Happy Birthday Zaheer : भारताला विश्वविजेता बनवणाऱ्या गोलंदाजाने प्रेमासाठीही तोडली धर्माची भिंत


पुणे : भारतीय क्रिकेट संघाचा माजी वेगवान गोलंदाज झहीर खान आज त्याचा ४३ वा वाढदिवस साजरा करत आहे. झहीरचा जन्म ७ ऑक्टोबर १९७८ रोजी महाराष्ट्रातील श्रीरामपूर गावातील एका मध्यमवर्गीय कुटुंबात झाला. महाराष्ट्रातील एका छोट्या गावातून येऊन तो भारतातील सर्वात यशस्वी गोलंदाजांपैकी एक बनला. डावखुरा वेगवान गोलंदाज असलेल्या झहीरने टीम इंडियासाठी ६१० विकेट्स घेतल्या आहेत.

वाचा- मुंबई इंडियन्ससाठी मोठी बातमी; प्ले ऑफमध्ये पोहोचण्यासाठीचे ठरले नवे समीकरण

झहीरचे वडील फोटोग्राफर होते आणि आई शिक्षिका होती. झहीर अभ्यासात खूप चांगला होता आणि त्याने मेकॅनिकल इंजिनीअरच्या पदवी अभ्यासक्रमाला प्रवेश घेतला होता, पण प्रशिक्षक सुधीर नायक यांच्या सल्ल्यानंतर त्याने अभ्यास सोडून क्रिकेटवर लक्ष केंद्रित केले. झहीर वयाच्या १७व्या वर्षी मुंबईत आला आणि राष्ट्रीय क्रिकेट क्लबमध्ये झालेल्या सर्व स्पर्धांमध्ये त्याने चमकदार कामगिरी केली. या डावखुऱ्या वेगवान गोलंदाजाने मुंबईच्या १९ वर्षांखालील संघात स्थान मिळवले आणि त्यानंतर तो चेन्नई स्थित एमआरएफ पेस अकादमीमध्ये गेला.

वाचा- मी राजीनामा देतोय, टी-२० वर्ल्डकपनंतर भारतीय संघासोबत असणार नाही

वाचा-सनरायझर्सने RCBला दिला पराभवाचा धक्का; सामना गमवून विराटच्या संघाने केली मोठी चूक

झहीरने विश्वचषकात चमकदार कामगिरी केली. २००३ आणि २०११ची विश्वचषक स्पर्धा त्याच्या कारकीर्दीला चार चाँद लावणारी ठरली. टीम इंडियाला २००३च्या विश्वचषक स्पर्धेत उपविजेते पदावर समाधान मानावे लागले होते, पण २०११ मध्ये भारतीय संघाने जगज्जेतेपद पटकावले. झहीरने विश्वचषक इतिहासात एकूण ४४ विकेट्स घेतल्या. विश्वचषकात सर्वाधिक विकेट घेणाऱ्यांमध्ये तो पाचव्या क्रमांकावर होता आणि भारतीयांमध्ये तो आघाडीवर होता. झहीरने २००३ मध्ये १८, तर २०११ मध्ये २१ विकेट घेतल्या.

वाचा- Video: असा कॅच आजवर कोणीच घेतला नाही; पाहा ३८ वर्षीय खेळाडूने काय केले

झहीरने आंतरराष्ट्रीय कारकीर्दीत एकूण ६१० विकेट्स घेतल्या आहेत. झहीरने कसोटीत ३११, वनडेमध्ये २८२ आणि टी-२० मध्ये १७ विकेट्स घेतल्या आहेत. प्रथम श्रेणी सामन्यांमध्ये झहीरच्या नावावर ६५२ विकेट्स आहेत. त्याने लिस्ट-ए कारकीर्दीत ३५७ विकेट्स आणि देशांतर्गत टी-२० सामन्यांमध्ये ११९ विकेट्स घेतल्या आहेत.

कसोटी क्रिकेटमध्ये झहीर खान भारताकडून सर्वाधिक विकेट घेणाऱ्या गोलंदाजांच्या यादीत 5 व्या स्थानावर आहे. फक्त अनिल कुंबळे (६१९), कपिल देव (४३४), हरभजन सिंग (४१७) आणि आर. अश्विन (४१३) त्याच्या पुढे आहेत. भारताच्या वेगवान गोलंदाजांच्या यादीत तो दुसऱ्या क्रमांकावर येतो. जहीरच्या पुढे फक्त महान अष्टपैलू कपिल देव आहे, त्यांनी ४३४ कसोटी विकेट्स घेतल्या आहेत.

जेव्हा झहीर खानने २०१७ मध्ये साखरपुड्याबाबतची घोषणा केली, तेव्हा ती देखील कोणत्याही स्विंग बॉलिंगपेक्षा कमी नव्हती. झहीरने बॉलिवूड अभिनेत्री सागरिका घाटगेशी विवाह केला. झहीर धर्माच्या बंधनात पडला नाही, त्याने प्रेमासाठी धर्माच्या भिंती ओलांडल्या.

जेव्हा डावखुऱ्या फलंदाजांना गोलंदाजी करायची वेळ आली, तेव्हा झहीरचा दर्जा दिसून आला. आपण प्रतिभावान गोलंदाज असल्याचे त्याने वेळोवेळी सिद्ध केले आहे. झहीरने डावखुऱ्या फलंदाजांना २३७ वेळा बाद केले. श्रीलंकेचा दिग्गज फिरकीपटू मुथय्या मुरलीधरन (३२५) आणि दक्षिण आफ्रिकेचा शॉन पोलॉक (२५२) या यादीत त्याच्या पुढे आहेत. झहीरने दक्षिण आफ्रिकेचा माजी कर्णधार ग्रॅमी स्मिथ, श्रीलंकेचे दिग्गज खेळाडू कुमार संगकारा आणि सनथ जयसूर्या आणि ऑस्ट्रेलियाचा सलामीवीर मॅथ्यू हेडनला त्यांच्या कसोटी कारकीर्दीत १० पेक्षा जास्त वेळा बाद केले आहे.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: