ब्रिटनमधील ९० टक्के पेट्रोल पंप बंद; ‘या’ कारणाने अभूतपूर्व इंधन संकट


लंडन: ब्रिटनमध्ये सध्या अभूतपूर्व इंधन टंचाई निर्माण झाली आहे. ब्रिटनमधील जवळपास ९० टक्के पेट्रोल पंपमधील इंधन संपले आहे. इंधन संकटामुळे धास्तावलेल्या नागरिकांनी अधिक इंधन खरेदी करण्यासाठी धावाधाव सुरू केली आहे. त्यामुळे ज्या पेट्रोप पंपावर पुरवठा सुरू आहे, त्या ठिकाणी अराजक स्थिती निर्माण झाली आहे. इंधन टंचाईमुळे खाद्यपदार्थांचाही तुटवडा निर्माण झाला आहे. या इंधन टंचाईचा परिणाम ब्रिटनच्या अर्थव्यवस्थेवर होणार असल्याची भीती व्यक्त करण्यात येत आहे.

टंचाई कारण काय?

ब्रिटनमध्ये इंधन टंचाईचे मोठे कारण हे ब्रेक्झिट आणि ट्रक चालकांची कमतरता असल्याचे सांगितले जाते. यामुळे ब्रिटनची पुरवठा साखळी विस्कळीत झाली आहे. रिफायनरीमधून पेट्रोल पंपापर्यंत इंधन पुरवठा होत नाही. मोठ्या संख्येने ट्रक रस्त्याच्या दुतर्फा उभे आहे. मात्र, ट्रक चालवण्यासाठी वाहन चालकच नाहीत. इंधनाच्या तुटवड्यामुळे ब्रिटनमध्ये हाहा:कार उडाला आहे.

चीनमध्ये भीषण वीज संकट; कारखाने मॉल्स बंद, वीज वापरावर निर्बंध

सरकारकडून प्रयत्न सुरू

ब्रिटिशचे पंतप्रधान बोरिस जॉन्सन यांच्या सरकारने खाद्यपदार्थांच्या तुटवड्याला रोखण्यासाठी लाखो पौंड खर्च करणार आहे. लोकांनी घाबरून अन्नधान्याचा अनावश्यक साठा करू नये यासाठी सरकारने आवाहन केले आहे.

६० ते ९० टक्के पेट्रोल पंप बंद

रविवारी ब्रिटनमध्ये अनेक पेट्रोल पंप बंद करण्यात आले होते. गॅस स्टेशनवरही अशीच परिस्थिती असल्याचे दिसून आले. ब्रिटनमधील पेट्रोल पंप विक्रेत्यांची संघटना पेट्रोल रिटेलर्स असोसिएशन यांनी सांगितले की, काही भागांमध्ये ६० ते ९० टक्के पेट्रोल पंप ठेवावे लागले आहेत. या पेट्रोल पंपावर इंधन आणि गॅस पुरवठा ठप्प झाला आहे.

अमेरिकेकडून ‘या’ क्षेपणास्त्राची चाचणी; रशिया-चीनला भरणार धडकी!
परिस्थिती हाताळण्यासाठी लष्कर उतरवणार?

‘द टाइम्स’ आणि ‘फायन्शिअल टाइम्स’च्या वृत्तानुसार, इंधन पुरवठा सुरू करण्यासाठी ब्रिटिश सरकार लष्कराची मदत घेण्याच्या विचारात आहे. मात्र, पेट्रोल पंप विक्रेत्यांनी याचा काही उपयोग होणार नसल्याचे म्हटले. इंधन टंचाई दूर करण्यासाठी जवळपास १० हजार ट्रक चालकांची आवश्यकता असल्याचे त्यांनी सांगितले. यासाठी नवीन चालकांना प्रशिक्षण देणे आणि परवाना देण्याची आवश्यकता असल्याचे त्यांनी म्हटले.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: