मुंबई इंडियन्सने संघात केले दोन धक्कादायक बदल, पाहा कोणाला संधी मिळाली…

शारजा : मुंबई इंडियन्सने आजच्या राजस्थान रॉयल्सविरुद्धच्या महत्वाच्या सामन्यासाठी संघात दोन मोठे बदल केल्याचे पाहायला मिळाले आहे. मुंबईच्या संघाने यावेळी अष्टपैलू कृणाल पंड्याला ंसघाबाहेर केेल आहे, त्याचबरोबर यष्टीरक्षक आणि सलामीवीर क्विंटन डीकॉकलाही विश्रांती दिली आहे.

मुंबईच्या संघाने आजच्या सामन्यासाठी कृणाल आणि डीकॉक यांना संघाबाहेर करताना दोन महत्वाच्या खेळाडूंना संधी दिली आहे. कृणालच्याजागी संघात जेम्स निशाम आला आहे. निशाम हा एक चांगला अष्टपैलू खेळाडू आहे. त्यामुळे त्याचा या महत्वाच्या सामन्यासाठी संघात प्रवेश करण्यात आला आहे. डीकॉक हा चांगल्या फॉर्मात असला तरी त्याला यावेळी संघाबाहेर केले आहे, त्याच्याजागी संघात इशान किशनला संधी देण्यात आली आहे. त्यामुळे आता इशान यष्टीरक्षणाची भूमिका बजावणार आहे, त्याचबरोबर रोहितबरोबर सलामीलाही तोच येऊ शकतो.

बोल्टने आतापर्यंत पॉवर प्लेमध्ये मुंबई इंडियन्ससाठी १८ विकेट्स घेतलेल्या आहेत. या १८ पैकी १५ विकेट्स जेव्हा बोल्टने घेतल्या आहेत तेव्हा मुंबई इंडियन्सचा संघ विजयी ठरला आहे. त्याचबरोबरआतापर्यंत ९ सामन्यांमध्ये पॉवर प्लेमध्ये विकेट्स घेण्यात जेव्हा बोल्ट अपयशी ठरला आहे तेव्हा मुंबई इंडियन्सला फक्त तीनच सामने जिंकता आले आहेत. त्यामुळे मुंबई इंडियन्ससाठी बोल्ट हा लकी ठरत असल्याचे पाहायला मिळत आहे, खासकरून जेव्हा बोल्टने पॉवर प्लेमध्ये विकेट्स मिळवले आहेत तेव्हा मुंबई इंडियन्सला विजय मिळवता आला आहे. त्यामुळे आजच्या सामन्यात ट्रेंट बोल्टने पॉवर प्लेमध्ये विकेट मिळवली तर मुंबई इंडियन्सच्या विजयाची आशी वाढणार आहे. मुंबई इंडियन्ससाठी बोल्ट आणि जसप्रीत बुमरा हे सातत्याने अचूक मारा करत आहेत. पण बुमरापेक्षा जास्त यश बोल्टला मिळत असल्याचे पाहायला मिळत आहे. त्यामुळे आजच्या सामन्यात बोल्टची कामगिरी कशी होते, याकडे सर्वांचे लक्ष लागलेले असेल. त्याचबरोबर मुंबईचे फिरकी गोलंदाज आज कशी कामगिरी करतात, हेदेखील पाहावे लागेल. कारण आतापर्यंत कृणाल पंड्याा हवा तसा सूर गवसलेला दिसत नाही.