IPL Playoff Race: IPLच्या इतिहासातील सर्वात अवघड प्ले ऑफची रेस; ४ संघात महामुकाबला


दुबई: आयपीएलच्या १४व्या हंगामातील ४७व्या लढतीत राजस्थान रॉयल्सने चेन्नई सुपर किंग्जचा पराभव करून प्लेऑफची रेस आणखी रंजक करून ठेवली आहे. चेन्नईवरील विजयाने राजस्थानचे १० गुण झाले आहेत. गुणतक्त्यात त्याने मुंबई इंडियन्सला मागे टाकत सहावे स्थान मिळवले आहे.

राजस्थानच्या विजयामुळे गुणतक्त्यात १० गुण असलेल्या अन्य ३ संघांच्या अडचणीत वाढ झाली आहे. गुणतक्त्यात कोलकाता नाईट रायडर्स, पंजाब किंग्ज, राजस्थान आणि मुंबई इंडियन्स यांचे प्रत्येकी १० गुण आहेत. या सर्व संघांच्या २ लढती शिल्लक आहेत. प्लेऑफमध्ये पोहोचण्यासाठी या चारही संघांना शिल्लक दोन्ही लढती जिंकाव्या लागतील आणि नेट रनरेटचा देखील विचार करावा लागले.

वाचा-शतकानंतर पुण्याच्या ऋतुराजने सर्वांचे मन जिंकले; म्हणाला, टीम आधी मग…

गुणतक्त्यात चौथा क्रमांक मिळवण्यासाठी या चारही संघांना अन्य संघांपेक्षा अधिक चांगले नेट रनरेट ठेवावे लागले. सध्या १० गुण असलेल्यापैकी केकेआरचे नेट रनरेट सर्वात चांगले आहे. राजस्थानने मोठी धावसंख्येचा यशस्वी पाठलाग करून सर्वांचे टेन्शन वाढवले आहे. यामुळे मुंबई इंडियन्सचे प्लेऑफचे स्वप्न भंग होण्याची शक्यता आहे.

वाचा- IPL मधून या खेळाडूंना लागणार टी-२० वर्ल्डकपचा ‘जॅकपॉट’

RCB-
विराट कोहलीच्या रॉयल चॅलेंजर्स बेंगळुरूच्या अद्याप ३ लढती शिल्लक आहेत. त्यापैकी एका सामन्यात जरी विजय मिळाला तरी ते प्लेऑफसाठी पात्र ठरतील. त्यांच्या लढती पंजाब, हैदराबाद आणि दिल्लीविरुद्ध होणार आहेत.

KKR-
प्लेऑफच्या शर्यतीत चौथ्या क्रमांकासाठी सर्वात आघाडीवर असलेल्या कोलकाताला शिल्लक दोन लढती जिंकाव्या लागणार आहेत. त्यांना हैदराबाद आणि राजस्थान विरुद्ध खेळायचे आहे.

वाचा- IPLच्या इतिहासातील सर्वात मोठा विक्रम धोक्यात; या खेळाडूकडे सुवर्ण संधी

PBKS-
केएल राहुलच्या नेतृत्वाखाली खेळणाऱ्या पंजाब किंग्ज संघाला अखेरच्या दोन लढतीत कोणत्याही परिस्थितीत विजय मिळवावा लागले. त्याच बरोबर नेट रनरेटचा देखील विचार करावा लागले. पंजाबची आज आरसीबी विरुद्ध आणि त्यानंतर चेन्नई सुपर किंग्जविरुद्ध लढत होणार आहे. या दोन विजयासोबत त्यांना केकेआर आणि मुंबईचा संघ त्याच्या लढतीत पराभूत व्हावेत यासाठी प्रार्थना करावी लागले.

MI-
मुंबई इंडियन्सला प्ले ऑफमध्ये पोहोचण्यासाठी शिल्लक दोन लढतीत विजय मिळवावा लागले आणि नेट रनरेट देखील चांगले करावे लागले. मुंबईला हैदराबाद आणि राजस्थान विरुद्ध खेळायचे आहे. हे दोन विजय मिळून मुंबईला प्लेऑफमध्ये स्थान मिळणार नाही तर त्यांना अन्य सामन्यांच्या निकालावर अवलंबून रहावे लागेल.



Source link

Leave a Reply

Your email address will not be published.

%d bloggers like this: