RR Vs MI Match Preview: आज मुंबई इंडियन्सच्या चुकीला माफी नाही; कारण…


शारजा: फलंदाजांना बिरुदाला साजेशी कामगिरी करावी लागेल, गोष्टी गृहित धरुन चालणार नाही; कारण वेळ निसटून चालली आहे. अशी प्रतिकूल परिस्थिती उभी ठाकली आहे ती, आयपीएल टी-२० स्पर्धेतील मुंबई संघापुढे! स्पर्धेच्या ‘प्ले-ऑफ’मध्ये प्रवेश करायचा असेल, तर रोहित शर्माच्या या संघाने मंगळवारी राजस्थानवर विजय मिळवणे आवश्यक आहे. मुंबईसाठी यंदाचा मोसम आणखी महत्त्वाचा आहे; कारण त्यांना जेतेपदाच्या हॅटट्रिकची संधी आहे. या लीगच्या १४ वर्षांच्या इतिहासात कोणत्याही संघाला जेतेपदाची हॅटट्रिक (सलग तीन जेतेपदे) करता आलेली नाही.

वाचा- पाहा पदार्पणाच्या सामन्यात काश्मीच्या गोलंदाजाने काय केले

मात्र इतरांपेक्षा वेगळ्या अशा जेतेपदाचे स्वप्न साकार करण्यासाठी मुंबईला आपल्या उर्वरित दोन्ही लढती जिंकाव्या लागणार आहेत. त्यासाठी कर्णधार रोहित शर्मासह मधल्या फळीतील फलंदाजांना चोख कामगिरी करावी लागणार आहे. फलंदाज कामगिरी उंचावत नसल्याची निराशा कर्णधार रोहितच्या चेहऱ्यावर स्पष्ट दिसते आहे. अशा परिस्थितीत मुंबईला राजस्थानचा सामना करायचा आहे, ज्यांच्याकडे मुंबईत राहणाऱ्या दोन खेळाडूंचा समावेश आहे. यशस्वी जैस्वाल आणि शिवम दुबे हे ‘मुंबईकर’ राजस्थानचे प्रतिनिधित्व करतात. गेल्या लढतीत राजस्थानने फॉर्मात असलेल्या चेन्नईला नमविले तेव्हा यशस्वी (५०) आणि शिवम (नाबाद ६४) यांनी ‘मॅच विनिंग’ खेळी केली होती. तसेच मुंबईने दिल्लीविरुद्धची गेली लढत गमावली तेव्हाही मुळचा मुंबईकर असणाऱ्या श्रेयस अय्यरच्या ३३ धावांच्या खेळीने रोहित शर्माच्या मुंबईच्या हातून विजय हिरावून नेला होता.

वाचा- Video: IPL मधील बेस्ट बॉल; चेंडू असा वळाला की फलंदाजासह सर्व झाले हैराण
-अशी आहेत समीकरणे…

सध्याच्या गुणतक्त्यातील परिस्थितीनुसार मुंबई आणि त्यांचे मंगळवारच्या लढतीतील प्रतिस्पर्धी राजस्थान यांना उर्वरित दोन्ही लढती मोठ्या फरकाने जिंकणे महत्त्वाचे आहे. राजस्थानचा नेट रनरेट सध्या -०.३३७ असून सातव्या क्रमांकावरील मुंबईचा नेट रनरेट -०.४५३ असा आहे. मंगळवारी होणाऱ्या या लढतीतील पराभूत संघाचे यंदाच्या लीगमधील आव्हान संपुष्टात येईल.

-कोलकात्याची वाटचाल

मंगळवारी जिंकणाऱ्या मुंबई किंवा राजस्थान संघाला सुटकेचा निश्वास टाकता येणार नाही. कारण कोलकाताने पुढील लढतीत विजय मिळवला तर त्यांचे १४ गुण होतील. कोलकात्याचा नेट रनरेट (+०.२९४) चांगला आहे. याचा अर्थ मुंबईने मंगळवारी राजस्थानला नमवले आणि पुढील लढतीत हैदराबादचा पराभव केला तरी प्लेऑफमधील प्रवेश सहज शक्य होणार नाही. त्यांना नेट रनरेटवर अवलंबून रहावे लागेल.

-हे आवश्यक

यामुळे रोहित शर्मा, सूर्यकुमार यादव, क्विंटन डीकॉक आणि कायरॉन पोलार्ड यांना आपली सर्वोत्तम कामगिरी करणे महत्त्वाचे आहे. हार्दिक पंड्याने गेल्या लढतीत चांगली फलंदाजी केली. राजस्थानचा मुख्य गोलंदाज मुस्तफिजूर रहमान हा अनुभवी आहे. त्याच्यापासून मुंबईच्या गोलंदाजांनी सावध राहत खेळणे आवश्यक आहे.

आमने सामने
२४ लढती

मुंबईचे विजय १२

राजस्थानचे विजय ११

अनिकाली १



Source link

Leave a Reply

Your email address will not be published.

%d bloggers like this: