पुन्हा उडाला इंधन भडका ; भोपाळमध्ये पेट्रोल ११० रुपयांवर , डिझेल शंभरीच्या उंबरठ्यावर


हायलाइट्स:

  • आज गुरुवारी कंपन्यांनी पेट्रोलमध्ये २५ पैसे आणि डिझेलमध्ये ३० पैशांची वाढ केली.
  • या दरवाढीनंतर मुंबईत पेट्रोलचा भाव १०७.७१ तर डिझेलचा भाव ९७.५२ रुपये झाला आहे.
  • मध्य प्रदेशातील भोपाळमध्ये पेट्रोलचा भाव ११० रुपयावर गेला आहे.

मुंबई : कच्च्या तेलातील महागाईच्या पार्श्वभूमीवर एक दिवसआड पेट्रोलियम कंपन्यांची इंधन दरवाढ सुरूच आहे. आज गुरुवारी कंपन्यांनी पेट्रोलमध्ये २५ पैसे आणि डिझेलमध्ये ३० पैशांची वाढ केली. या दरवाढीनंतर मुंबईत पेट्रोलचा भाव १०७.७१ तर डिझेलचा भाव ९७.५२ रुपये झाला आहे. मध्य प्रदेशातील भोपाळमध्ये पेट्रोलचा भाव ११० रुपयावर गेला आहे.

सोने सावरले तर चांदीवर दबाव कायम ; जाणून घ्या सोने-चांदीचा आजचा भाव
यापूर्वी मंगळवारी देशभरात पेट्रोल आणि डिझेलमध्ये वाढ झाली होती तर बुधवारी इंधन दर स्थिर ठेवले होते. जागतिक कमॉडिटी बाजारात ब्रेंट क्रूडचा भाव ८०.६९ डॉलर प्रती बॅरल इतका वाढला. आॅक्टोबर २०१८ नंतर हा सर्वाधिक दर आहे.युरोपात तेलाची मागणी वाढली असून पुरवठा मर्यादित असल्याने नजीकच्या काळात तेलाचा भाव आणखी वाढण्याची शक्यता जाणकारांनी व्यक्त केली आहे.

मंत्रिमंडळाने दिली प्रस्तावाला मंजुरी; ‘या’ सरकारी कंपनीचा येणार आयपीओ
आजच्या दरवाढीनंतर देशभरात पेट्रोल आणि डिझेलचा भाव वाढला आहे. मुंबईत एक लीटर पेट्रोलचा भाव १०७.७१ रुपये झाला आहे. दिल्लीत पेट्रोल १०१.६४ रुपये झाले आहे. चेन्नईत पेट्रोलचा भाव ९९.३६ रुपये इतका वाढला आहे. कोलकात्यात एक लीटर पेट्रोल १०२.१७ रुपये झाला आहे. भोपाळमध्ये साध्या पेट्रोलचा भाव ११०.११ रुपयांपर्यंत वाढला आहे. बंगळुरात पेट्रोल १०५.१८ रुपये झाले आहे.

स्वस्त कर्जाचा परिणाम; सात प्रमुख शहरांमध्ये घरांची विक्री दुपटीने वाढली
आज मुंबईत एक लीटर डिझेलचा भाव ९७.५२ रुपये झाला आहे. दिल्लीत डिझेल ८९.८७ रुपये आहे. चेन्नईत ९४.९५ रुपये आणि कोलकात्यात डिझेलचा भाव ९२.९७ रुपये प्रती लीटर इतका आहे. भोपाळमध्ये डिझेलचा भाव ९८.७७ रुपये असून बंगळुरात डिझेल ९५.३८ रुपये आहे.

अमेरिकेकडून अल्प पुरवठा आणि ओपेकच्या काही सदस्यांनी कमी उत्पादनामुळे जागतिक तेल पुरवठा मालिका दबावाखाली राहिली. अमेरिकेच्या कच्च्या तेलाचा साठा आधीच्या आठवड्यात जवळजवळ तीन वर्षांतील सर्वात निचांकी पातळीवर घसरला. ज्यामुळे बाजारातील भावनांना आणखी पाठिंबा झाला. ईआयएच्या अहवालानुसार, १७ सप्टेंबर रोजी संपलेल्या आठवड्यात अमेरिकन क्रूडच्या सूचीत ३.५ दशलक्ष बॅरलने घट झाली. अमेरिका आणि ओपेकच्या काही सदस्यांकडून कमी पुरवठा असताना इंधनाच्या वाढत्या मागणीमुळे तेलाच्या किंमतींना पाठिंबा मिळू शकतो.



Source link

Leave a Reply

Your email address will not be published.

%d bloggers like this: