल. तसेच दोन्ही डोळे अथवा दोन्ही हात, दोन्ही पाय अथवा कोणतेही महत्त्वाचे दोन अवयव निकामी झाल्यास त्याला साडेसात लाख रुपये तर कोणताही एक अवयव निकामी झाल्यास किंवा गंभीर इजा झाल्यास ५ लाखांचे सहाय्य केले जाईल.

हेही वाचा : VIDEO | आधी ढोल बडवला, मग तिसऱ्या थरावर चढले, सोमय्यांनी फोडली दहीहंडी



Source link

Leave a Reply

Your email address will not be published.

%d bloggers like this: