पाकिस्तान: पेशावरमध्ये शीख डॉक्टरची गोळ्या घालून निर्घृण हत्या


पेशावर: पाकिस्तानमध्ये अल्पसंख्यक समुदायावर हल्ले सुरूच आहेत. पेशावरमध्ये शीख समुदायातील डॉक्टरची गोळ्या घालून निर्घृण हत्या करण्यात आली. काही अज्ञात हल्लेखोरांनी हे कृत्य केले. युनानी डॉक्टर सरदार सतनाम सिंग (खालसा) असे या मृत डॉक्टरचे नाव आहे.

पोलिसांनी दिलेल्या माहितीनुसार, डॉ. सिंग यांना चार गोळ्या झाडण्यात आल्या. हल्ला झाल्यानंतर अज्ञात हल्लेखोर घटनास्थळावरून फरार होण्यास यशस्वी ठरले. स्थानिक माध्यमांनी दिलेल्या माहितीनुसार, डॉ. सिंग हे हसनदल येथे वास्तव्य करत होते. शहरात ते एक धर्मादाय दवाखानाही चालवत होते. घटना घडल्यानंतर पोलिसांचे एक पथक घटनास्थळी दाखल झाले. त्यांनी तातडीने चौकशी सुरू केली.

न्यूझीलँडमधील भारतीय प्राध्यापकाला हिंदुत्ववाद्यांकडून धमकी; पोलिसांनी सुरक्षा वाढवली

डॉ. सिंग यांच्या हत्येची पोलिसांनी चौकशी सुरू केली असून हा दहशतवाद्यांनी हल्ला केला असावा का, याचाही तपास करण्यात येत आहे. पाकिस्तानमध्ये हिंदू, ख्रिश्चन, शीख आणि पारशी समुदायाला हिंसाचाराचा सामना करावा लागत आहे.

पाकिस्तानमध्ये १२ दहशतवादी संघटनांना आश्रय; पाच संघटनांकडून भारतविरोधी कारवाया
दरम्यान, मागील काळामध्ये पाकिस्तानमध्ये अल्पसंख्यक समुदायावर हल्ले वाढत आहे. भारताने संयुक्त राष्ट्र संघाच्या ७६ व्या सत्रादरम्यान हा मुद्दा उपस्थित केला होता. भारताच्या संयुक्त राष्ट्रातील प्रथम सचिव स्नेहा दुबे यांनी पाकिस्तानचे पंतप्रधान इम्रान खान यांच्या आरोपांना उत्तर देताना हा मुद्दा उपस्थित केला होता. पाकिस्तानमध्ये अल्पसंख्यक भीतीच्या वातावरणात जगत असून सरकार पुरस्कृत दहशतवादाकडून त्यांच्या अधिकाराचे हनन होत असल्याचे स्नेहा दुबे यांनी म्हटले.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: