बिटकॉइनमध्ये प्रचंड वाढ; ‘या’ कारणांमुळे बिटकॉइनसह इतर क्रिप्टो करन्सी महागले


हायलाइट्स:

  • आज गुरुवारी बिटकॉइनचा भाव ५५ हजार डॉलरवर गेला.
  • मागील सहा महिन्यातील बिटकॉइनचा हा उच्चांकी स्तर आहे.
  • बड्या संस्थात्मक गुंतवणूकदारांनी बिटकॉइनमधील गुंतवणुकीला प्राधान्य दिले.

मुंबई : जगातील सर्वाधिक लोकप्रिय आभासी चलन असलेल्या बिटकॉइनच्या किमतीत मोठी वाढ झाली आहे. आज गुरुवारी बिटकॉइनचा भाव ५५ हजार डॉलरवर गेला. मागील सहा महिन्यातील बिटकॉइनचा हा उच्चांकी स्तर आहे.

जोखीम कमी फायदा जास्त; ‘या’ सरकारी योजनेतील गुंतवणुकीने होईल दुप्पट फायदा
वझीरेक्स या क्रिप्टो एक्सचेंजनुसार आज गुरुवारी सकाळी बिटकॉइनचा भाव ५५०६३ डॉलर इतका वाढला. भारतीय चलनात एक बिटकॉइनचा भाव ४२ लाख ५० हजार ८६३ रुपये आहे. एप्रिल महिन्यात बिटकॉइनचा भाव ६५००० डॉलरच्या विक्रमी पातळीवर गेला होता. बड्या संस्थात्मक गुंतवणूकदारांनी बिटकॉइनमधील गुंतवणुकीला प्राधान्य दिले असल्याने बिटकॉइनमध्ये तेजी असल्याचे बोलले जाते. मंगळवारी बिटकॉइनचा भाव ५० हजार डॉलरवर गेला होता.

Breaking अजित पवारांना दणका; निकटवर्तीयांच्या साखर कारखान्यांमध्ये आयकर विभागाचे धाडसत्र
दोन आठवड्यापूर्वी चीनमधील घडामोडींचे पडसाद क्रिप्टो करन्सी मार्केटवर उमटले होते. चीनने सरसकट डिजिटल करन्सीच्या व्यवहारांना बेकायदा ठरवले आहे. तसेच या व्यवहारांवर बंदी घालण्याची भूमिका घेतली. त्यातच एव्हरग्रँडे या स्थावर मालमत्ता क्षेत्रातील कंपनीच्या दिवाळखोरीच्या भूमिकेने क्रिप्टो करन्सी बाजाराला मोठा फटका बसला होता.मात्र पुन्हा एकदा आभासी चलनांमधील गुंतवणुकीचा ओघ वाढला आहे.

मुलीचं भविष्य करा सुरक्षित अन् व्हा निश्चिंत ; कन्यादानावेळी मिळतील २७ लाख, जाणून घ्या काय आहे योजना
दुसरे लोकप्रिय आभासी चलन असलेल्या इथेरियमच्या किमतीत देखील आज वाढ झाली. इथेरियमचा भाव ०.७१ टक्क्यांनी वाढला आणि तो ३५२४.३० डॉलर झाला आहे. आज एका XRP चा भाव १.०६ डॉलर इतका असून त्यात ०.२३ टक्के वाढ झाली आहे. कार्डानोचा भाव २.१८ डॉलर इतका असून त्यात १.७६ टक्के घसरण झाली आहे.डोजेकॉइनचा भाव ०.२६ डॉलर असून त्यात ११.२८ टक्के वाढ झाली. लिटकॉइनचा भाव १७१.४२ डॉलर आहे.

मिळेल आयकरात सूट; आरोग्य विमा खरेदी करा आणि मिळवा दुहेरी फायदा
टेस्लाचे प्रमुख एलन मस्क यांनी एक ट्विट केल्यानंतर शिबा इनु काॅइन या क्रिप्टो करन्सीमध्ये तब्बल ८० टक्के वाढ झाल्याचे दिसून आले. त्याचबरोबर अब्जाधीश गुंतवणूकदार असलेल्या जॉर्ज सोरेस यांनी एका जाहीर कार्यक्रमात त्यांची कंपनी बिटकॉइनमध्ये ट्रेडिंग करत असल्याचे सांगितले. त्यामुळे जगभरात पुन्हा एकदा क्रिप्टो करन्सीबाबत आश्वासक वातावरण निर्माण झाले आहे.



Source link

Leave a Reply

Your email address will not be published.

%d bloggers like this: