lakhimpur kheri : लखीमपूर हिंसाचारप्रकरणी बिहारचे मुख्यमंत्री नितीशकुमार म्हणाले…


पाटणाः लखीमपूर खीरीमध्ये रविवारी झालेल्या हिंसाचारामुळे ( Lakhimpur Kheri News ) देशात नवा वाद निर्माण झाला आहे. विरोधी पक्षांचे नेत्यांनी या प्रकरणावरून केंद्र आणि उत्तर प्रदेशच्या योगी सरकारला घेरण्याचा प्रयत्न करत आहेत. दुसरीकडे, बिहारचे मुख्यमंत्री नितीशकुमार ( bihar cm nitish kumar ) यांनीही या संपूर्ण प्रकरणावर आपली प्रतिक्रिया दिली आहे. वर्तमानपत्रांमध्ये पाहिलं आहे. त्यावर सरकार कारवाई करेल, असं नितीशकुमार म्हणाले.

वृत्तपत्रांमध्ये आम्ही बघितलं आहे. कारवाई होईलही. तिथे जे काही घडले आहे, त्याची बातमी आली आहे. वृत्तपत्रांमध्ये ठळक बातमी आहे. पण ही उत्तर प्रदेशातील घटना आहे. तिथे जे काही घडले ते सरकार बघेल आणि योग्य पावले उचलली पाहिजेत. कारवाई केली पाहिजे, असं मुख्यमंत्री नितीश कुमार म्हणाले.

‘बॅकफूटवर येणार नाहीत’

जातीनिहाय जनगणनेवरील एका प्रश्नाला त्यांनी उत्तर दिलं. जातीनिहाय जनगणनेवरील आमची भूमिका कायम आहे. जातीनिहाय जनगणना झाली पाहिजे, असं आमचं मत आहे. ज्या पंतप्रधानांना जे शिष्टमंडळ भेटायला गेले होते, यासंदर्भात त्यांच्यासोबत बैठक आयोजित केली जाईल. पुढे काय करायचं हे बैठकीत निश्चित केलं जाईल. सर्व पक्षांशी चर्चा सुरू आहे. पण आता पोटनिवडणूक आहे. पोटनिवडणू संपल्यावर यावर बैठक घेतली जाईल. सर्व पक्ष एकत्रितपणे एकमताने निर्णय घेतील, अशी खात्री असल्याचं ते म्हणाले.

navjot singh sidhu detained : लखीमपूर हिंसाचार; सिद्धूंना पोलिसांनी ताब्यात घेतले, तर मुख्यमंत्र्यांना योगी सरकारचा झटका

नीती आयोगाच्या अहवालावर प्रश्न उपस्थित

नीती आयोगाच्या अहवालावर त्यांनी प्रश्न उपस्थित केले. संपूर्ण देशाला एकसमान समजून चालणं विचित्र गोष्ट आहे. आरोग्याच्या दृष्टीने बिहारची पूर्वी काय स्थिती होती हे सर्वांना माहित आहे. पूर्वी हॉस्पिटलमध्ये कुत्रे बसायचे. आता तशी स्थिती नाही. पण महाराष्ट्रासारख्या धनाढ्य राज्यासोबत बिहारची तुलना कशी काय होऊ शकते. पुढच्या वेळी नीती आयोगाची बैठक होईल आणि आम्हाला जाण्याची संधी मिळाली तर आम्ही नीती आयोगाकडे हा मुद्दा मांडू, असं नितीशकुमार यांनी सांगितलं. नीती आयोगाला बिहारची स्थिती माहिती आहे का? अनेर मागास राज्य आणि विकसित राज्यांना वेगवगेळं समजून चाललं पाहिजे, अशी मागणी मुख्यमंत्री नितीशकुमार यांनी केली.

Lakhimpur Violence: ‘शेतकऱ्यांमध्ये प्रचंड क्रोध, भाजप नेत्यांनी यूपी ग्रामीण भागाचा दौरा टाळावा’



Source link

Leave a Reply

Your email address will not be published.

%d bloggers like this: