lakhimpur kheri incident : लखीमपूरप्रकरणी आरोपी मंत्री पुत्राला अटक करण्यात दिरंगाई का? पोलिसांनी सांगितलं कारण


लखीमपूर खिरीः उत्तर प्रदेशच्या लखीमपूर खिरीमध्ये रविवारी हिंसाचार ( lakhimpur kheri incident ) झाला. या हिंसाचार प्रकरणी एफआयआर दाखल झाला आहे. पण अद्याप कुणालाही अटक झालेली नाही. या प्रकरणी केंद्रीय गृह राज्यमंत्री अजय मिश्रा यांचा मुलगा आशिष मिश्रा हा आरोपी आहे. आशिष मिश्राला अटक करण्यात दिरंगाई का होतेय? याचं कारण उत्तर प्रदेशच्या वरिष्ठ पोलिसांनी सांगितलं आहे.

शेतकऱ्यांची चर्चा, मृतदेहांचे पोस्टमार्टम आणि त्यानंतर अंत्यसंस्कारामध्ये पोलिस यंत्रणा कामाला लागली होती. प्रत्येक प्रकरणात प्रक्रियेनुसार कारवाई होते. या प्रकरणीही संपूर्ण चौकशी केली जाईल, असं लखनऊ झोनचे अतिरिक्त पोलिस महासंचालक एस. एन. सबत यांनी सांगितलं. पोलिसांची भूमिका ही पीडितांच्या बाजूने आहे, आरोपीच्या नाही, असं एस. एन. सबत यांनी सांगितलं. एनडीटीव्हीने हे वृत्त दिलं आहे.

‘ज्या कारने चिरडलं ती आमची, पण घटनेवेळी मुलगा तिथे नव्हता’

लखीमपूर खिरीमध्ये ज्या कारने शेतकऱ्यांना चिरडण्यात आलं ती आपली आहे. मात्र, आपला मुलगा घटनेवळी तिथे नव्हता, असा दावा केंद्रीय गृह राज्यमंत्री अजय मिश्रा यांनी केला. या घटनेच्या पहिल्या दिवसापासून आमची भूमिका स्पष्ट आहे. ज्या कारने शेतकऱ्यांना चिरडलं गेलं ती आमच्या नावाने रजिस्टर आहे. कुणालातरी घेण्यासाठी ती कार चालली होती. त्यावेळी आपला मुलगा दुसरीकडे होता. तो वेगळ्या कार्यक्रमाचे आयोजन करत होता. कॉल रेकॉर्ड आणि सीडीआर लोकेशन तपासून घ्या. या प्रकरणी प्रतिज्ञापत्र देण्यास तयार आहोत, असं केंद्रीय गृह राज्यमंत्री अजय मिश्रा म्हणाले.

lakhimpur kheri incident : लखीमपूर हिंसाचारप्रकरणी CBI चौकशी व्हावी, सरन्यायाधीशांकडे मागणी

हिसांचारात संतप्त आंदोलकांनी आपल्या वाहनाच्या चालकाची हत्या केली. एवढचं नव्हे तर दोन कार्यकर्त्यांचीही हत्या करण्यात आली. त्यातून एक कार्यकर्ता वाचला. यानंतर दोन वाहनं आंदोलकांनी पेटवली. हे शेतकरी असू शकत नाही. शेतकऱ्यांच्या वेशात कट्टरतावादी आहेत, असा आरोप केंद्रीय मंत्री अजय मिश्रांनी केला.

lakhimpur kheri : अमित शहांना भेटले पंजाबचे मुख्यमंत्री; लखीमपूरप्रकरणी योगी सरकारने नेमली SIT



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: