Jim Corbett National Park: ‘जिम कॉर्बेट’ उद्यानाचं नामांतर? जितेंद्र आव्हाडांचा भाजप सरकारवर निशाणा


हायलाइट्स:

  • जिम कॉर्बेटच्या नामांतराच्या मुद्यावर चर्चा सुरू
  • केंद्रीय वनमंत्र्यांच्या ‘जिम कॉर्बेट’ दौऱ्यानंतर नामांतराचा मुद्दा चर्चेत
  • नामांतराचा निर्णय हा फक्त दुर्दैवी नाही तर मूर्खपणा आहे : जितेंद्र आव्हाड

नवी दिल्ली : उत्तराखंडातील आंतरराष्ट्रीय ख्याती मिळवणाऱ्या ‘जिम कॉर्बेट’ उद्यानाचं नामांतर करण्यात येणार असल्याची चर्चा सुरू आहे. राज्यातील भाजप सरकारद्वारे ‘जिम कॉर्बेट राष्ट्रीय उद्यान‘ हे नाव बदलून ‘रामगंगा राष्ट्रीय उद्यान‘ असं नामांतर करण्यात येणार असल्याची शक्यता वर्तवण्यात येतेय. याच विषयावर राष्ट्रवादी काँग्रेसचे नेते आणि महाराष्ट्रातील महाविकास आघाडी सरकारमधील गृहनिर्माण मंत्री जितेंद्र आव्हाड यांनीही आपलं मत व्यक्त केलंय.

जितेंद्र आव्हाड यांनी व्यक्त केली नाराजी

‘जिम कॉर्बेट’ उद्यानाचं नामांतर करून ‘रामगंगा राष्ट्रीय उद्यान’ करण्याचा निर्णय दुर्दैवी असल्याचं जितेंद्र आव्हाड यांनी म्हटलंय.

जिम कॉर्बेट यांनी आपलं संपूर्ण आयुष्य कुमाऊंच्या जंगलात व्यतीत केलं. त्यांच्या रक्तातच भारत होता. भारतीय वनांबद्दल त्यांच्याहून अधिक माहिती कुणाकडेही नव्हती. त्यामुळे ‘जिम कॉर्बेट’च्या नामांतराचा निर्णय हा फक्त दुर्दैवी नाही तर मूर्खपणा आहे, असं म्हणत जितेंद्र आव्हाड यांनी भाजप सरकारवर निशाणा साधलाय.

उत्तराखंडातील विश्वप्रसिद्ध जिम कॉर्बेट नॅशनल पार्क ‘टायगर रिझर्व्ह’ (वाघांच्या संरक्षणासाठी) म्हणूनही ओळखलं जातं. हे राष्ट्रीय उद्यान जवळपास ५२१ किलोमीटर परिसरात पसरलेलं आहे. या उद्यानाचा अधिक भाग नैनीताल जिल्ह्यात येतो. वाघांच्या संख्येसाठी आणि संरक्षणासाठी हे उद्यान जगभरात प्रसिद्ध आहे.

Navratri 2021: पंतप्रधान मोदी नवरात्रौत्सवात सहभागी, उत्तम आरोग्य-समृद्धीसाठी केली प्रार्थना
lakhimpur kheri : लखीमपूर हिंसाचाराची सुप्रीम कोर्टाने घेतली दखल, उद्या होणार सुनावणी
केंद्रीय वनमंत्र्यांचा ‘जिम कॉर्बेट’ दौरा

केंद्रीय वन आणि पर्यावरण राज्यमंत्री अश्विनी कुमार चौबे यांनी नुकताच या उद्यानाचा दौरा केला. यानंतर उद्यानाच्या संग्रहालयाच्या व्हिजिटर बुकमध्ये त्यांनी लिहिलेल्या शेऱ्यानंतर नामांतराच्या चर्चेला सुरूवात झालीय. ‘जिम कॉर्बेट राष्ट्रीय उद्यानाचं नाव बदलून रामगंगा राष्ट्रीय उद्यान असं करायला हवं’ असा शेरा केंद्रीय मंत्र्यांनी लिहिला होता.

या चर्चेवर वन्यजीव प्रेमींनीही नाराजी व्यक्त केली होती. ‘नामांतराऐवजी आपण आपला वारसा संरक्षित करण्यावर अधिक लक्ष द्यायला हवं’, अशी वन्यजीव प्रेमी प्रकाश किमोठी यांनी म्हटलंय.

नामांतराचा इतिहास

१९३६ साली स्थापनेवेळी या उद्यानाचं नव ‘हेली राष्ट्रीय उद्यान’ असं ठेवण्यात आलं होतं. दोन दशकांनंतर शिकारी ते संरक्षणवादी असा स्वत:त बदल घडवून आणणाऱ्या जिम कॉर्बेट यांच्या नावावर या उद्यानाचं नाव ठेवण्यात आलं होतं. काही काळ या उद्यानाला रामगंगा राष्ट्रीय उद्यानंही म्हटलं जात होतं कारण याच जंगलातून गंगेची उपनदी ‘रामगंगा’ प्रवास करते.

Road Accident: डबलडेकर बस आणि वाळूनं भरलेल्या ट्रकची जोरदार धडक, १४ जागीच ठार
railway employees : खूशखबर! रेल्वे कर्मचाऱ्यांना मोदी सरकारची दिवाळी भेट; मिळणार ‘इतक्या’ दिवसांचा बोनस



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: