रिअल इस्टेट गुंतवणूक संधी; ‘महिंद्रा मनुलाईफ’चा आशिया पॅसिफिक रिट फंड ऑफ फंड्स खुला


हायलाइट्स:

  • अर्थव्यवस्था पुन्हा रुळावर येऊ लागल्यावर स्थावर मालमत्ता क्षेत्रात चांगला परतावा मिळाल्याचे याआधी पाहायला मिळाले आहे.
  • महिंद्रा मनुलाईफ म्युच्युअल फंडाने आशिया पॅसिफिक रिट फंड जाहीर केला आहे.
  • हा एनएफओ २८ सप्टेंबर रोजी खुला झाला असून १२ ऑक्टोबर रोजी बंद होईल.
  • यात किमान ५००० रुपयांची गुंतवणूक करता येईल

मुंबई: महिंद्रा मनुलाईफ म्युच्युअल फंडाने नवीन फंड ऑफर (एनएफओ) लॉन्च केली आहे. हा फंड ऑफ फंड्स असून याला आशिया पॅसिफिक रिट फंड नाव देण्यात आले आहे. कोविड लसीनंतर अर्थव्यवस्थेच्या पुनर्प्राप्तीचा लाभ घेण्याचे या योजनेचे उद्दिष्ट आहे. अर्थव्यवस्था पुन्हा रुळावर येऊ लागल्यावर अशा विभागात चांगला परतावा मिळाल्याचे याआधी पाहायला मिळाले आहे.

हा एनएफओ २८ सप्टेंबर रोजी खुला झाला असून १२ ऑक्टोबर रोजी बंद होईल. ही योजना २२ ऑक्टोबरपासून पुन्हा खरेदी आणि विक्रीसाठी खुली होईल. यात किमान ५००० रुपयांची गुंतवणूक करता येईल तर एसआयपीची सुरुवात १००० रुपयांपासून करता येईल.

कच्च्या तेलाने गाठला तीन वर्षांचा उच्चांक; पेट्रोल- डिझेलबाबत कंपन्यांनी घेतला ‘हा’ निर्णय
आपल्या पोर्टफोलिओमध्ये वैविध्यता आणण्यासह आंतरराष्ट्रीय स्तरावर रिअल इस्टेट मार्केटमध्ये एक्सपोजरच्या तयारीत असणा-या गुंतवणूकदारांसाठी ही योजना उपयुक्त आहे. रिट ही जागतिक फायदा उचलणा-या अशा योजनांपैकी एक आहे ज्यामध्ये कोरोना लसींची अंमलबजावणी आणि अर्थव्यवस्था पुन्हा रुळावर येण्यामागे संभाव्य रिकव्हरीची अपेक्षा आहे.

डिजिटल करन्सीच्या किमती घसरल्या ; तब्बल दीड लाख रुपयांनी स्वस्त झाला बिटकॉइन
आशिया पॅसिफिक रिट आता इक्विटी आणि बॉण्ड्सच्या तुलनेत आकर्षक परतावा देऊ शकते. महिंद्रा मनुलाईफ आशिया पॅसिफिक रिट फंड ऑफ फंड्स अशा रिट फंड्समध्ये गुंतवणूक करेल जे प्रामुख्याने आशिया पॅसिफिक देशांमध्ये रिटमध्ये पैसे गुंतवतात. रिटने उच्च, स्थिर भाडे उत्पन्न दीर्घ कालावधीत वाढीव गुंतवणुकीच्या आधारावर चांगला परतावा दिला आहे.

म्युच्युअल फंडात गुंतवणूक करता; जाणून घ्या ‘नाॅमिनेशन’चे महत्व आणि उपयुक्तता
इतर मालमत्तांसह या योजनेत तुलनेने कमी परस्परसंबंध (low correlation)देखील पोर्टफोलिओमध्ये विविधता आणते. यामुळे पोर्टफोलिओचा धोका कमी होण्यास आणि परतावा वाढण्यास मदत होईल. मनुलाईफ आशिया पॅसिफिक रिट फंडाचा उद्देश स्थिर उत्पन्न आणि नफा मिळविण्याचा आहे. एकूण मालमत्तेच्या ७० ते १००% गुंतवणूक रिटमध्ये केली जाईल.

सोने-चांदी गडगडले ; सहा महिन्यांतील सर्वात कमी दरात मिळतंय सोने, जाणून घ्या भाव
महिंद्रा मनुलाईफ म्युच्युअल फंडाचे एमडी आणि सीईओ श्री आशुतोष बिष्णोई यांनी सांगितले की, एखाद्या पोर्टफोलिओमध्ये वैविध्यता आणण्याचा आणि जगभरातील रिअल इस्टेट बाजारात एक्स्पोजर बनविण्याचा आंतरराष्ट्रीय रिट चांगला मार्ग आहे. आशिया पॅसिफिक क्षेत्रात कार्यालयीन जागा, निवासी, गोदाम, रिटेल आणि हॉस्पिटॅलिटीच्या जोरदार मागणीसह आमच्या रिट फंडांमधील गुंतवणूक गुंतवणूकदारांना त्यांची मालमत्ता वाढवण्याची संधी प्रदान करते. महागाईच्या विरोधातदेखील रिट चांगले कार्य करते.

महिंद्रा मनुलाईफचे सीएमओ जतींदर पाल सिंह यांनी सांगितले की, रियल इस्टेट इन्व्हेस्टमेंट ट्रस्ट (रिट)मध्ये उत्पन्न आणि वाढीच्या अद्वितीय वैशिष्ट्यांचा समावेश आहे. ही दोन्ही वैशिष्ट्ये गुंतवणूकदारांना आकर्षित करतात. आशिया पॅसिफिक रिट क्षेत्रात रिटेल, व्यावसायिक आणि औद्योगिक मालमत्तेचे उत्तम मिश्रण आहे. रिटेल मॉल, कार्यालये, औद्योगिक उद्याने आणि हॉटेल्स व्यतिरिक्त आशिया पॅसिफिक रिटमध्ये डेटा सेंटर आणि लॉजिस्टिक्स यांसारख्या नवीन उद्योगांचा देखील समावेश करण्यात आला आहे.



Source link

Leave a Reply

Your email address will not be published. Required fields are marked *

%d bloggers like this: