पुरात वाहून जाणाऱ्या व्यक्तिला बाईकसह बचावलं, पाहा काळजाचा ठोका चुकावणारा LIVE VIDEO


हायलाइट्स:

  • नांदेड जिल्ह्यात पावसाचं थैमान
  • पुरात वाहून जाणाऱ्या व्यक्तिला बाईकसह बचावलं
  • पाहा काळजाचा ठोका चुकावणारा LIVE VIDEO

नांदेड : नांदेड जिल्ह्यात पावसानं अक्षरशः थैमान घातलं आहे. मुसळधार पावसामुळे अनेक गावांना पुराने वेढलं असून नागरिकांचे जीव धोक्यात आहेत. अशात कुंडलवाडी इथं एक तरुण दुचाकीसह वाहून जाताना स्थानिक तरुणांनी त्या तरुणाचे प्राण वाचविले. या घटनेचा व्हिडिओदेखील समोर आला आहे. यामुळे सर्वच स्तरातून गावकऱ्यांचं कौतूक करण्यात येत आहे. (watch live video flood hit man pulled out with bike in nanded)

मिळालेल्या माहितीनुसार, नांदेडमध्ये पुराच्या पाण्यात दुचाकीसह वाहून जाणाऱ्या एका व्यक्तीला गावकऱ्यांनी दोरीच्या सहाय्याने बाहेर काढण्यात यश आलं आहे. काल सायंकाळी ही घटना घडली आहे. सुरज इंगोले असं वाचवण्यात आलेल्या व्यक्तीचं नाव आहे. नाळेश्वर – रहाटी या गावाजवळील नदीला पूर आला होता. या नदीच्या पुलावरुन मोबाईल टॉवरसाठी डिझेल घेऊन जात असताना सुरेश इंगोले हा दुचाकीसह पुराच्या पाण्यात वाहून गेला. तुम्ही व्हिडिओमध्ये पाहू शकता कशा प्रकारे गावकऱ्यांनी प्रसंगावधान दाखवत वाहून जात असलेल्या इंगोलेला दुचाकीसह सुखरुप बाहेर काढले. गावकऱ्यांच्या या धाडसाचं सर्वत्र कौतुक होत आहे.

दरम्यान, नांदेड जिल्ह्यातील सहा तालुक्यात अतिवृष्ठीची नोंद झाली आहे. अर्धापुर तालुक्यात रात्रीतून १३० मिलीमीटर पावसाची नोंद झाली आहे. त्यामुळे आसना नदी काठोकाठ भरून वाहते आहे. तर परभणी जिल्ह्यातील पावसाने गोदावरी नदीच्या पाणी पातळीत वाढ झाली आहे. त्यामुळे गोदावरी नदीवरचे अनेक छोटे पूल पाण्याखाली गेले आहेत.

जिल्ह्यातील अर्धापुरसह कंधार, धर्माबाद, उमरी, हदगाव आणि हिमायतनगर तालुक्यात शंभर मिलीमीटर पेक्षा अधिकच्या पावसाची नोंद झाली आहे. त्यामुळे जिल्ह्यातील अनेक ओढ्या नाल्याला पहाटेच्या सुमारास पूर आला आहे. यामुळे या गावांना सतर्कतेचा इशारा देण्यात आला असून नागरिकांनाही सुरक्षित स्थळी थांबण्याचे आव्हाहन करण्यात आले आहे. (watch live video flood hit man pulled out with bike in nanded)



Source link

Leave a Reply

Your email address will not be published. Required fields are marked *

%d bloggers like this: