MI vs PBKS IPL 2021: मुंबई इंडियन्ससाठी आव्हान टीकवण्याची लढाई; आजपासून रोहितसाठी…


अबुधाबी: आयपीएलच्या १४व्या हंगामातील दुसऱ्या सत्रात सलग तीन पराभवामुळे गतविजेत्या मुंबई इंडियन्स समोर स्पर्धेतील आव्हान टीकवण्याचे आव्हान निर्माण झाले आहे. रोहित शर्माच्या नेतृत्वाखाली खेळणाऱ्या मुंबईची आज पंजाब किंग्जविरुद्ध लढत होणार आहे. या दोन्ही संघांसाठी प्ले ऑफमध्ये पोहोचण्यासाठी या पुढील सर्व म्हणजे चारही लढतीत विजय मिळवणे आवश्यक आहे.

वाचा- वडील बाद झाल्यावर मुलाला राग अनावर झाला; पाहा काय केले

गुणतक्त्यात मुंबई इंडियन्स ८ गुणांसह सातव्या क्रमांकावर आहे. तर पंजाब किंग्ज तितक्याच गुणांसह पाचव्या स्थानावर आहे. मुंबईचे नेट रनरेट देखील खराब आहे. ते वजा ०.५५१ इतके आहे तर पंजाब किंग्जचे वजा ०.२७१ इतके आहे. आजच्या लढतीत ज्याचा पराभव होईल त्याचे स्पर्धेतील अस्तित्व जवळ जवळ संपुष्ठात येईल.

वाचा- गुणवत्तेची कमी नाही, पण डोक वापरत नाही; सेहवागचा या खेळाडूला टोला

दुसऱ्या सत्रात मुंबई इंडियन्सचा चेन्नई सुपर किंग्ज आणि रॉयल चॅलेंजर्स बेंगळुरू विरुद्ध लक्ष्याचा पाठलाग करताना पराभव झाला होता. तर कोलकाता नाईट रायडर्सविरुद्ध प्रथम फलंदाजी करत पराभव झाला होता. पाचव वेळा विजेतेपद मिळवणाऱ्या मुंबई इंडियन्सच्या फलंदाजांनी फार निराशा केली आहे. सूर्यकुमार यादव आणि ईशान किशन सारखे फलंदाजी फॉर्ममध्ये नाहीत. कर्णधार रोहित शर्माने गेल्या दोन सामन्यात ३३ आणि ४३ धावा केल्या होत्या. पण चागंल्या सुरुवातीनंतर मोठी धावसंख्या करण्यात तो अपयशी ठरला.

वाचा- Video: खराब फॉर्ममुळे निराश झालेल्या मुंबई इंडियन्सच्या फलंदाजाच्या मदतीला आला

पहिल्या दोन सामन्यात संघाबाहेर असलेला हार्दिक पंड्या फिट झाला पण तिसऱ्या लढतीत त्याला खास काही करता आले नाही. विशेष म्हणजे हे सर्व खेळाडू भारताच्या टी-२० वर्ल्डकप संघात देखील आहेत. त्यामुळे चिंता आणखी वाढली आहे.

गोलंदाजीत जसप्रीत बुमराहने ३ सामन्यात ८, ट्रेंट बोल्ट आणि एडम मिल्ने यांना प्रत्येकी ३ विकेट मिळाल्या आहेत. राहुल चाहर आणि क्रुणाल पंड्या यांनी निराश केले आहे.

पंजाब किंग्जने गेल्या सामन्यात शानदार गोलंदाजांच्या जोरावर सनरायझर्स हैदराबादचा पराभव केला होता. त्याचे देखील मुंबई इंडियन्स प्रमाणे १० सामन्यात ८ गुण आहेत. चांगले खेळाडू असून सातत्याने दर्जेदार कामगिरी करण्यात ते अपयशी ठरत आहेत.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: