जबरदस्त कमाईची संधी! टाटा समूहाचा हा शेअर ५२१ रुपयांवर जाण्याची शक्यता, पाहा गुंतवणूकदारांनी काय करावं


मुंबई: शेअर बाजारातील गुंतवणूकदारांसाठी ताबडतोड कमाई करण्यासाठी टाटा समूहाचे शेअर्स सर्वात आवडते आहेत. आणि त्यामागे कारणही तसेच आहे. टाटा ग्रुपच्या सर्वचं कंपन्यांच्या शेअर्सनी आत्तापर्यंत आपल्या गुंतवणूकदारांना निराश न करता मजबूत परतावा दिला आहे. यापैकी एक म्हणजे टाटा मोटर्सचा शेअर आहे.

टाटा समूहाच्या ऑटो कंपनीच्या सप्टेंबर तिमाहीच्या निकालात कंपनीचा तोटा कमी झाला आणि महसुलात मोठी वाढ झाली. या निकालानंतर बहुतांश ब्रोकरेज हाऊसेस टाटा मोटर्सचे नवीन शेअर्स खरेदी करण्याचा किंवा स्टॉक न विकण्याचा सल्ला देत आहेत. गेल्या एका महिन्यात कंपनीच्या शेअरने ५ टक्क्यांहून अधिक उसळी घेतली आहे. टाटा मोटर्स गुंतवणूकदारांसाठी मल्टीबॅगर ठरला आहे. गेल्या दोन वर्षात समभागातील गुंतवणूकदारांना १४२ टक्क्यांहून अधिक परतावा मिळाला असून यावर्षी आत्तापर्यंत स्टॉक सुमारे १२ टक्क्यांनी घसरला आहे.

म्युच्युअल फंड सही है! १० हजारांच्या एसआयपीने मिळवून दिले २८ लाख, तुम्हीही पैसा गुंतवलाय का?
दरम्यान, टाटा मोटर्सचा शेअर मंगळवारी किंचित घसरून ४३२.६५ रुपयांवर बंद झाला. चढ-उतारांनी भरलेल्या एका महिन्यात टाटा मोटर्सने जवळपास पाच टक्के परतावा दिला आहे. १ जानेवारी १९९९ रोजी टाटा मोटर्सचे शेअर्सची किंमत ३१.७३ रुपये होती आणि आज १,२६३ टक्क्यांनी वाढून ४३२.६५ रुपयांवर पोहोचली आहे. याशिवाय ५२८.५० रुपये स्टॉकचा ५२ आठवड्यांचा उच्चांक असून ३६६.२० रुपये ५२ आठवड्यांचा नीचांकी कामगिरी आहे.

म्युच्युअल फंडातही ‘टाटा’च दादा! १० हजारांच्या मासिक गुंतवणुकीने दिले लाखो रुपये
टाटा मोटर्सवर तज्ञांचे मत
जागतिक ब्रोकरेज नोमुराने टाटा मोटर्सवर बाय रेटिंग दिले आहे. टाटा मोटर्स आत्तापर्यंत गुंतवणूकदारांसाठी मल्टीबॅगर असल्याचे सिद्ध झाले असून नोमुराने टाटा मोटर्सवर प्रति शेअर ५२१ रुपये लक्ष्य किंमत (टार्गेट प्राईस) ठेवली आहे. २७ नोव्हेंबर २०२० रोजी शेअरची किंमत १८०.३५ रुपये होती. अशाप्रकारे, गेल्या दोन वर्षांत गुंतवणूकदारांना १४२ टक्के परतावा मिळाला आहे.

नोमुरापूर्वी, भारतीय ब्रोकरेज हाऊस मोतीलाल ओसवाल यांनी देखील टाटा मोटर्सवर खरेदी सल्ला कायम ठेवला आहे. मोतीलाल ओसवाल यांची टाटा मोटर्सवर ५०० रुपयांची टार्गेट प्राईस ठरवली आहे. टाटा मोटर्स सुमारे १.४५ लाख कोटी रुपयांसह लार्ज कॅप कंपनी आहे.

बिस्लेरीला ‘टाटा’; व्यवसाय विकण्याचे नेमकं कारण काय? संस्थापकाने सांगितलं गुपित
३१ पैकी २१ विश्लेषकांनी दिला खरेदीचा सल्ला
या दोन ब्रोकरेज हाऊसेस व्यतिरिक्त, ३१ पैकी ९ विश्लेषकांनी टाटा मोटर्सवर त्वरित खरेदीची शिफारस केली. तर १२ या समभागात गुंतवणूक करण्याबाबत सकारात्मक आहेत. याशिवाय, ८ विश्लेषक त्यांच्या पोर्टफोलिओमध्ये ज्यांच्याकडे हा स्टॉक आहे, त्यांना होल्ड करण्याची शिफारस करत आहेत. तसेच दोन विश्लेषक कंपनीचा स्टॉक विकून बाहेर पडण्यास सांगत आहेत.

(नोट: येथे केवळ स्टॉकच्या कामगिरीबद्दल माहिती दिली गेली आहे, हा गुंतवणुकीचा सल्ला नाही. शेअर बाजारात गुंतवणूक करण्यापूर्वी तुमच्या सल्लागाराचा सल्ला घ्यावा.)



Source link

Leave a Reply

Your email address will not be published. Required fields are marked *

%d bloggers like this: