मोठ्या तेजीला लागला ब्रेक ; आज सोन्यामध्ये झाली पुन्हा घसरण , चांदी मात्र महागली


हायलाइट्स:

  • एमसीएक्सवर सोन्याचा भाव १८० रुपयांनी कमी झाला.
  • तर चांदीमध्ये ३९८ रुपयांची वाढ झाली आणि चांदीचा भाव ६० हजारांवर गेला.
  • गुरुवारी सोन्याचा भाव ७७५ रुपयांनी वधारला आणि ४६७६९ रुपयांवर स्थिरावला होता.

मुंबई : कमॉडिटी बाजारात गुरुवारी मोठी वाढ नोंदवल्यानंतर आज शुक्रवारी पुन्हा नफावसुली दिसून आली आहे. एमसीएक्सवर सोन्याचा भाव १८० रुपयांनी कमी झाला. तर चांदीमध्ये ३९८ रुपयांची वाढ झाली आणि चांदीचा भाव ६० हजारांवर गेला.

सरकारी तिजोरीला अच्छे दिन! सप्टेंबरमध्ये ‘जीएसटी’मधून मिळाले इतके लाख कोटी
सध्या मल्टी कमॉडिटी एक्सचेंजवर सोन्याचा भाव प्रती १० ग्रॅम ४६३९८ रुपये आहे. त्यात १२३ रुपयांची घसरण झाली आहे. तत्पूर्वी सोन्याचा भाव ४६३५३ रुपयांपर्यंत घसरला होता. एक किलो चांदीचा भाव ६०००९ रुपये आहे. त्यात ३९२ रुपयांची वाढ झाली आहे. त्याआधी चांदीने ५८५८० रुपयांची नीच्चांकी पातळी गाठली होती.

‘या’ ४ स्टॉक्समध्ये करा गुंतवणूक; अल्पावधीतच व्हाल मालामाल, या ब्रोकरचा अंदाज
कमॉडिटी बाजारात गुरुवारी तेजी दिसून आली होती. गुरुवारी सोन्याचा भाव ७७५ रुपयांनी वधारला आणि ४६७६९ रुपयांवर स्थिरावला होता. एक किलो चांदीचा भाव १२१४ रुपयांनी वधारला आणि तो ५९६०० रुपयांवर बंद झाला.

Goodreturns या वेबसाईटनुसार आज शुक्रवारी मुंबईत २२ कॅरेट सोन्याचा भाव ४५४७० रुपये इतका वाढला आहे. २४ कॅरेटचा भाव ४६४७० रुपये झाला. त्यात ९८० रुपयांची वाढ झाली. आज दिल्लीत २२ कॅरेट सोन्याचा भाव ४५५५० रुपये झाला. २४ कॅरेटसाठी सोन्याचा भाव ४९७०० रुपये आहे. आज चेन्नईत २२ कॅरेटसाठी ४३९३० रुपये तर २४ कॅरेट सोन्याचा भाव ४७९१० रुपये आहे. कोलकात्यात आज २२ कॅरेट सोन्याचा भाव ४५८५० रुपये असून २४ कॅरेट सोन्याचा भाव ४८५५० रुपयांवर स्थिर आहे.

दरम्यान आज सराफा बाजारात सोन्याचा भाव तेजीत होता. एचडीएफसी सिक्युरिटीजनुसार दिल्लीमध्ये आज सोने ५५५ रुपयांनी महागले आणि सोन्याचा भाव प्रती १० ग्रॅम ४५४७२ रुपये झाला. चांदीमध्ये देखील आज ९७५ रुपयांची वाढ झाली. एक किलो चांदीचा भाव सराफा बाजारात ५८४०० रुपये झाला.



Source link

Leave a Reply

Your email address will not be published.

%d bloggers like this: