IPL 2021 : संघाचं नाव बदललं अन् नशीबच पालटलं; दिल्लीचं ‘किस्मत कनेक्शन’


मुंबई : जगप्रसिद्ध नाटककार शेक्सपिअर म्हणाला होता की, नावात काय आहे? पण आयपीएलच्या महासंग्रामात दिल्ली संघाची कामगिरी पाहिली तर फक्त नावच पुरेसं आहे असं चित्र दिसून येतं. आयपीएलचा इतिहास पाहिला तर दिल्ली संघाची दोन वेगवेगळी रुपं पाहायला मिळतात. आयपीएलच्या पहिल्या हाफमध्ये दिल्लीचा संघ डेअरडेव्हिल्स म्हणून खेळला. तर दुसऱ्या हाफमध्ये दिल्ली कॅपिटल्स बनून मैदान गाजवताना दिसत आहे.

वाचा- MI vs DC: आज पराभव झाल्यास मुंबई इंडियन्सच्या प्ले ऑफच्या आशा संपुष्टात येतील का? असे आहे गणित

दिल्ली फ्रँचायझीने दिल्ली डेअरडेव्हिल्स म्हणून जोपर्यंत आयपीएलचे सामने खेळले, तोपर्यंत या संघाची कामगिरी ग्रुप स्टेजच्या पुढे जात नव्हती. एकदाही दिल्लीचा संघ आयपीएलच्या प्ले-ऑफमध्ये पोहोचू शकला नाही.

वाचा-IPL 2021 Points Table: पंजाब किंग्जच्या विजयाने दिल्ली कॅपिटल्सचा फायदा; मुंबई इंडियन्सची डोकेदुखी..

२०१८ पर्यंत दिल्लीचा संघ डेअरडेव्हिल्स म्हणून ओळखला जात होता. २०१६ आणि २०१७ मध्ये दिल्लीचा संघ सहाव्या क्रमांकावर राहिला होता. पहिल्यापासूनच तळातील चार संघात स्थान मिळणाऱ्या दिल्लीला आपल्या धोरणात बदल करण्याची गरज होती. २०१८ मध्ये आठव्या स्थानी राहत दिल्लीने त्यांची आतापर्यंतची सर्वात निराशाजनक कामगिरी केली होती.

वाचा- IPL मध्ये आज द्विशतकचा इतिहास घडणार, या खेळाडूच्या नावावर होणार विक्रम

२०१९च्या हंगामापासून दिल्ली फ्रँचायझीने आपल्या नावात बदल केला. देशाची राजधानी असणाऱ्या दिल्लीने आपल्या नावातील डेअरडेव्हिल्स काढून कॅपिटल्सचा समावेश केला. आणि तेव्हापासून संघाचं नशीब पालटलं. २०१९ पासून आयपीएलच्या प्रत्येक हंगामात दिल्लीचा संघ हा जेतेपदाचा प्रबळ दावेदार म्हणून ओळखला जातो आहे.

वाचा- ‘ओ, हसीन जुल्फों वाली’; शतक केल्यानंतर स्मृतीचे केले असे कौतुक

२०१९मध्ये दिल्ली डेअरडेव्हिल्स पासून दिल्ली कॅपिटल्स बनलेल्या या संघाने प्रत्येक वेळी प्ले-ऑफमध्ये स्थान मिळवलं आहे. गेल्या वर्षी या संघाने आयपीएलचा अंतिम सामनाही खेळला, पण अंतिम सामन्यात त्यांना मुंबई इंडियन्सकडून पराभव पत्करावा लागला. यंदाच्या हंगामातही दिल्ली कॅपिटल्सने प्ले-ऑफमध्ये स्थान मिळवले आहे. गुणतालिकेत दिल्लीचा संघ सध्या दुसऱ्या स्ठानी आहे.

वाचा- मुंबई इंडियन्सच्या कोचने केली हार्दिक पंड्याची पोल खोल, उपस्थित केले गंभीर प्रश्न



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: