नवी मुंबईच्या कंपनीचा शेअर बाजारात डंका; ‘पारस डिफेन्स’नं केलं गुंतवणूकदारांना मालामाल


हायलाइट्स:

  • पारस डिफेन्स अँड स्पेस टेक्नाॅलाॅजी या कंपनीने आज शुक्रवारी भांडवली बाजारात जोरदार एंट्री घेतली.
  • पारस डिफेन्स अँड स्पेस टेक्नाॅलाॅजीचा शेअर ४७५ रुपयांवर सूचीबद्ध झाला.
  • समभाग विक्री योजनेसाठी कंपनीने प्रती शेअर १७५ रुपये किंमत ठरवली होती.

मुंबई : संरक्षण क्षेत्रातील पारस डिफेन्स अँड स्पेस टेक्नाॅलाॅजी या कंपनीने आज शुक्रवारी भांडवली बाजारात जोरदार एंट्री घेतली. एकीकडे बाजारात नफावसुलीचा दबाव असताना देखील पडत्या बाजारात पारस डिफेन्स अँड स्पेस टेक्नाॅलाॅजीच्या शेअरने गुंतवणूकदारांना मालामाल केले. पारस डिफेन्स अँड स्पेस टेक्नाॅलाॅजीचा शेअर ४७५ रुपयांवर सूचीबद्ध झाला. समभाग विक्री योजनेसाठी कंपनीने प्रती शेअर १७५ रुपये किंमत ठरवली होती. नवी मुंबईत मुख्यालय असलेल्या या कंपनीचे महाराष्ट्रात दोन प्रकल्प आहेत.

दरवाढीचा झटका ; पेट्रोल-डिझेल पुन्हा महागले, जाणून घ्या आजचा दर
पारस डिफेन्स अँड स्पेस टेक्नाॅलाॅजीच्या समभाग विक्रिला गुंतवणूकदारांकडून तुफान प्रतिसाद मिळाला होता. २१ ते २३ सप्टेंबर २०२१ दरम्यान समभाग विक्रीसाठी अर्ज मागवण्यात आले होते. आयपीओ ३०४ पटीने सबस्क्राईब झाला होता. तर किरकोळ गुंतवणूकदारांचा राखीव हिस्सा ११३ पटीने सबस्क्राईब झाला होता.

केंद्र सरकारचा महत्वाचा निर्णय; ‘पीपीएफ’सह अल्प बचतीच्या योजनांवर मिळेल इतके व्याज
ग्रे मार्केटमध्ये देखील पारस डिफेन्स अँड स्पेस टेक्नाॅलाॅजीच्या शेअरमध्ये तेजी दिसून आली. गुरुवारपर्यंत ग्रे मार्केटमध्ये पारस डिफेन्स अँड स्पेस टेक्नाॅलाॅजीच्या शेअरचा भाव २२० ते २३० रुपये इतका होता. त्यामुळे प्रत्यक्ष भांडवली बाजारात शेअरची दमदार नोंदणी होणार असा अंदाज जाणकारांनी व्यक्त केला होता. त्यानुसार कंपनीच्या शेअरने तशीच कामगिरी केली.

पीएफ खातेधारकांनो, आजच उरकून घ्या ‘हे’ काम; ७ लाख रुपयांचा मिळेल लाभ
आज शुक्रवारी पारस डिफेन्स अँड स्पेस टेक्नाॅलाॅजीचा शेअर बीएसईवर ४७५ रुपयावर सूचीबद्ध झाला. एनएसईवर या शेअरची ४६९ रुपयांवर नोंदणी झाली. १६८ टक्के वाढीव किमतीत त्याची नोंद झाली.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: