amarinder singh : पंजाब काँग्रेसमध्ये खळबळ; सिद्धूंचा राजीनामा, अमरिंदर सिंग दिल्लीत दाखल


नवी दिल्लीः पंजाब काँग्रेस प्रदेशाध्यक्षपदाच्या नवज्योतसिंग सिद्धू यांच्या राजीनाम्यादरम्यान, माजी मुख्यमंत्री कॅप्टन अमरिंदर सिंग हे दिल्लीला पोहोचले आहेत. अमरिंदर सिंग यांनी सिद्धूंवरील नाराजीनंतर १८ सप्टेंबरला मुख्यमंत्रीपदाचा राजीनामा दिला होता. सिद्धू यांनी सर्वांना धक्का देत आज दुपारी काँग्रेस प्रदेशाध्यक्षपदाचा राजीनामा दिला. सिद्धूंच्या राजीनाम्यानंतर अमरिंदर सिंग यांनी ट्विट केलं होतं. मी आधीच सांगतिलं होतं,… ती व्यक्ती (नवज्योत सिंग सिद्धू ) अस्थिर आहे आणि सीमावर्ती राज्य असलेल्या पंजाबसाठी योग्य नाही, असं ट्विटमध्ये अमरिंदर सिंग म्हणाले होते.

अमरिंदर सिंग यांनी दिल्लीत पोहोचताच ट्विटमध्ये जे म्हटलं तेच सांगितलं. तसंच राजकीय भेटींसंबंधीच्या चर्चांना त्यांनी पूर्णविराम दिला. आपण कुणालाही भेटणार नाही. कपूरथला येथील घरी जाऊन सामान बांधून पंजाबला परत निघून जाईन, असं अमरिंदर सिंग यांनी स्पष्ट केलं. मुख्यमंत्रीपदाच्या राजीनाम्यावर त्यांना पत्रकारांनी प्रश्न विचारला. हा प्रश्न काँग्रेसला विचारा, असं ते म्हणाले.

अमदरिंदर सिंग दिल्लीत भाजप नेत्यांना भेटणार असल्याची चर्चा होती. भाजपचे सरचिटणीस आणि पंजाबचे बडे नेते तरुण चुग यांनी गृहमंत्री अमित शहांची भेट घेतली. त्यांनी शहांना पंजाबमधील राजकीय सद्यस्थितीची माहिती दिली. पंजाबच्या मुख्यमंत्रीपदाचा राजीनामा दिल्यानंतर अमरिंदर सिंग हे काय पाऊल उचलणार याकडे सर्वांचं लक्ष आहे.

सिद्धूंच्या राजीनाम्यावर मुख्यमंत्री चन्नी म्हणाले….

सिद्धू नाराज असतील तर त्यांची समजूत घालेन. पण ते माझ्यावर नाराज नाहीत, असं मुखमंत्री चरणजीत सिंग म्हणाले. तसंच कॅप्टन अमरिंदर सिंग हे आमचे मुख्यमंत्री होते. पंजाबमधील मुद्द्यांवर चर्चा करण्यासाठी ते दिल्लीला गेले असावेत, मुख्यमंत्री चन्नी म्हणाले.

kanhaiya kumar : काँग्रेसमध्ये प्रवेश करताच कन्हय्या कुमारांचा PM मोदी आणि RSS वर निशाणा; म्हणाले…

सिद्धूंच्या राजीनाम्यानंतर समर्थक, मंत्र्यांचे राजीनामे

पंजाबमधील कॅबिनेट मंत्री रजिया सुलताना यांनी आपल्या मंत्रीपदाचा राजीनामा दिला आहे. त्यांच्याकडे पाणीपुरवठा आणि महिला बालविकास मंत्रालय होतं. काहीतरी गडबड होणार याची आपल्याला शंका होतीच. नवज्योत सिंग सिद्ध हे तत्वांना धरून चालणारे आहेत. ते पंजाब आणि पंजाबच्या नागरिकांसाठी लढत आहेत, असं सुलताना म्हणाल्या. सुलताना या सिद्धूंचे सल्लागार मोहम्मद मुस्तफा यांच्या पत्नी आहेत. सुलताना यांनी आपला मंत्रिपदाचा राजीनामा मुख्यमंत्री चरणजीस सिंग चन्नी यांच्याकडे दिला आहे. कार्यकर्ता म्हणून पक्षासाठी काम करत राहणार, असं त्या म्हणाल्या.

सलताना यांच्यासोबतच योगिंदर ढिंगरा यांनीही सिद्धूंच्या समर्थनात पदाचा राजीनामा दिला आहे. त्यांनी पंजाब काँग्रेस सरचिटणीसपदाचा राजीनामा दिला आहे. पंजाब काँग्रेसचे कोषाध्यक्ष इंदर चहल यांनीही पदाचा राजीनामा दिला आहे. आतापर्यंत तीन नेत्यांनी सिद्धूंच्या समर्थनात राजीनामा दिला आहे.

navjot singh sidhu -amarinder singh : सिद्धूंनी दिला पंजाब काँग्रेस प्रदेशाध्यक्षपदाचा रा

‘ सिद्धू म्हणजे भरकटलेले क्षेपणास्त्र’

सिद्धू म्हणजे भरकटलेले क्षेपणास्त्र आहे. हे क्षेपणास्त्र कुणाला उद्ध्वस्त करेल तेच कळत नाही. आधी पंजाब काँग्रेसचे प्रदेशाध्यक्ष होऊन अमरिंदर सिंगांना उद्ध्वस्त केलं. आता आपल्या पक्षाचाच सफाया केला आहे. पंजाबला वाचवायचं असेल तर सिद्धूंनी मुंबईला निघून जावं, असं शिरोमणी अकाली दलाचे नेते सुखबीर बादल म्हणाले.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: