फक्त १० वर्षात व्हाल करोडपती, म्युच्यूअल फंडमध्ये अशाप्रकारे करा गुंतवणूक


How to become Rich: आपण करोडपती व्हाव असं प्रत्येकाला वाटत असतं. आपण श्रीमंत व्हाव असं प्रत्येकाला वाटत (How to Become Crorepati) असलं, तरी ज्या वेगात महागाई, खर्च वाढत आहेत, त्यानुसार सेव्हिंग करणं, गुंतवणूक करणं अधिक कठीण होत आहे. अशात गुंतवणुकीचे काही पर्याय फायदेशीर ठरू शकतात. पण अशा गुंतवणुकीत अतिशय काटेकोरपणे, सलग गुंतवणूक करणं गरजेचं आहे. लहान वयातच गुंतवणुकीस सुरुवात केल्यास चांगला फंड तयार करता येतो. जास्तीत जास्त रिटर्न्स हवे असल्यास, तुम्ही इक्विटीमध्ये गुंतवणूक करू शकता. म्युच्यूअल फंडमध्ये (Mutual Fund) एसआयपीच्या (SIP) माध्यमातून अशी गुंतवणूक करणं सोपं तसंच फायदेशीर ठरतं. अशा पद्धतीने तुम्ही १० वर्षात एक कोटी रुपयांचा फंड तयार करू शकता.

१० वर्षात बनू शकता करोडपती

करोना काळानंतर अनेकजण गुंतवणुकीबाबत सतर्क झाले आहेत. गुंतवणुकीचं, सेव्हिंगचं महत्त्व अधिक वाढलं आहे. अनेकजण बँका, शेअर मार्केट, पोस्ट ऑफिस अशा मार्गांनी गुंतवणूक करताना दिसतात. सध्या गुंतवणुकीमध्ये म्युच्यूअल फंड, एसआयपीची (SIP) मोठी चर्चा असून अनेक जण याकडे वळताना दिसत आहेत. म्युच्यूअल फंडमधील एसआयपी हा गुंतवणुकीचा असा पर्याय आहे, ज्यात महिन्याला अगदी कमी गुंतवणूक करुन काही वर्षांनंतर मोठा फंड तुम्ही मिळवू शकता.

अधिक रिटर्न्ससाठी इथे करा गुंतवणूक

इक्विटी म्युच्यूअल फंड (Equity Mutual Funds) गुंतवणुकीसाठी (Investment) एक चांगला पर्याय आहे. इक्विटी म्युच्यूअल फंडमध्ये तुम्ही एसआयपीच्याद्वारे लहान बचत करुन मोठी गुंतवणूक करू शकता. ही गुंतवणूक तुम्हाला कोट्यधीश बनवू शकते. ज्यांना मोठी रक्कम जमा करायची आहे, पण एकरकमी रक्कम नाही, ते म्युच्यूअल फंड SIP द्वारे गुंतवणूक करू शकतात. म्युच्यूअल फंडातील SIP तुम्हाला कमीत-कमी १२ टक्के वार्षिक व्याजदर (Interest Rate) देऊ शकते.

अशी वाढवा तुमची गुंतवणूक

इक्विटी म्युच्यूअल फंडमध्ये तुम्ही १० वर्षांचं टार्गेट ठेवू शकता. या दहा वर्षांच्या गुंतवणुकीतून एक कोटींचा फंड जमा करता येतो. हे टार्गेट पूर्ण करण्यासाठी तुम्ही महिन्याला एसआयपीमध्ये अॅन्युअल स्टेप-अपचा (Annual Step-up) उपयोग करू शकता. स्टेप-अप एसआयपीचं एक असं फीचर आहे, जे एका कालावधीनंतर SIP मध्ये तुमचं योगदान वाढवते. तुम्ही दरवर्षी एसआयपीच्या रकमेत काही टक्क्यांची वाढ करू शकता. हेही वाचा – Investment Tips: गुंतवणूक करताना या ५ चुका अजिबात करू नका, होऊ शकतं मोठं नुकसान

एक कोटी फंडसाठी असं आहे कॅलक्युलेशन

तुम्ही वार्षिक वाढीद्वारे तुमचं उत्पन्न वाढवू शकता आणि तुमच्या आर्थिक उद्दिष्टांनुसार (Financial Goals) SIP ची रक्कम दरवर्षी वाढवू शकता. जर तुम्ही १० वर्षांच्या एसआयपीमधून एक कोटी रुपये जमा करण्याची योजना आखत असाल, तर तुम्ही अॅन्युअल स्टेप-अप २० टक्के ठेवू शकता. म्हणजेच दरवर्षी तुम्ही तुमची SIP २० टक्क्यांनी वाढवू शकता. एसआयपी कॅलक्युलेटरनुसार (SIP calculator), १२ टक्क्यांच्या वार्षिक रिटर्ननुसार, तुम्हाला महिन्याला २१००० रुपयांच्या एसआयपीपासून सुरुवात करावी लागेल. हेही वाचा – Gautam Adani: ड्रॉप आऊट अदानी २०व्या वर्षीच झाले होते करोडपती, स्वत:च सांगितला यशाचा मंत्र

अशी होईल एक कोटींची गुंतवणूक

महिन्याला २१००० रुपयांच्या एसआयपीवर जर अंदाजे वार्षिक रिटर्न्स १२ टक्के आणि वार्षिक स्टेप-अप २० टक्के असेल, तसंच कालावधी १० वर्ष असल्यास तुम्ही १ कोटींचा फंड जमा करू शकता. एसआयपी कॅलक्युलेटरनुसार (SIP calculator), दहा वर्षांनंतर गुंतवणुकीची एकूण रक्कम ६५,४१,५८८ रुपये असेल आणि रिटर्न अमाउंट ३८,३४,५५६ रुपये असेल. अशाप्रकारे तुम्ही १,०३,७६,१४४ रुपयांचा फंड जमा करू (Millionaire In 10 Years) शकता.



Source link

Leave a Reply

Your email address will not be published.

%d bloggers like this: