Kahnmigar Glacier: ‘लाहौल-स्पीती’नजिक खंमीगर ग्लेशिअरमध्ये १४ ट्रेकर्स अडकले; थंडीनं दोघांचा मृत्यू


हायलाइट्स:

  • १८ सदस्यांचा समावेश असलेला गट ट्रेकसाठी रवाना झाला होता
  • बर्फात अडकून पडल्यानं दोघांचा मृत्यू झाल्याची माहिती
  • बचावदलाला घटनास्थळी पोहचण्यासाठी आणखीन तीन दिवस लागणार

केलाँग, हिमाचल प्रदेश : हिमाचल प्रदेशातील ट्रेकर्सच्या आवडत्या ठिकाणांपैंकी एक असलेल्या ‘लाहौल स्पीती‘ भागातील ‘खंमीगर ग्लेशिअर‘ अनेक ट्रेकर्स अडकून पडल्याची माहिती मिळतेय. दरम्यान, थंडीत अडकून पडल्यानं दोन जणांचा मृत्यू झाला आहे.

१४ सदस्य अडकले

१८ सदस्यीय ट्रेकर्सचा एक गट या भागात ट्रेकिंगसाठी गेला असताना ही घटना घडली. या गटातील दोन जण सुरक्षित ठिकाणी परतले असून दोघांचा मृत्यू झाला आहे. तर अद्याप १४ सदस्य बर्फाच्छादित भागात अडकून पडले आहेत.

हेलिकॉप्टर पोहचू शकत नाही

भौगोलिक परिस्थितीच्या अडथळ्यामुळे हेलिकॉप्टर या भागात पोहचू शकत नाही. त्यामुळे, या सदस्यांना बाहेर काढण्यासाठी सुरक्षा दलानं ३२ जणांची एक टीम तयार केली आहे. यामध्ये १६ आयटीबीपी जवान आणि सहा डोगरा स्काऊट जवानांचा समावेश आहे. तसंच यात एका डॉक्टर आणि १० पोर्टरलाही सहभागी करून घेण्यात आलंय.

akash prime : आकाक्ष प्राइम क्षेपणास्त्राची यशस्वी चाचणी, शत्रूचे हल्ले हवेतच नष्ट करणार
Telangana: पाठ्यपुस्तकात ‘कुराण’ हाती घेतलेल्या दहशतवाद्याचा फोटो, तेलंगणात गदारोळ

रेस्क्यू टीमला घटनास्थळी पोहचण्यासाठी तीन दिवस लागणार

बचाव गटाला खंमीगर ग्लेशिअरपर्यंत पोहचण्यासाठीच तीन दिवसांचा वेळ लागणार आहे. पहिल्या दिवशी (२८ सप्टेंबर) काह ते चंकथांगो, दुसऱ्या दिवशी चंकथांगो ते धार थांगो आणि तिसऱ्या दिवशी धार थांगो ते खंमीगर ग्लेशिअर असा प्रवास ही रेस्क्यू टीम करणार आहे. त्यानंतर पुन्हा खंमीगर ग्लेशियर ते काह या प्रवासासाठी आणखीन तीन दिवस लागण्याची शक्यता आहे.

पश्चिम बंगालचे ट्रेकर, पोर्टर आणि शेरपा अडकले

मिळालेल्या माहितीनुसार, ‘इंडियन माऊंटेनिअरिंग फाऊंडेशन, पश्चिम बंगाल’चा सहा सदस्यीय गट ‘बातल’हून – ‘खंमीगर ग्लेशिअर’ – ‘काजा’ या मार्गावर ट्रेकिंगसाठी रवाना झाला होता. खंमीगर ग्लेशिअर जमिनीपासून जवळपास ५०३४ मीटर उंचीवर आहे. या दलासोबत ११ पोर्टर (सामान उचलण्यासाठी आणि मदतीसाठी माणसं) आणि एक स्थानिक गाईड (शेरपा) हेदेखील सहभागी झाले होते.

एक ट्रेकर पोर्टरसोबत बाहेर पडण्यात यशस्वी

परंतु, तीन दिवसांपूर्वी अचानक मोठी बर्फवृष्टी झाल्यानंतर हे सगळे जण खंमीगर ग्लेशिअर भागात अडकून पडले. प्रचंड थंडीत निभाव न लागल्यानं पश्चिम बंगालचे रहिवासी भास्कर देव (६१ वर्ष) आणि संदीप कुमार ठाकुरता (३८ वर्ष) या दोघांचा जागीच मृत्यू झाल्याचं समजतंय.

दरम्यान, बंगालचाच रहिवासी असलेल्या ४२ वर्षीय अतुलनं एका पोर्टरसोबत ‘काजा’ गाठून या घटनेची माहिती स्थानिक प्रशासनाला दिली.

देवाशीष वर्धन (५८ वर्ष), रणधीर राय रामकृष्ण (६३ वर्ष), तपस कुमार दास (५० वर्ष) अशी इथं अडकून पडलेल्या बंगालच्या नागरिकांची नावं आहेत. यासोबत पोर्टरही इथं अडकून पडले आहेत.

देशांत महामार्गांच्या निर्माणाचा धडाका, कुठे वनांची कत्तल तर कुठे टोलच्या दरांत वाढ
Cyclone Gulab: ‘गुलाब’ चक्रीवादळात आंध्राचे काही मच्छिमार बेपत्ता, शोध सुरू



Source link

Leave a Reply

Your email address will not be published.

%d bloggers like this: