priyanka gandhi : प्रियांका गांधी नजरकैदेत, खोली झाडतानाचा व्हिडिओ व्हायरल; आमरण उपोषण सुरू


लखनऊः यूपीच्या सीतापूरमध्ये ताब्यात घेतल्यानंतर काँग्रेस सरचिटणीस प्रियांका गांधी वाड्रा ( priyanka gandhi sweeps room in detention ) यांचा खोली झाडतानाचा एक फोटो व्हायरल झाला आहे. याच खोलीत प्रियांका गांधी यांना ताब्यात घेतल्यानंतर नजरकैद करण्यात आलं आहे. सीतापूरमध्ये ताब्यात घेतल्यानंतर आता प्रियांका गांधींनी आथा आमरण उपोषण सुरू केलं आहे. लखीमपूर खीरी हिंसाचारात मृत्यू झालेल्या शेतकऱ्यांच्या कुटुंबीयांना भेटण्याची परवानगी मिळत नाही, तोपर्यंत आपण आमरण उपोषण करणार, असं प्रियांका गांधी म्हणाल्या आहेत.

प्रियांका गांधी आणि काँग्रेसचे राज्यसभा सदस्य दीपेंद्र हुड्डा यांच्यासह काही वरिष्ठ नेते लखीमपूर खीरीला जात होते. त्यांना पहाटे ५ वाजेच्या सुमारास सीतापूरमध्ये ताब्यात घेण्यात आलं आणि पीएसी परिसरात पाठवण्यात आले. पोलिसांनी प्रियांका गांधींशी धक्काबुक्की केली. काँग्रेसचे सरचिटणीस प्रियांका गांधी शेतकऱ्यांच्या व्यथा जाणून घेण्यासाठी जात आहेत आणि त्यांना असं थांबवणं लोकशाहीविरोधी आहे, असं उत्तर प्रदेश काँग्रेसचे प्रदेशाध्यक्ष अजय कुमार लल्लू म्हणाले.

लखीमपूर प्रकरणी योगी सरकारचा मोठा निर्णय; मृत शेतकऱ्यांच्या कुटुंबांना ४५ लाखांची मदत जाहीर

उत्तर प्रदेशचे उपमुख्यमंत्री केशव प्रसाद मौर्य यांच्या दौऱ्याविरोधात शेतकऱ्यांचे आंदोलन सुरू होते. आंदोलनादरम्यान रविवारी लखीमपूर खीरी जिल्ह्यातील तिकोनिया भागात झालेल्या हिंसाचारात ८ जण ठार झाले. केंद्रीय गृह राज्यमंत्री अजय मिश्रा टेनी यांचे पुत्र आशिष मिश्रा यांनी आंदोलन करणाऱ्या शेतकऱ्यांना कारने उडवल्याचा आरोप होतोय. हे शेतकरी कृषी कायद्यांविरोध आंदोलन करत होते. या घटनेने फक्त राज्यातच नव्हे तर देशभरात खळबळ उडाली आहे.

Lakhimpur violence: ‘मला सोडा, जाऊ द्या…’, लखीमपूर हिंसाचारात मंत्र्यांच्या ड्रायव्हरचा नाहक बळी?

लखीमपूर खीरीमधील हिंसाचाराचा निषेध करण्यासाठी विरोधी पक्षांच्या नेत्यांनी लखीमपूरमध्ये जाण्याचा प्रयत्न केला. पण कुठल्याही पक्षाच्या नेत्याला लखीमपूरला जाण्यास परवानगी देण्यात आलेली नाही. सर्व नेत्यांना नजरकैद करण्यात आलं आहे.



Source link

Leave a Reply

Your email address will not be published.

%d bloggers like this: