पंजाबच्या चेन्नईवरील विजयाने मुंबई इंडियन्सला बसला मोठा शॉक; प्लेऑफचे गणितच बदलले


अबुधाबी: कोणाच्या ध्यानी मनी नसताना पंजाब किंग्जने अचानक प्लेऑफच्या शर्यतीत उडी मारली आहे. आयपीएलच्या १४व्या हंगामात झालेल्या लढतीत त्यांनी चेन्नई सुपर किंग्जवर ६ गडी आणि ४२ चेंडू राखून दणदणीत विजय मिळवला. चेन्नईने प्रथम फलंदाजी करत १३५ धावांचे आव्हान दिले होते. पंजाबचा कर्णधार केएल राहुलच्या स्फोटक फलंदाजीने हे लक्ष्य १३व्या षटकात पार केले. राहुलने ४२ चेंडूत नाबाद ९८ धावा केल्या. पंजाबच्या धमाकेदार विजयामुळे गतविजेत्या मुंबई इंडियन्सला मोठा धक्का बसला आहे.

वाचा-मुंबई इंडियन्ससाठी मोठी बातमी; प्ले ऑफमध्ये पोहोचण्यासाठीचे ठरले नवे समीकरण

चेन्नईवर विजय मिळून पंजाबने प्लेऑफची एक अंधुक अशा कामय ठेवली आहे. गुणतक्त्यात आता ३ संघांचे प्रत्येकी १२ गुण झाले आहेत. यात केकेआर, पंजाब आणि मुंबई इंडियन्स हे संघ आहेत. नेट रनरेटच्या बाबतीत पंजाबने आज विजय मिळून मुंबई इंडियन्सला सहाव्या क्रमांकावर ढकलले आहे. ते पाचव्या क्रमांकावर असून केकेआर चौथ्या क्रमांकावर आहेत.

वाचा-मी राजीनामा देतोय, टी-२० वर्ल्डकपनंतर भारतीय संघासोबत असणार नाही

आज राजस्थान विरुद्ध होणाऱ्या लढतीत केकेआरचा मोठा पराभव झाला तर गुणतक्त्यात ते पाचव्या क्रमांकावर येतील आणि पंजाब चौथ्या क्रमांकवर जाईल. उद्या मुंबई इंडियन्सचा पराभव झाल्यास पंजाब प्ले ऑफमध्ये प्रवेश करेल. अशी शक्यता थोडी अवघड असली तरी पंजाब अद्यापही आयपीएल प्ले ऑफ शर्यतीतून बाहेर पडला नाही.

वाचा- १७ चेंडूत १३४ धावा; तर झाला असता IPLमध्ये हा चमत्कार

गुणतक्त्यात कोलकाताचे नेट रनरेट प्लस ०.२९४ इतके आहे. पंजाबचे वजा ०.००१ तर मुंबई इंडियन्सचे वजा ०.०४८ इतके. आज आणि उद्या होणाऱ्या लढतीच्या निकालानंतरच पंजाबचा फैसला होईल.



Source link

Leave a Reply

Your email address will not be published. Required fields are marked *

%d bloggers like this: