पँंडोरा पेपर्सने खळबळ; कर चुकवेगिरीसाठी श्रीमंतांची पळवाट, सचिन तेंडुलकरसह ३०० भारतीयांवर संशय


हायलाइट्स:

  • पँडोरा पेपर्सने सात गोपनीय पत्रांचा तपशील उघड केला आहे.
  • तपास यंत्रणांना गुंगारा, कर प्रणालीतून पळवाटा शोधत अतिश्रीमंतांनी कशी संपत्ती दडवली याची माहिती जाहीर केली.
  • इंटरनॅशनल कन्सोर्शियम आॅफ इन्व्हेस्टिगेटीव्ह जर्नलिस्ट या समूहाने विशेष शोध मोहीम राबवली.

नवी दिल्ली : तपास यंत्रणांना गुंगारा देणे, कर प्रणालीतून पळवाटा शोधून आपली संपत्ती सुरक्षित ठिकाणी लपवण्यासाठी जगभरातील अतिश्रीमंतांनी केलेले धक्कादायक प्रयत्न ‘पँडोरा पेपर्स’मधून समोर आले आहेत. ‘इंडियन एक्सप्रेस या वृत्तपत्राने ‘पँडोरा पेपर्स’ने केलेल्या या गोपनीय तपासाचे वृत्त प्रसिद्ध केले आहे. यात भारतरत्न सचिन तेंडुलकरसह ३०० हून अधिक भारतीय उद्योजकांची नावे असल्याने कॉर्पोरेट जगतात एकच खळबळ उडाली आहे.

पनामा पेपर्सनंतर आर्थिक गैरव्यवहाराचा ‘पँडोरा’ गौप्यस्फोट; जगभरात खळबळ
पँडोरा पेपर्सने सात गोपनीय पत्रांचा तपशील उघड केला आहे. श्रीमंतांनी कशा प्रकारे आपली संपत्ती कर बचत किंवा कर चुकवेगिरीसाठी नंदनवन असलेल्या देशांमध्ये किंवा स्वतंत्र बेटांवर दडवली आहे, याची माहिती या सात पत्रांचा खोलात जाऊन पाठपुरावा केल्यानंतर उघड झाली आहे.

इंटरनॅशनल कन्सोर्शियम आॅफ इन्व्हेस्टिगेटीव्ह जर्नलिस्ट (ICIJ, आयसीआयजे) या जागतिक पातळीवरील पत्रकारांच्या समूहाने विशेष शोध मोहीम राबवली. या दरम्यान कर चुकवेगिरीचे नंदनवन असलेल्या देशातील १४ कंपन्यांचे थोडेथोडके नव्हे तर तब्बल १ कोटी २० लाख दस्त आणि २९ हजार मालकी कंपन्यांची गोपनीय माहिती तपासली असल्याचा दावा पँडोरा पेपर्सने केला आहे.

जवळपास एक वर्ष केलेल्या तपास मोहीमेत अनेक बड्या उद्योजकांनी कर चुकवेगिरीसाठी तसेच काळा पैसा दडवण्यासाठी केलेल्या युक्त्या , पळवाटा आणि परदेशात केलेल्या व्यवहारांचा उलगडा करण्यात आला आहे. कर कायदयातील पळवाटा शोधून अनेक भारतीय उद्योजकांनी परदेशात संपत्ती दडवली असल्याचा दावा इंडियन एक्सप्रेसने केला आहे.

सोन्याचा भाव आणखी खाली येईल; सोने दराबाबत जाणकारांनी व्यक्त केला हा अंदाज
आज प्रसिद्ध झालेल्या पहिल्या यादीमध्ये दिवाळखोरीत निघालेल्या अनिल अंबानीपासून फरार हिरे व्यापारी नीरव मोदी यांचा समावेश आहे. भारतातून पलायन करण्यापूर्वी नीरव मोदी याच्या बहिणीने एक महिना आधीच परदेशात कशी ट्रस्ट स्थापन केली याची माहिती या मोहीमेदरम्यान हाती लागली आहे. तसेच नीरा राडिया, अभिनेता जॅकी श्राॅफ, कॅप्टन सतीश शर्मा, इक्बाल मिर्ची, विनोद अदानी, किरण मझुमदार शाॅ, समीर थापर, अजित केरकर, पूर्वी मोदी या भारतीयांचा पहिल्या यादीत समावेश आहे.

इंधन महागाईचे चटके ; जाणून घ्या आजचा पेट्रोल-डिझेलचा भाव
काही वर्षांपूर्वी पनामा पेपर्समधून भारतीयांनी परदेशी दडवलेल्या हजारो कोटींच्या बेनामी संपत्तीचा पर्दाफाश करण्यात आला होता. त्यात उद्योजक, सिने कलाकार यांच्यासह राजकीय नेत्यांचा समावेश होता. आता ‘पँडोरा पेपर्स’ने जवळपास ३०० हून अधिक भारतीयांनी केलेल्या आर्थिक व्यवहारांचा आणि गुंतवणुकीचा तपास केला आहे. यात ६० भारतीय हे वेगवेगळ्या क्षेत्रात नावाजलेले आहेत. यांनी आतापर्यंत २०००० कोटीचे संशयास्पद व्यवहार केले असल्याचा दावा करण्यात आला आहे. नजीकच्या काळात त्यांची माहिती सार्वजनिक केली जाणार असल्याचे इंडियन एक्सप्रेसने म्हटलं आहे.



Source link

Leave a Reply

Your email address will not be published.

%d bloggers like this: