नाणेफेकीसह मुंबई इंडियन्सने जिंकली पहिली पायरी, करो या मरो सामन्यात कोणते बदल केले पाहा…


आबुधाबी : मुंबई इंडियन्सच्या संघाने प्ले-ऑफमध्ये पोहोचण्यासाठी पहिली पायरी सर केली आहे. मुंबई इंडियन्सच्या संघाने नाणेफेक जिंकली असून त्यांनी प्रथम फलंदाजी करण्याचा निर्णय घेतला आहे. त्याचबरोबर मुंबई इंडियन्सच्या संघात यावेळी कृणाल पंड्या आणि पीयुष चावला यांना संधी देण्यात आली आहे, तर सौरभ तिवारी व जयंत यादव यांना आजच्या सामन्यासाठी संघाबाहेर ठेवण्यात आले आहे.

मुंबई इंडियन्सच्या संघाने जेव्हा राजस्थान रॉयल्सवर ९ षटकांपूर्वी विजय मिळवला होता तेव्हा त्यांच्यासाठी प्ले-ऑफचे गणित एवढे कठीण नव्हते. त्यावेळी मुंबई इंडियन्सच्या संघाला ११ षटके राखून विजय मिळवायचा होता. पण कोलकाता नाइट रायडर्सने गुरुवारी राजस्थआन रॉयल्सवर ८६ धावांनी मोठा विजय साकारला आणि त्यानंतर मुंबई इंडियन्सच्या प्ले-ऑफचे समीकरण पुरते बदलून गेले. केकेआरचा या सामन्यापूर्वीच रनरेट मुबंई इंडियन्सपेक्षा जास्त होता. राजस्थानवरील मोठ्या विजयाने तो आणखीन वाढला आणि मुंबई इंडियन्सचे धाबे दणाणले गेले. कारण केकेआरच्या या विजयानंतर मुंबई इंडियन्सने जर सनरायझर्स हैदराबादवर १७१ धावांवी विजय साकारला तरच त्यांना प्ले-ऑफमध्ये पोहोचता येऊ शकते. त्यामुळे मुंबई इंडियन्सनने जर २०० पेक्षा जास्त धावा केल्या तर त्यांना विजयाची संधी असेल. पण आतापर्यंत मुंबई इंडियन्सच्या फलंदाजीवर नजर टाकली तर त्यांना चांगली कामगिरी करता आलेली नाही. मुंबई इंडियन्सचे सलामीवीर आतापर्यंत चांगली धावसंख्या उभारण्यात यशस्वी ठरले आहेत, पण मधली फळी मात्र अजूनपर्यंत मोठी धावसंख्या उभारू शकलेली नाही. मुंबई इंडियन्सच्या मधल्या फळीतील सूर्यकुमार यादव, हार्दिक पंड्या, कायरन पोलार्ड यांना आतापर्यंत सातत्याने चांगली कामगिरी करता आलेली नाही. त्यामुळे आज या खेळाडूंसाठी अखेरीच संधी असेल. कृणाल पंड्या आतापर्यंत सातत्याने अपयशी ठरत असल्याचे पाहायला मिळाले होते. त्यामुळे त्याला राजस्थान रॉयल्सविरुद्धच्या महत्वाच्या सामन्यात वगळण्याचा निर्णय मुंबई इंडिन्सला घ्यावा लागला. त्यामुळे सनरायझर्स हैदराबादविरुद्धच्या सामन्यात मुंबई इंडियन्स प्रथम फलंदाजी करणार का आणि या करो या मरो सामन्यात त्यांच्या संघात नेमके कोणते मोठए बदल होणार, याची उत्सुकता तमाम क्रिकेट विश्वाला होती. त्यामुळे सर्वांचे लक्ष आरसीबी आणि दिल्ली कॅपिटल्स यांच्या सामन्याकडे नव्हते. कारण हे दोन्ही संघ यापूर्वीच आयपीएलच्या प्ले-ऑफमध्ये पोहोचलेले होते. त्यामुळे मुंबई इंडियन्स आणि सनरायझर्स हैदराबाद यांच्यातील सामन्यावर सर्वांच्या नरजा लागलेल्या होत्या.



Source link

Leave a Reply

Your email address will not be published.

%d bloggers like this: