तेजी परतली; सेन्सेक्सची ६०० अंकांची झेप, गुंतवणूकदारांची एक लाख कोटींची कमाई


हायलाइट्स:

  • आज सेन्सेक्स आणि निफ्टीने आठवड्याची दमदार सुरुवात केली आहे.
  • सकाळच्या सत्रात मुंबई शेअर बाजाराच्या सेन्सेक्सने ६७० अंकाची झेप घेतली.
  • गेल्या आठवड्यात सलग चार सत्रात शेअर बाजारात मोठी घसरण झाली होती.

मुंबई : गुंतवणूकदारांनी केलेल्या चौफेर खरेदीने आज सेन्सेक्स आणि निफ्टीने आठवड्याची दमदार सुरुवात केली आहे. सकाळच्या सत्रात मुंबई शेअर बाजाराच्या सेन्सेक्सने ६७० अंकाची झेप घेतली. गेल्या आठवड्यात सलग चार सत्रात शेअर बाजारात मोठी घसरण झाली होती. आज मात्र तेजी परतल्याने गुंतवणूकदार सुखावला आहे. आजच्या तेजीने गुंतवणूकदारांच्या मालमत्तेत किमान एक लाख कोटीची भर पडली असल्याचा अंदाज जाणकारांनी व्यक्त केला आहे.

सणासुदीची खरेदी; सोनं स्वस्त होणार की महागणार, जाणून घ्या तज्ज्ञ काय सांगतात…
आजच्या सत्रात बँका, पॉवर, ऑटो, आयटी या क्षेत्रात खरेदीचा ओघ दिसून आला. सेन्सेक्समधील ३० पैकी २६ शेअर तेजीत आहेत. यात बजाज फिनसर्व्ह, बजाज फायनान्स, एनटीपीसी, महिंद्रा अँड महिंद्रा, डॉ. रेड्डी लॅब, इंडसइंड बँक, ऍक्सिस बँक, रिलायन्स, एल अँड टी, अल्ट्राटेक सिमेंट, मारुती, आयटीसी, एचयूएल, एसबीआय, इन्फोसिस, आयसीआयसीआय बँक या शेअरमध्ये वाढ झाली आहे. पॉवरग्रीड, नेस्ले, टाटा स्टील, बजाज ऑटो, टायटन या शेअरमध्ये घसरण झाली आहे.

पँंडोरा पेपर्सनं उडवली जगभरात खळबळ; करचुकव्यांच्या यादीत सचिन तेंडुलकरसह ३०० भारतीय
आज टाटा मोटर्सच्या शेअरमध्ये २.१६ टक्के वाढ झाली आहे. सप्टेंबरमध्ये कंपनीच्या विक्रीत २६ टक्के वाढ झाल्याने आज टाटा मोटर्सच्या शेअरची मागणी वाढली. या आठवड्यात रिझर्व्ह बँकेच्या पतधोरण समितीची बैठक होणार आहे. त्या पार्श्वभूमीवर आज बँकाच्या शेअरमध्ये तेजी दिसून आली. रिझर्व्ह बँकेकडून तूर्त व्याजदर जैसे थे ठेवले जाण्याची शक्यता जाणकारांनी व्यक्त केली आहे.

डीमार्टच्या महसुलात वाढ; दुसऱ्या तिमाहीत अव्हेन्यू सुपरमार्टची कामगिरी उंचावली ;
गेल्या आठवड्यात झालेल्या पडझडीने सेन्सेक्सच्या अव्वल १० कंपन्यांपैकी आठ कंपन्यांच्या बाजार भांडवलामध्ये (मार्केट कॅप) गेल्या आठवड्यात १,८०,५३४.३४ कोटी रुपयांची घट झाली. सर्वाधिक घट झालेल्यांमध्ये आयटी क्षेत्रातील टाटा कन्सल्टन्सी सर्व्हिसेस (TCS) आणि इन्फोसिस (Infosys) यांचा समावेश होता. अव्वल १० कंपन्यांच्या यादीत फक्त रिलायन्स इंडस्ट्रीज (RIL) आणि स्टेट बँक ऑफ इंडिया (SBI) चे बाजार भांडवल वाढले आहे. गेल्या आठवड्यात बीएसईच्या ३० शेअर्सचा सेन्सेक्स १,२८२.८९ अंक म्हणजेच २.१३ टक्क्यांनी घसरला. शुक्रवारी सलग चौथ्या सत्रात सेन्सेक्स घसरल्याचे पाहायला मिळाले.



Source link

Leave a Reply

Your email address will not be published.

%d bloggers like this: