सूर्या, धवन, पंत सगळेच ठरले फेल…शेवटी टीम इंडियासाठी धावून आला गोलंदाज!


क्राईस्टचर्च: भारत विरुद्ध न्यूझीलंड सुरु असलेल्या तिसऱ्या वनडे सामन्यात भारताचे जवळ जवळ सारेच फलंदाज फेल ठरले. न्यूझीलंडच्या गोलंदाजांनी टीम इंडियाच्या फलंदाजांवर चांगलाच दबाव निर्माण केला होता. तर भारतीय फलंदाजांनी संघाचा डाव सावरत २२० धावांचे आव्हान किवींना दिले. पण या २२० धावा करण्यात भारताच्या एका अष्टपैलू खेळाडूने आपली मोठी भूमिका बजावली. त्याने या सामन्यात आपले पहिले अर्धशतक झळकावले आहे.

भारताचा हा अष्टपैलू खेळाडू वॉशिंग्टन सुंदर आहे, जर सुंदरने आपली कामगिरी पार पाडली नसती तर आज तिसऱ्या वनडे सामन्यात भारत २१९ धावाही करू शकला नसता. वॉशिंग्टन सुंदरने आल्या नावाप्रमाणे आजच्या सामन्यात खेळी खेळली. सातव्या क्रमांकावर येताना, फिरकी अष्टपैलू खेळाडूने ६४ चेंडूत ५१ धावांची महत्त्वपूर्ण खेळी खेळली.

भारताचा स्कोर १२१/५ होता

कर्णधार शिखर धवन (४५ चेंडूत २८ धावा) आणि शुभमन गिल (२२ चेंडूत १३ धावा) चांगली सलामी भागीदारी मोठ्या धावसंख्येमध्ये रूपांतरित करण्यात अपयशी ठरले, त्यानंतर श्रेयस अय्यर (५९ चेंडूत ४९ धावा) वगळता इतर सर्वजण अपयशी ठरले. ऋषभ पंत १६ चेंडूत १० धावा करून बाद झाला, तर सूर्यकुमार यादवने १० चेंडूत ६ धावा केल्या. दीपक हुड्डाही २५ चेंडू खेळून केवळ १२ धावा करू शकला. सर्व खेळाडू येताच परतीच्या वाटेवर निघून जात होते. अशातच वॉशिंग्टन सुंदर सातव्या क्रमांकावर आला तेव्हा संघ अडचणीत होता. केवळ १२१ धावांत ५ विकेट पडल्या होत्या. सुंदर नसता तर भारताला २०० धावांचा टप्पाही पार करता आला नसता.

धावा करणारा फिरकीपटू

ज्या खेळपट्टीवर मोठे हिटर्स अपयशी ठरले, तिथे हलकी फलंदाजी जाणणाऱ्या फिरकीपटूने आपली क्षमता दाखवून दिली. तुम्हाला रवींद्र जडेजाची बदली हवी असेल तर माझ्याशी संपर्क साधा, हा संदेश त्याने त्याच्या खेळीतून दिला. वॉशिंग्टन सुंदरने त्याच्या छोट्या आंतरराष्ट्रीय कारकिर्दीत अनेक मॅच विनिंग परफॉर्मन्स दिले आहेत.

भारताच्या ऐतिहासिक ऑस्ट्रेलिया दौऱ्यावरील गाबा कसोटीत ६२ आणि २२ धावा केल्या. इंग्लंडविरुद्धच्या कसोटीत ८५ आणि नाबाद ९६ धावांची खेळी केली. सध्या सुरु असलेल्या मालिकेत न्यूझीलंडविरुद्धच्या पहिल्या एकदिवसीय सामन्यात १६चेंडूत ३७ धावांची नाबाद खेळी आणि या सामन्यात ५१ धावांची शानदार खेळी केली. वॉशिंग्टन सुंदरची कसोटीत सरासरी ६६.२५ आणि वनडेत ४८.३३ आहे.

आंतरराष्ट्रीय कारकीर्द

अपवादात्मक प्रतिभा असूनही, वॉशिंग्टन सुंदर आजपर्यंत संघाचा कायमस्वरूपी सदस्य बनू शकला नाही, तर त्यामागे नशिबाचाही मोठा हात आहे. त्याने आतापर्यंत भारतासाठी ४ कसोटी, ८ एकदिवसीय आणि ३२ टी-२० सामने खेळले आहेत. जुलै २०२१ मध्ये त्याला दुखापतीला सामोरे जावे लागले. भारताविरुद्ध कौंटी संघाकडून सराव सामना खेळताना त्याला दुखापत झाली. कोरोनामुळे तो दक्षिण आफ्रिका दौऱ्यावर जाऊ शकला नाही.

फेब्रुवारी-मार्चमध्ये वेस्ट इंडिजविरुद्ध एकदिवसीय मालिका खेळल्यानंतर तो हॅमस्ट्रिंगमुळे टी-२० खेळू शकला नाही. श्रीलंका मालिकेतही त्याला बाहेर बसावे लागले होते. आयपीएलमध्येही तो दुखापतीमुळे सनरायझर्स हैदराबादकडून पाच सामने खेळू शकला नव्हता. पुनरागमन करत कौंटी स्पर्धेतील पहिल्याच सामन्यात त्याने ५ बळी घेतले. चार सामने खेळल्यानंतर तो पुन्हा एकदा जखमी झाला.



Source link

Leave a Reply

Your email address will not be published. Required fields are marked *

%d bloggers like this: