धक्का देऊन कालव्यात फेकलं; रिसेप्शनिस्ट अंकिताला संपवणारा भाजप नेत्याचा मुलगा आहे तरी कोण?


देहरादून: रिसेप्शनिस्ट अंकिता भंडारीची उत्तराखंडमधील पौडी गढवाल जिल्ह्यातील एका खासगी रिसॉर्टमध्ये हत्या करण्यात आली आहे. मात्र, तिचा मृतदेह अद्याप सापडलेला नाही. या प्रकरणी पोलिसांनी भाजप नेत्याचा मुलगा पुल्कित आर्य याच्यासह तिघांना अटक केली आहे. या सर्वांना १४ दिवसांची न्यायालयीन कोठडी सुनावण्यात आली आहे.

अंकिता जिथे काम करायची त्या रिसॉर्टचा पुल्कित आर्य हा संचालक होता. चार दिवसांपासून मुलगी बेपत्ता झाल्यानंतर रिसॉर्टचा संचालक आणि व्यवस्थापक दोघेही फरार होते. आता या प्रकरणाचा खुलासा करत पोलिसांनी मुख्य आरोपी पुल्कित आर्यबाबत माहिती दिली आहे.

हेही वाचा –रिसेप्शनिस्ट रिसॉर्टच्या कस्टमरकडे जाईना; भाजप नेत्याच्या मुलानं निर्घृणपणे संपवलं

पुल्कित आर्य यापूर्वीही वादात

या हत्येतील मुख्य आरोपी पुल्कित आर्य हा माजी राज्यमंत्री विनोद आर्य यांचा मुलगा आहे. ते वनंत्रा रिसॉर्टचा मालक आहेत. सध्या विनोद आर्य हे भाजप ओबीसी मोर्चाच्या राष्ट्रीय कार्यकारिणीचा सदस्य असून ते यूपीचा सहप्रभारीही आहेत. यापूर्वी ते राज्यमंत्रीही राहिलेले आहेत. त्यांचा दुसरा मुलगा अंकित याला राज्यमंत्रिपद मिळाले आहे. ते सध्या राज्य मागास आयोगाचे उपाध्यक्ष आहेत. तर पुल्कित आर्यचे वडील विनोद आर्य यांना याबाबत विचारण्यात आले असता, त्यांनी मुलाने पीडितेवर लैंगिक अत्याचार केल्याचे सर्व आरोप फेटाळून लावले आहेत.

लॉकडाउनच्या काळातही पुल्कित आर्य वादात सापडला होता. तो उत्तर प्रदेशचे वादग्रस्त नेते अमरमणी त्रिपाठी यांच्यासोबत उत्तरकाशीतील प्रतिबंधित भागात गेला होता. अमरमणी त्रिपाठी यांच्यावर कवयित्री मधुमिता शुक्ला यांच्या हत्येचा आरोप आहे. याप्रकरणी अमरमणी त्रिपाठी यांनी १४ वर्ष तुरुंगात काढले आहेत.

हेही वाचा –रिसॉर्ट रिसेप्शनिस्टचा मृत्यू; पोलिसांना वेगळाच संशय, भाजप नेत्याच्या मुलाला अटक

आरोपींची नागरिकांकडून धुलाई

ऋषिकेशमध्ये अंकिता खून प्रकरणातील तिन्ही आरोपी अंकित, सौरभ भास्कर, पुल्कित आर्य यांना पोलीस न्यायालयात हजर करण्यासाठी कोटद्वारला घेऊन जात असताना शेकडो ग्रामस्थांनी त्यांची गाडी अडवून आरोपींना बेदम मारहाण केली.

नेमकं प्रकरण काय?

वनंतरा रिसॉर्टमध्ये अंकिता भंडारी (वय १९) रिसेप्शनिस्ट म्हणून काम करत होती. रिसॉर्टमध्ये येणाऱ्या ग्राहकांकडे जाण्यास तिने नकार दिला. वेश्या व्यवसाय करण्यास तयार नसल्यानं अंकिताची हत्या केल्याची माहिती आरोपींनी पोलिसांना दिली आहे. अंकिताची हत्या करून तिचा मृतदेह चीला शक्ती कालव्यात फेकल्याचं आरोपींनी पोलिसांना सांगितलं. पोलीस अंकिताच्या मृतदेहाचा शोध घेत आहेत.

हेही वाचा –मध्यरात्री रेल्वे स्थानकावर घेऊन फिरला, मग मैदानात नेऊन महिलेला संपवलं, परभणीत थरार

गढवालच्या श्रीकोट गावाची रहिवासी असलेली अंकिता भंडारी गंगा भोगपूरमधील रिसॉर्टमध्ये गेल्या काही महिन्यांपासून रिसेप्शनिस्ट काम करत होती. अंकिता रिसॉर्टवर एका वेगळ्या खोलीत राहायची, अशी माहिती पुल्कित आर्यानं पोलिसांना दिली. गेल्या काही दिवसांपासून अंकिता मानसिक तणावाखाली होती. त्यामुळेच तिला १८ सप्टेंबरला फिरायला ऋषिकेशला घेऊन गेलो होतो, असं आर्यानं सांगितलं.

देशभरात एनआयएची मोठी कारवाई, कोल्हापुरातूनही १ जण ताब्यात; दहशतवादी कारवायांचा आरोप



Source link

Leave a Reply

Your email address will not be published.

%d bloggers like this: