धोनी पुढील आयपीएल चेन्नईकडून खेळणार नाही? दोन नव्या संघांनी वाढवलं टेन्शन


दुबई : चेन्नई सुपर किंग्जचा कर्णधार महेंद्रसिंह धोनीच्या आयपीएलमधून संन्यासावर गेल्या काही दिवसांपासून जोरदार चर्चा होत आहेत. शेवटचा सामना कधी खेळणार याबाबत धोनीने आपले मत व्यक्त केल्यानंतर याची जोरदार चर्चा होत आहे. आयपीएल २०२१ च्या ग्रुप स्टेजमधील शेवटच्या सामन्यावेळी धोनीच्या निवृत्तीचा प्रश्न पुन्हा एकदा निर्माण झाला. आयपीएल २०२२मध्ये कोणत्या भूमिकेत दिसेन, हे सांगणे कठीण आहे, असं धोनीनं म्हटलं आहे.

वाचा- मी राजीनामा देतोय, टी-२० वर्ल्डकपनंतर भारतीय संघासोबत असणार नाही

माझा शेवटचा सामना चेन्नईमध्ये होऊ शकतो. सर्व चाहते या सामन्याला उपस्थित राहून मला निरोप देऊ शकतात, असे धोनीने काही दिवसांपूर्वीच म्हटलं होतं. त्यामुळे धोनी पुढील वर्षीच्या आयपीएलच्या हंगामात खेळेल असा अंदाज वर्तविण्यात आला होता, पण धोनीने आता काही वेगळंच सांगितलं आहे.

वाचा- IND vs PAK भारत-पाकिस्तान टी-२० वर्ल्डकप सामन्यासाठी ICCने घेतला मोठा निर्णय

प्रसिद्ध समालोचक डॅनी मॉरिसन यांनी धोनी पुढील आयपीएल खेळणार की नाही, याबद्दल बरीच चर्चा आहे. यावर धोनीचं काय म्हणणं आहे, असा प्रश्न विचारला. तेव्हा धोनी म्हणाला की, पुढच्या हंगामात तुम्ही मला पाहाल, पण मी सीएसके कडून खेळणार की नाही, हे सांगू शकत नाही. याबाबत बरीच अनिश्चितता आहे. दोन नवीन संघ येत आहेत. रिटेंशनचे नियम काय असतील, याबद्दल काही सांगता येत नाही. किती परदेशी खेळाडू आणि किती भारतीय खेळाडू संघात ठेवता येतील, अशा परिस्थितीत अद्याप काहीही स्पष्टपणे सांगता येत नाही. धोनी ना निवृत्तीवर उघडपणे काही बोलत आहे ना खेळण्याबद्दल. नेहमीप्रमाणे त्याने याप्रकरणी बोलणे टाळले आहे.

वाचा- मुंबई इंडियन्ससाठी मोठी बातमी; प्ले ऑफमध्ये पोहोचण्यासाठीचे ठरले नवे समीकरण

तंदुरुस्तीबाबत धोनी म्हणाला…

धोनीला त्याच्या फिटनेसबद्दलही विचारण्यात आले. यावर तो म्हणाला की, फिटनेस राखणे खूप कठीण आहे. आयपीएल पुढे ढकलल्यानंतर थोड्याच काळात बरेच सामने होणार, हे निश्चित होते. यासाठी तयार असणे आवश्यक होते. वैयक्तिकरित्या तो ठीक आहे आणि कोणतीही समस्या नाही. सध्या धोनी ४० वर्षांचा आहे, पण तरीही सीएसकेसाठी आयपीएलमध्ये कर्णधार, यष्टीरक्षक आणि फलंदाजाची भूमिका बजावत आहे. फलंदाजीत तो चाचपडताना दिसत आहे, पण यष्टीरक्षण आणि कर्णधाराची धुरा सांभाळताना तो आश्चर्यकारक कामगिरी करत आहे. याचाच परिणाम म्हणून चेन्नईच्या संघाने या वेळी पुन्हा एकदा आयपीएलच्या प्ले-ऑफमध्ये प्रवेश केला आहे.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: