Video: ९ कोटी २५ लाखाच्या खेळाडूला साधा कॅच घेता आला नाही, विजय मिळवणाऱ्या सामन्यात झाला पराभव


शारजाह: दिल्ली कॅपिटल्सने सोमवारी झालेल्या लढतीत चेन्नई सुपर किंग्जचा पराभव करून गुणतक्त्यात अव्वल स्थान मिळवले. या सामन्यात चेन्नईने प्रथम फलंदाजी करत १३६ धावा केल्या होत्या. विजयासाठी दिल्ली कॅपिटल्सला अखेरच्या षटकापर्यंत लढा द्यावा लागला. या सामन्यात चेन्नईच्या गोलंदाजांना सुरुवातीच्या षटकात फार चांगली कामगिरी करता आली नव्हती. पण नंतरच्या षटकात त्यांनी शानदार कमबॅक केले आणि संघाला विजयाच्या जवळ पोहोचवले. मात्र एका खेळाडूमुळे चेन्नईचा विजय पराभवात बदलला.

वाचा-गेल्या वेळेची धुलाई आठवते का? मुंबई इंडियन्सच्या फलंदाजाने राजस्थानला दिले ओपन चॅलेंज

सामन्यातील १८वे षटकत ड्वेन ब्रावो टाकत होता. या षटकात एका फुलटॉस चेंडूवर शिमरोन हेटमायरने हवेत शॉट मारला. सीमारेषेजवळ उभारलेल्या कृष्णप्पा गौतमने अगदी सोपा असा कॅच सोडला. त्याने फक्त कॅच सोडला नाही तर चौकार देखील दिला. या एका कॅचमुळे चेन्नईने सामना गमावला. कारण दिल्ली कॅपिटल्सकडे त्यानंतर एकही असा फलंदाज नव्हता जो मोठे शॉट खेळू शकले. ज्या खेळाडूमुळे चेन्नईचा पराभव झाला तो अंतिम ११ मधील नव्हता तर १२वा खेळाडू म्हणून होता आणि अन्य एका खेळाडूच्या जागी फिल्डिंग करत होता.

वाचा- बापाच्या विजयासाठी मुलीने केली प्रार्थना; पाहा काय झाले

या सामन्यात चेन्नईच्या फलंदाजांना धावाच करता आल्या नाहीत. अपवाद फक्त अंबाती रायडूचा त्याने ४३ चेंडूत ५ चौकार आणि २ षटकारांसह नाबाद ५५ धावा केल्या. त्याच्या या धावांमुळे चेन्नईला १३६ पर्यंत कशीबशी मजल मारता आली. दिल्लीची सुरुवात देखील फार चांगली झाली नाही. आक्रमक पृथ्वी शॉला दीपक चाहरने १८ धावांवर बाद केले. पण त्यानंतर शिखरने जोरदार फटकेबाजी केली.

वाचा-RR Vs MI Match Preview: आज मुंबई इंडियन्सच्या चुकीला माफी नाही; कारण…


वाचा- IPL मध्ये भारतीय क्रिकेटपटू ढसाढसा रडला, राशिद खानने शेअर केला व्हिडिओ

आयपीएलच्या या हंगामातील लिलावात सीएसकेने गौतमवर ९ कोटी २५ लाख रुपयांची बोली लावली होती. पण संघ व्यवस्थापनाने त्याला अद्याप एकाही सामन्यात संधी दिली नाही. ज्या सामन्यात त्याला फिल्डिंगची संधी मिळाली होती त्यात देखील मोठी चूक करून गौतमने त्यावर खर्च करण्यात आलेली रक्कम वाया गेल्याचे सिद्ध केले.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: