‘ओ, हसीन जुल्फों वाली’; शतक केल्यानंतर स्मृतीचे केले असे कौतुक


नवी दिल्ली: भारतीय महिला संघातील सलामीवीर स्मृती मानधना शुक्रवारी ऑस्ट्रेलियात इतिहास घडवला. ऑस्ट्रेलियाविरुद्ध सुरू असलेल्या पिंक बॉल टेस्टमध्ये दुसऱ्या दिवशी तिने शतक झळकावले. ऑस्ट्रेलियात पिंक बॉल कसोटीत शतक करणारी ती पहिली भारतीय महिला ठरली. स्मृती १२७ धावांवर बाद झाली. तिच्या या कामगिरीनंतर सोशल मीडियावर फक्त तिची चर्चा सुरू होती.

वाचा- मुंबई इंडियन्सच्या कोचने केली हार्दिक पंड्याची पोल खोल, उपस्थित केले गंभीर प्रश्न

भारतीय महिला संघातील स्मृती मानधनाची सहकारी हरलीन कौर देओलने केलेले ट्विट चर्चेत आले आहे. देओलने शतक झळकावल्यानंतर स्मृतीचा फोटो शेअर केला आहे. हा फोटो शेअर करताना ती म्हणते की, अॅलेक्सा गाणं लाव, ओ हसीना जुल्फो वाली.

वाचा- IPLच्या इतिहासातील सर्वात मोठा विक्रम धोक्यात; या खेळाडूकडे सुवर्ण संधी

वाचा- IPL 2021 Points Table: पंजाब किंग्जच्या विजयाने दिल्ली कॅपिटल्सचा फायदा; मुंबई इंडियन्सची डोकेदुखी.

देओलच्या या मजेशी ट्विटला स्मृतीने देखील उत्तर दिले. स्मृती म्हणते, अॅलेक्सा प्लीझ हरलीन देओलला म्यूट कर.

वाचा- MI vs DC: आज पराभव झाल्यास मुंबई इंडियन्सच्या प्ले ऑफच्या आशा संपुष्टात येतील का? असे आहे गणित

स्मृतीच्या या कामगिरीनंतर वसीम जाफरने तिला ऑफ साइडची देवी असे म्हटले आहे. बीसीसीआय आणि आयसीसीने देखील तिचा फोटो शेअर करत कौतुक केले आहे. कसोटीत पहिल्या दिवशी ८० धावा करणाऱ्या स्मृतीने दुसऱ्या दिवशी शतकी खेळी केली. दुसऱ्या दिवसाचा खेळ थांबवण्यात आला तेव्हा भारताने ५ बाद २७६ धावा केल्या होत्या. आता तिसऱ्या दिवशी भारताने ३३०च्या पुढे मजल मारली आहे.

२५ वर्षीय स्मृतीचे कसोटी कारकीर्दीतील हे पहिले शतक आहे. एलिस पेरीला चौकार लगावत १७० चेंडूत शतक पूर्ण केले. स्मृतीने २१६ चेंडूत २२ चौकार आणि १ षटकार मारला. ऑस्ट्रेलियाच्या भूमीवर शतक करणारी स्मृती पहिली महिला क्रिकेटपटू ठरली आहे. स्मृतीच्या कारकीर्दीतील हा चौथा कसोटी सामना होता. यापूर्वी कसोटीत तिची सर्वोत्तम धावसंख्या ७८ होती. डे-नाईट कसोटी अर्थात पिंक बॉल कसोटीत शतक करणारी ती विराट कोहलीनंतरची दुसरी भारतीय फलंदाज ठरली आहे.



Source link

Leave a Reply

Your email address will not be published.

%d bloggers like this: