बंगाल पोटनिवडणूक : भवानीपूरसहीत ३ जागांवर मतदान सुरू, BJP चा TMC वर गंभीर आरोप


हायलाइट्स:

  • भवानीपूर विधानसभा मतदारसंघात पोटनिवडणूक
  • मुख्यमंत्री ममता बॅनर्जी विरुद्ध भाजप उमेदवार प्रियंका टिबरेवाल
  • भाजपकडून तृणमूल आमदार मदन मित्रा यांच्यावर गंभीर आरोप

कोलकाता : पश्चिम बंगालमध्ये बहुचर्चित विधानसभा मतदारसंघ भवानीपूरसहीत तीन जागांवर मोठ्या सुरक्षेसह आज मतदान पार पडतंय. सकाळी ७.०० वाजल्यापासून मतदानाला सुरुवात झालीय. भवानीपूर विधानसभा मतदारसंघात खुद्द मुख्यमंत्री ममता बॅनर्जी तृणमूल काँग्रेसच्या उमेदवार म्हणून उभ्या आहेत तर दुसरीकडे भाजपकडून प्रियांका टिबरेवाल यांना उमेदवारी देण्यात आलीय. भवानीपूरशिवाय मुर्शिदाबाद जिल्ह्यातील जंगीपूर आणि समसेरजंग या विधानसभा मतदारसंघातही आज मतदान पार पडतंय.

दरम्यान भवानीपूरमध्ये भाजप उमेदवार प्रियांका टिबरेवाल यांनी तृणमूल काँग्रेसवर गंभीर आरोप केला आहे. टिबरेवाल यांच्या म्हणण्यानुसार, तृणमूलचे आमदार मदन मित्रा यांनी जबरदस्तीनं वोटिंग मशीन बंद केलं. नागरिकांनी मतदान केलं तर त्यांना आपल्या मनाप्रमाणे निकाल मिळणार नाही. त्यामुळे तृणमूलकडून बूथ कॅप्टरिंगचा प्रयत्न केला जात असल्याचा आरोप टिबरेवाल यांनी केलाय.

bhabanipur by-elections : ममतांचं मुख्यमंत्रीपद कायम राहणार का? भवानीपूरसह तीन जागांसाठी आज मतदान
yogi adityanath : यूपीत पुन्हा कमळ फुलणार! आगामी निवडणुकीत भाजप ३२५ – ३५० जागा जिंकणार?
भाजपकडून तृणमूलवर सत्तेच्या दुरुपयोगाचा आरोप करण्यात येतोय. दुसरीकडे भवानीपूरसहीत इतर दोन जागांवर ईव्हीएम सुरक्षेवर नजर ठेवण्यासाठी विशेष वाहनांची सोय करण्यात आलीय. बूथची सुरक्षा पोलिसांच्या हाती देण्यात आलीय. तसंच केंद्रीय दलाच्या १५ कंपन्या इथं तैनात करण्यात आलेल्या आहेत.

ज्या ज्या ठिकाणी आज मतदान होतंय तिथं सुरक्षेसाठी सर्व उपाय करण्यात आल्याचा दावा प्रशासनाकडून करण्यात येतोय. मतदान होणाऱ्या भागांत कलम १४४ लागू करण्यात आलंय. गेल्या काही दिवसांच्या तणावाच्या पार्श्वभूमीवर हा निर्णय घेण्यात आला. या पोटनिवडणुकीचे निकाल ३ ऑक्टोबर रोजी घोषित केले जाणार आहेत.

amarinder singh : अमित शहा-अमरिंदर सिंग भेटीवरून संतप्त झालेली काँग्रेस काय-काय बोलली?
​amarinder singh meets amit shah : अमित शहा-अमरिंदर सिंग यांच्यात ४५ मिनिटं चर्चा; भाजपमध्ये उद्या प्रवेश करणार?



Source link

Leave a Reply

Your email address will not be published.

%d bloggers like this: