भीषण अपघात: १५० फूट खोल दरीत कोसळला मालवाहू ट्रक; चालकाचा मृत्यू


हायलाइट्स:

  • कुंभार्ली घाटात भीषण अपघात
  • खोल दरीत मालवाहू गाडी कोसळली
  • दुर्घटनेत चालकाचा जागीच मृत्यू

रत्नागिरी : चिपळूण-कराड मार्गावर कुंभार्ली घाटात भीषण अपघात झाला आहे. आयशर ट्रक दरीत कोसळून झालेल्या या अपघातात चालकाचा जागीच मृत्यू झाला आहे. सलमान खान असं मृत चालकाचं नाव आहे.

कुंभार्ली घाटात १५० फूट खोल दरीत आयशर ट्रक कोसळला. हा अपघात बुधवारी रात्री उशिरा झाल्याची माहिती आहे. सकाळी घाटमाथा चेक पोस्टला ड्युटीवर जाणारे पोलीस कॉन्स्टेबल सुजित कदम यांना रस्त्याचा कठडा तुटल्याचं लक्षात आलं. यावेळी त्यांनी सतर्कता दाखवल्याने हा अपघात झाल्याचे लक्षात आले. अवघड वळणावर उजवीकडे असलेल्या खोल दरीत हा मालवाहू ट्रक कोसळला.

नदीपात्रात कोसळली कार: एक मृतदेह आढळला; अपघात की घातपात?

अपघातग्रस्त वाहन हे खेडमधील आंब्रे यांच्या ट्रान्सपोर्ट सेवेतील होते. या गाडीत लोटे येथील एमआयडीसीतील कान्सई नेरोलेक या कंपनीचा माल होता.

प्राथमिक अंदाजानुसार चालकाला झोप आल्याने किंवा गाडीच्या तांत्रिक बिघाडामुळे हा अपघात घडला असावा अशी माहिती पोलीस सूत्रांनी दिली. मात्र अपघाताचं नेमकं कारण पुढील तपासात कळू शकते.

दरम्यान, मूळचा दापोलीतील असलेला चालक सलमान शेख चिपळूणमधील कावीळतळीत सध्या कामाच्या निमित्ताने वास्तव्यास होता. शिरगाव येथील प्राथमिक आरोग्य केंद्रात शवविच्छेदन करून मृतदेह नातेवाईकांच्या ताब्यात देण्यात आला. याबाबत अधिक तपास सहाय्यक पोलीस निरीक्षक संदीप पाटील करत आहेत.



Source link

Leave a Reply

Your email address will not be published.

%d bloggers like this: