‘टीम इंडियाला हरवा अन् ब्लँक चेक घेऊन जा’; पाकिस्तान संघाला कुणी दिली ऑफर


कराची : मुंगेरी लालच्या स्वप्नांबद्दल तुम्ही ऐकलं असेल. असंच एक स्वप्न आहे पाकिस्तानचंही. क्रिकेट विश्वचषक स्पर्धा मग ती एकदिवसीय असो किंवा टी-२० असो, पाकिस्तानला आजपर्यंत भारताकडून पराभूत व्हावे लागले आहे. असे नाही की, तो संघ चांगले क्रिकेट खेळत नाही. पण चांगल्या खेळाडूंचा भरणा असूनही पाकिस्तानला टीम इंडियाकडून मार खावा लागला आहे. आयसीसीच्या मोठ्या स्पर्धांमध्ये आपल्या कट्टर प्रतिस्पर्धीविरुद्ध कसे खेळावे, हे भारतीय संघाला चांगले माहीत आहे. हेच कारण आहे, ज्यामुळे प्रत्येक वेळी पाकिस्तान संघाला भारताकडून विश्वचषक स्पर्धेत पराभव पत्करावा लागतो.

वाचा-Video : ‘BCCI मुळं सुरू आहे पाकिस्तान क्रिकेट, मोदींनी ठरवलं तर…’

आता पुन्हा एकदा भारत आणि पाकिस्तान हे दोन्ही संघ भिडणार आहेत. २४ ऑक्टोबरपासून हे दोन्ही संघ आपल्या विश्वचषक स्पर्धेला सुरवात करणार आहेत. दुबईमध्ये होणाऱ्या पहिल्याच लढतीमध्ये दोन्ही संघ आमनेसामने असणार आहेत. या सामन्याची सर्व तिकीटे विकली गेली असून दुबई आंतरराष्ट्रीय स्टेडियम हाउसफुल्ल होणार हे दिसत आहे.

वाचा- IPL Playoffs Scenarios: १७१ धावांनी विजय मिळवण्यासाठी काय करणार रोहित शर्मा; असा आहे…

पाक संघाला लालच!
२४ ऑक्टोबर रोजी होणाऱ्या पहिल्या सामन्यात भारताला हरवण्यासाठी पाकिस्तानचा संघ उत्सुक आहे. नव्या युक्तींसह पाकचा संघ मैदानात उतरेल. भारताला पराभूत करण्यसााठी पाक संघाला कोणतंही विशेष प्रशिक्षण किंवा तंत्रज्ञान दिलं गेलं नाही. पण एका व्यावसायिकाने पाक संघाला एक ऑफर दिली आहे. पीसीबीचे प्रमुख रमीज राजा यांनी स्वत: याबाबतचा खुलासा केला आहे.

वाचा- धोनी बनला दीपक चाहरचा ‘लव्ह गुरु’; गर्लफ्रेंडला प्रपोज करण्याचा बनवला प्लॅन

रमीज राजा म्हणाले की, जर पाकिस्तान क्रिकेट संघाने विश्वचषक स्पर्धेत भारताला पराभूत केले, तर संघाला ब्लँक चेक (कोरे धनादेश) देण्यात येतील. या चेकवर खेळाडू त्यांची स्वत:ची बक्षीस रक्कम भरू शकतात. या बातमीनुसार, हे धनादेश पाकिस्तानच्या एका मोठ्या उद्योजकाने पीसीबीला देऊ केले आहेत.

खरा सामना तर मैदानात चांगला खेळ खेळून जिंकला जातो. पैशाच्या आमिषावर नाही. टी-२० विश्वचषकात भारत आणि पाकिस्तान आतापर्यंत ५ वेळा एकमेकांना भिडले आहेत. आणि भारताने पाचही वेळा विजय मिळवलाआहे. दुसरीकडे एकदिवसीय विश्वचषक स्पर्धेतही भारत आणि पाकिस्तान यांच्यात ७ वेळा भिडत झाली असून भारताने सर्व सामने जिंकले आहेत.



Source link

Leave a Reply

Your email address will not be published.

%d bloggers like this: