हिटमॅन रोहित टी-२० मधील मोठ्या विक्रमाची संधी; कोणत्याही भारतीयाला जमले नाही


नवी दिल्ली: सलग तीन पराभव झालेल्या गतविजेत्या मुंबई इंडियन्सचा संघ आज मंगळवारी पंजाब किंग्जविरुद्ध लढणार आहे. आयपीएलच्या दुसऱ्या सत्रातील पहिल्या तीन लढती झालेल्या चुकी दुरुस्त करून मुंबई इंडियन्सची गाडी विजयाच्या रुळावर येते का याची सर्वांना उत्सुकता आहे.

वाचा- सामना सुरू होण्याआधी मुंबई इंडियन्सला बसला आणखी एक धक्का; पाहा काय झाले

गुणतक्त्यात मुंबई इंडियन्स सातव्या स्थानावर फेकला गेलाय. पहिल्या लढतीत चेन्नई सुपर किंग्जने, त्यानंतर रॉयल चॅलेंजर्स बेंगळुरू आणि कोलकाता नाईट रायडर्सनी त्यांचा पराभव केला. पाच वेळा विजेत्या मुंबई इंडियन्सला प्ले ऑफमध्ये पोहोचायचे असेल तर पुढील चारही लढतीत विजय मिळवावा लागले. संघातील मधळ्या फळीतील फलंदाजांची कामगिरी ही सर्वात डोकेदुखी ठरली आहे.

वाचा- भारत टी-२० वर्ल्डकप संघात बदल करणार का? या खेळाडूंमुळे टेन्शन वाढले

कर्णधार रोहित शर्माने गेल्या दोन सान्यात ३३ आणि ४३ अशा धावा केल्या आहेत. पण मोठी धावसंख्या करण्यात तो यशस्वी ठरला नाही. आज पंजाब विरुद्ध होणाऱ्या लढतीत रोहितला एक मोठा विक्रम स्वत:च्या नावावर करण्याची संधी आहे. टी-२० क्रिकेटमध्ये ४०० षटकार पूर्ण करण्यासाठी त्याला फक्त दोन षटकारांची गरज आहे. आजच्या सामन्यात दोन षटकार मारल्यास त्याचे ४०० षटकार पूर्ण होतील. टी-२० क्रिकेटमध्ये अशी कामगिरी करणारा तो पहिला भारतीय फलंदाज ठरेल. टी-२०मध्ये सर्वाधिक षटकाराचा विक्रम ख्रिस गेलच्या नावावर आहे. त्याने १ हजार ४२ षटकार मारले आहेत.

वाचा- मोठा निर्णय; दिग्गज खेळाडूची IPL संघातून हकालपट्टी

पंजाबविरुद्ध रोहितने आतापर्यंत २६ सामने खेळले आहेत. त्यापैकी २५ डावात त्याने ७३२ धावा केल्या आहेत. यात सात अर्धशतकांचा समावेश आहे. पंजाबविरुद्ध त्याने ६८ चौकार आणि ३१ षटकार मारले आहेत. त्याचा स्ट्राइक रेट १४०.२२ इतका आहे. या हंगामात रोहितने ३६.२२च्या सरासरीने ३२६ धावा केल्या आहेत. त्यात फक्त एका अर्धशतकाचा समावेश आहे.

असा असेल मुंबई इंडियन्सचा सभाव्य संघ-रोहित शर्मा, क्विटंन डी कॉक, सूर्यकुमार यादव, ईशान किशन, हार्दिक पंड्या, कायरन पोलार्ड, क्रुणाल पंड्या, एडम मिल्ने, राहुल चाहर, जसप्रीत बुमराह, ट्रेंट बोल्ट



Source link

Leave a Reply

Your email address will not be published.

%d bloggers like this: