गृह कर्ज घेताय ; सार्वजनिक क्षेत्रातील ‘या’ बँंकेने केली कर्ज दरात कपात


हायलाइट्स:

  • बँक ऑफ बडोदाने गृह कर्ज दरात कपात केली आहे.
  • बँकेने गृह कर्जाचा दर ०. २५ टक्क्यांनी कम केला आहे.
  • बँकेचा गृह कर्जाचा दर आता ६.७५ टक्क्यांवरून ६.५० टक्क्यांपर्यंत खाली आला आहे.

मुंबई : सार्वजनिक क्षेत्रातील बँक ऑफ बडोदाने गृह कर्ज दरात कपात केली आहे. बँकेने गृह कर्जाचा दर ०. २५ टक्क्यांनी कम केला आहे. बँकेचा गृह कर्जाचा दर आता ६.७५ टक्क्यांवरून ६.५० टक्क्यांपर्यंत खाली आला आहे. नवीन कर्जदर ७ ऑक्टोबर २०२१ पासून लागू झाला असल्याचे बँकेने म्हटलं आहे.

बिटकॉइनमध्ये प्रचंड वाढ; ‘या’ कारणांमुळे बिटकॉइनसह इतर क्रिप्टो करन्सी महागले
सणासुदीच्या काळात ग्राहकांसाठी घर खरेदी किफायतशीर करण्याच्या हेतूने बँकेने हा खास दर जाहीर केला असून तो ३१ डिसेंबर २०२१ पर्यंत उपलब्ध असेल. नवीन दर गृह कर्जासाठी नव्याने अर्ज करणारे ग्राहक, कर्जाचे हस्तांतरण करू इच्छिणारे ग्राहक, सध्याच्या कर्जासाठी पुनर्वित्तपुरवठा हवे असलेले ग्राहक यांच्यासाठी उपलब्ध असल्याने ही ऑफर अधिक सर्वसमावेशक झाली आहे. गृह कर्जावर शून्य प्रक्रिया शुल्काची ऑफर यापूर्वीच जाहीर करण्यात आली असून ती ३१ डिसेंबर २०२१पर्यंत वाढवण्यात आली आहे.

जोखीम कमी फायदा जास्त; ‘या’ सरकारी योजनेतील गुंतवणुकीने होईल दुप्पट फायदा
गृह कर्ज दरात कपात करण्याच्या घोषणेविषयी बँक ऑफ बडोदाच्या मॉर्गेज आणि इतर रिटेल असेट्स विभागाचे जीएम श्री. एच टी सोलंकी म्हणाले, ‘बँकेतर्फे कायमच गृह कर्ज आणि रिटेल कर्जावर स्पर्धात्मक व्याज दर देण्याचा तसेच आमचे डिजिटल प्लॅटफॉर्म्स व खास टीम्सच्या मदतीने याची संपूर्ण प्रक्रिया सफाईदार करण्याचा प्रयत्न केला जातो.

होम लोन झालं स्वस्त; बजाज हाउसिंग फायनान्सची व्याजदर कपात,आता ‘या’ दराने मिळेल कर्ज
सणासुदीच्या हंगामात ग्राहकांना आमच्या या ऑफरचा निश्चितच फायदा होईल. व्याजदरातील कपातीसह बँक ऑफ बडोदा गृह कर्ज आता विविध विभागांवर ३१ डिसेंबर २०२१ पर्यंत मर्यादित काळासाठी सर्वात स्पर्धात्मक दर उपलब्ध करून देत असल्याचे बँकेने म्हटलं आहे.



Source link

Leave a Reply

Your email address will not be published.

%d bloggers like this: