झेंडा विजयाचा! गुजरातच्या गांधीनगर पालिका निवडणुकीत भाजपला प्रचंड बहुमत

अहमदाबाद : देशात एकीकडे लखीमपूर हिंसाचार प्रकरणावरून भाजप सरकारविरुद्ध वातावरण तापलेलं असताना दुसरीकडे गुजरातमध्ये गांधीनगर महानगरपालिका निवडणुकीत मात्र भाजपनं दणक्यात विजय मिळवल्याचं समोर येतंय.

गांधीनगर महापालिका निवडणुकीतील एकूण ४४ जागांवर मतमोजणी पूर्ण झालीय. ४४ पैंकी ४० जागांवर भाजपनं झेंडा फडकावल्याचं दिसून येतंय. काँग्रेसला केवळ तीन जागांवर विजय मिळवता आलाय. तर आम आदमी पक्षाला केवळ एका जागेवर समाधान मानावं लागलंय.

VIDEO: ‘हा व्हिडिओ पाहिलात का?’ म्हणत प्रियांकांकडून मोदींना लखीमपूरला येण्याचं आवाहन
लखीमपूर हिंसा : बेफामपणे शेतकऱ्यांना गाडीखाली चिरडण्याचा व्हिडिओ समोर
गांधीनगरमध्ये एकूण ११ वॉर्डमधील एकूण ४४ जागांसाठी निवडणुका पार पडल्या. सत्ताधारी भाजप आणि काँग्रेसनं सर्वच्या सर्व अर्थात ४४ जागांवर उमेदवार उभे केले होते. तर ‘आप’नं ४० जागांवर आपले उमेदवार उभे केले होते. त्यामुळे ही लढत त्रिकोणी होणार असल्याचं दिसून येत होतं. मात्र, भाजपनं या निवडणुकीत काँग्रेस आणि ‘आप’ला चांगलाच दणका दिलाय.

यापूर्वी सूरत महानगरपालिका निवडणुकीत आपची कामगिरी उल्लेखनीय ठरली होती. २७ जागांवर विजय मिळवत ‘आप’नं प्रमुख विरोधी पक्षाची भूमिका स्वीकारत काँग्रेसला झटका दिला होता.

लखीमपूर हिंसा : जबरदस्त जखमा, ब्रेन हॅमरेजमुळे आठ मृत्यू; शवविच्छेदन अहवालात स्पष्ट
Rajya Sabha: राज्यसभेच्या सात सत्रांत १०० टक्के उपस्थिती, जाणून घ्या कोण आहे तो खासदार…