Ajit Pawar: पुण्यात करोना आढावा बैठक; हॉटेल, महाविद्यालयांबाबत पवारांनी घेतले ‘हे’ मोठे निर्णय


हायलाइट्स:

  • पुण्यात करोना आढावा बैठक संपन्न.
  • उपमुख्यमंत्री अजित पवार यांनी घेतले अनेक मोठे निर्णय.
  • अजित पवार यांनी हॉटेल व्यवसायिकांना दिला मोठा दिलासा.

पुणे: उपमुख्यमंत्री अजित पवार यांनी पुण्यात आयोजित करोना आढावा बैठकीत अनेक महत्वाचे निर्णय घेतले आहेत. या निर्णयांनुसार पुण्यातील सर्व हॉटेल्स येत्या सोमवारपासून रात्री ११ वाजेपर्यंत खुली राहणार असल्याचा निर्णय घेण्यात आला आहे. ही घोषणा उपमुख्यमंत्री अजित पवार यांनी बैठकीनंतर केली. राज्य शासनाच्या या निर्णयामुळे पुण्यातील हॉटेल व्यवसायिकांना मोठा दिलासा मिळाला आहे. (corona review meeting in pune dy cm ajit pawar announces that hotels in pune will now remain open till 11 pm)

पुण्यात वेगाने लसीकरण झाल्यानंतर करोना संसर्ग आटोक्यात आला. त्यानंतर पुण्यातील हॉटेल व्यवसायिकांनी हॉटेल्स सुरू ठेवण्याच्या वेळा वाढवाव्यात अशी मागणी सतत सरकारदरबारी लावून धरली होती. त्यानंतर आज उपमुख्यमंत्री अजित पवार यांनी करोनासंदर्भात आढावा बैठक घेऊन पुणे शहर आणि जिल्ह्यातील करोना संसर्गाच्या नेमकी परिस्थिती कशी आहे, याचा सविस्तर आढावा घेतला.

क्लिक करा आणि वाचा- ड्रग पार्टी प्रकरण: आर्यन खानला जामीन मिळणार का?; वकील मानेशिंदे म्हणाले…

पुणे आणि पिंपरी-चिंचवडमध्ये आम्ही घरोघरी जाऊन लसीकरण

पुण्यात लसीकरण वेगात सुरू असून त्याबाबत उपमुख्यमंत्री अजित पवार यांनी समाधान व्यक्त केले. लसीकरणात पुणे देशात दुसऱ्या क्रमांकावर असल्याचे त्यांनी सांगितले. आता पुणे आणि पिंपरी-चिंचवडमध्ये आम्ही घरोघरी जाऊन लसीकरण करणार असा निर्णयही जाहीर केला.

क्लिक करा आणि वाचा- आर्यन खान ड्रग प्रकरण: सुनावणीदरम्यान शाहरूख खानची मॅनेजर कोर्टात रडत होती

महाविद्यालयंही सोमवारपासून सुरू

उपमुख्यमंत्री अजित पवार यांनी या बैठकीत पुण्यातील ग्रामीण भागातील महाविद्यालयं सुरू करण्याचा मोठा निर्णय घेतला. या निर्णयानुसार पुण्याच्या ग्रामीण भागातील महाविद्यालयं सोमवारपासून सुरू होणार असल्याचे ते म्हणाले. मात्र, ही महाविद्यालयं सरू करत असताना विद्यार्थ्यांचं लसीकरण होणं अत्यंत गरजेचं असल्याचं अजित पवार यांनी सांगितलं.

क्लिक करा आणि वाचा- आर्यन खानला पकडून आणणाऱ्या के. पी. गोसावीला पुणे पोलिस शोधतायत

पुण्यातील पर्यटन स्थळं खुली होणार

पुणे जिल्ह्यात अनेक लोकप्रिय पर्यटनस्थळं असून करोनामुळे ती अजूनही पर्यटकांसाठी बंद ठेवण्यात आली होती. मात्र, आता करोनाचा संसर्ग आटोक्यात आल्यामुळे आता लवकरच पु्ण्यातील सर्व पर्यटनस्थळं सुरू करण्यात येतील, असं पवार म्हणाले.



Source link

Leave a Reply

Your email address will not be published.

%d bloggers like this: