भांग विक्री करून अर्थव्यवस्था सुधरवणार पाकिस्तान; मंत्र्याने केले शेतीचे उद्घाटन


इस्लामाबाद: पाकिस्तानची आर्थिक परिस्थिती खालावली असल्याचे स्पष्ट करणारी अनेक उदाहरणे समोर आली आहे. सरकार आता महसूल वाढीसाठी वेगवेगळे उपाय आखत आहे. त्याचाच एक भाग म्हणून पाकिस्तान भांग विक्री करणार आहे. पाकिस्तानचे माहिती आणि प्रसारण मंत्री फवाद चौधरी यांनी देशातील पहिल्या भांगेच्या शेतीचे उद्घाटन केले.

कोट्यवधी डॉलर महसूलाचे उद्दिष्ट

भांग हा एक प्रकारचा मादक पदार्थ असतो. मात्र, जगातील अनेक देशांमध्ये याचा वापर औषध म्हणून केला जातो. पाकिस्तान सरकार भांगेच्या शेतीला प्रोत्साहन देणार आहे. जेणेकरून या माध्यमातून त्यांना मोठ्या प्रमाणावर महसूल मिळवता येणे शक्य होईल. ट्वीटरवर फवाद चौधरी यांनी हा प्रकल्प सुरू होणे ही मोठी बाब असल्याचे म्हटले. पाकिस्तान कोट्यवधी डॉलरच्या भांग उद्योगात मोठी भूमिका बजावणार असल्याचेही त्यांनी म्हटले.

तालिबानला चीनकडून ३.१ कोटी डॉलरची मदत; मदतीचे साहित्य सुपूर्द

पाकिस्तान: पेशावरमध्ये शीख डॉक्टरची गोळ्या घालून निर्घृण हत्या

पाकिस्तानी नागरिकावर लाखोंचे कर्ज

पाकिस्तानचे पंतप्रधान इम्रान खान यांनी देशाची आर्थिक परिस्थिती सुधरवण्यासाठी आंतरराष्ट्रीय नाणेनिधीकडून २.७५ अब्ज डॉलरचे (जवळपास २० हजार कोटी रुपये) कर्ज घेतले असल्याचे वृत्त ऑगस्ट महिन्यात समोर आले होते. पाकिस्तानची आर्थिक परिस्थिती ढासळत असून इम्रान खान सरकार आर्थिक आघाडीवर अपयशी ठरले असल्याची टीका विरोधकांनीही केली आहे. सध्या दर पाकिस्तानी नागरिकावर एक लाख ७५ हजार रुपयांचे कर्ज आहे.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: