PM मोदी म्हणाले, ‘… बाबासाहेब आंबेडकरांची स्वप्नं पूर्ण करण्याच्या दिशेने हे एक महत्त्वाचं पाऊल’


नवी दिल्लीः पंतप्रधान नरेंद्र मोदी यांनी आज ‘स्वच्छ भारत मिशन-अर्बन 2.0’ ( swachh bharat mission-urban ) आणि ‘अमृत 2.0’ लाँच केले. २०१४ मध्ये देशवासियांनी भारताला उघड्यावर शौचमुक्त करण्याची प्रतिज्ञा घेतली होती. १० कोटींहून अधिक शौचालये बांधून देशवासियांनी ही प्रतिज्ञा पूर्ण केली. आता ‘स्वच्छ भारत मिशन-अर्बन 2.0’ चे ध्येय हे कचरामुक्त शहर म्हणजे कचऱ्यापासून शहर पूर्णपणे मुक्त करणं असल्याचं या कार्यक्रमाला संबोधित करताना पंतप्रधान मोदी म्हणाले.

नद्यांमध्ये नाल्यांचे प्रदुषित पाणी सोडू नका

मिशन अमृतच्या पुढील टप्प्यात सांडपाणी आणि मलनिस्सारण व्यवस्थापन वाढवणे, आपल्या शहरांना पाणी सुरक्षित शहर बनवणे आणि आपल्या नद्यांमध्ये कुठेही नाल्यांचे प्रदुषित पाणी जाणार नाहीत याची खात्री करणे, हे देशाचे ध्येय आहे. स्वच्छ भारत अभियान आणि अमृत मिशनचा आतापर्यंतचा प्रवास खरोखरच प्रत्येक नागरिकाचा अभिमानाने भरून टाकणारा आहे. हे एक मिशन आहे, यात मान, प्रतिष्ठा, देशाची महत्वाकांक्षा आणि मातृभूमीसाठीचे प्रेमही आहे, असं पंतप्रधान मोदी म्हणाले.

स्वच्छ भारत मिशन आणि मिशन अमृतचा पुढचा टप्पा देखील भारतरत्न डॉ. बाबासाहेब आंबेडकरांची स्वप्ने पूर्ण करण्याच्या दिशेने एक महत्त्वाचे पाऊल आहे. असमानता दूर करण्याचे उत्तम माध्यम म्हणून शहरी विकासावर बाबासाहेबांचा विश्वास होता. एकतर घरापासून दूर आणि वरून अशा परिस्थितीत राहणे, हा एक दुहेरी फटका होता. ही परिस्थिती बदलण्यावर आणि समाजातील विषमता दूर करण्यावर बाबासाहेबांनी भर दिला होता. स्वच्छ भारत मिशन आणि मिशन अमृतचा पुढील टप्पा देखील डॉ. बाबासाहेब आंबेडकरांची स्वप्ने पूर्ण करण्याच्या दिशेने एक महत्त्वाचे पाऊल आहे, असं पंतप्रधान मोदी म्हणाले.

shivraj singh chouhan : PM मोदींना भेटले मुख्यमंत्री चौहान, आठवड्यातला दुसरा दिल्ली दौरा

आपले सफाई मित्र, रोज झाडूने रस्ते स्वच्छ करणारे आपले बंधू आणि भगिनी, कचऱ्याची दुर्गंधी सहन करत कचरा साफ करणारे आपले मित्र, खऱ्या अर्थाने या मोहिमेचे महान नायक आहेत. करोनाच्या कठीण काळात देशाने त्यांचे योगदान जवळून पाहिले आहे. जेव्हा निर्मल गुजरात मोहीम जनआंदोलन बनले, तेव्हा त्याचे खूप चांगले सकारात्मक परिणामही दिसून आले. यामुळे गुजरातला केवळ नवी ओळख मिळाली नाही, तर राज्यात पर्यटनही वाढले. जनआंदोलनाचा हा भाव स्वच्छ भारत मिशनच्या यशाचा आधार आहे, असं पंतप्रधान मोदींनी सांगितलं.

farmers protest supreme court : शेतकरी आंदोलनावर सुप्रीम कोर्ट बरसले; म्हणाले, ‘तुम्ही शहराचा गळा

स्वच्छता ही एक दिवस, पंधरवडा, वर्ष किंवा काही लोकांचे काम आहे, असे नाही. स्वच्छता ही प्रत्येकासाठी एक मोठी मोहीम आहे, प्रत्येक दिवस, प्रत्येक पंधरवडा, दरवर्षी, पिढ्यानपिढ्या चालणारे अभिायन आहे. स्वच्छता जीवनशैली आहे, स्वच्छता हा जीवनमंत्र आहे, असं आवाहन पंतप्रधान मोदींनी केलं.



Source link

Leave a Reply

Your email address will not be published.

%d bloggers like this: