भारतीयांना क्रिप्टोकरन्सीची भुरळ; डिजिटल करन्सी मार्केटची उलाढाल प्रचंड वाढली, हे आहे कारण


हायलाइट्स:

  • कायदेशीर मान्यता नसली तरी भारतीयांमध्ये आभासी चलनांची क्रेझ वाढली आहे.
  • भारतात क्रिप्टो करन्सीची मागणी आणि गुंतवणूक वाढल्याचे दिसून आले आहे.
  • क्रिप्टो करन्सीकडे बडे उद्योजक आणि सिने कलाकार, खेळाडू देखील आकर्षित झाले आहेत.

नवी दिल्ली : क्रिप्टो करन्सीच्या व्यवहारांना भारतात कायदेशीर मान्यता नसली तरी भारतीयांमध्ये या आभासी चलनाची क्रेझ मात्र वाढली आहे. भारतात क्रिप्टो करन्सीची मागणी आणि गुंतवणूक वाढल्याने दक्षिण आशिया आणि ओशियाना परिक्षेत्र जगातील वेगाने वाढणारी डिजिटल करन्सीची बाजारपेठ ठरली आहे. Chainalysis या संस्थेच्या रिपोर्टनुसार मागील १२ महिन्यात भारतात क्रिप्टो करन्सी बाजाराची उलाढाल तब्बल ६४१ टक्क्यांनी वाढली आहे.

तेजीची हुलकावणी ; नफावसुलीने सेन्सेक्स-निफ्टी गडगडले, बाजारात प्रचंड घसरण
क्रिप्टो करन्सीची बाजारपेठ आणि गुंतवणुकीचा अंदाज घेत जूनपर्यंतच्या व्यवहारांचा आढावा घेऊन हा अहवाल Chainalysis ने तयार केला आहे. यात भारतसह पाकिस्तान, व्हिएतनाम या देशात क्रिप्टो करन्सीच्या व्यवहारांचा आढावा घेण्यात आला. विकेंद्रित वित्तीय मंचावरील आर्थिक व्यवहारांमध्ये भारतातील व्यवहारांचा हिस्सा ५९ टक्के आहे. पाकिस्तान आणि व्हिएतनामच्या तुलनेत तो अधिक असल्याचे या अहवालात म्हटलं आहे.

RBI ने बँंक कर्मचाऱ्यांना दिलं खास गिफ्ट ; जाणून घ्या नेमका काय फायदा होणार
एक कोटी डॉलर्सच्या क्रिप्टो करन्सीच्या हस्तांतर व्यवहारांमध्ये ४२ टक्के व्यवहार हे भारतातील पत्त्यांवर झाले आहेत. पाकिस्तानचा यात २८ टक्के वाट असून व्हिएतनाममध्ये पत्त्यावर झालेल्या व्यवहारांचे प्रमाण २९ टक्के आहे. या आकडेवारीवरून क्रिप्टो करन्सीमध्ये गुंतवणूक करणाऱ्या भारतीयांची संख्या मागील वर्षभरात प्रचंड वाढली असल्याचे दिसून येते.

चर्चा तर होणारच! राकेश झुनझुनवालांनी घेतली पीएम मोदींची भेट, अर्थमंत्र्यांशी केली चर्चा, नेटिझन्सच्या भुवया उंचावल्या
मागील वर्षभरात क्रिप्टो करन्सीच्या नियमावलीबाबत देखील अनेक घडामोडी दिसून आल्या. केंद्र सरकार क्रिप्टो करन्सीच्या व्यवहारांवर निर्बंध आणण्याच्या तयारीत असल्याची वृत्त बाजारात धडकली होती. Chainalysis ने मात्र याबाबत असे म्हटले आहे कि क्रिप्टो करन्सीचे व्यवहार कर कक्षेत आणावे का याबाबत केंद्र सरकार विचार करत आहे.

तेजीची हुलकावणी ; नफावसुलीने सेन्सेक्स-निफ्टी गडगडले, बाजारात प्रचंड घसरण
दरम्यान, क्रिप्टो करन्सीकडे बडे उद्योजक आणि सिने कलाकार, खेळाडू देखील आकर्षित झाले असल्याचे बोलले जाते. नुकताच युनिकॉर्न, CoinDCX या क्रिप्टो एक्सचेंजसाठी ज्येष्ठ अभिनेते अमिताभ बच्चन यांना ब्रँड अँबेसेडर म्हणून नियुक्त केले आहे.



Source link

Leave a Reply

Your email address will not be published.

%d bloggers like this: