चेन्नई सुपर किंग्ज जिंकणार IPLचे विजेतेपद; हा मोठा फॅक्टर CSKच्या बाजूने


दुबई: आयपीएलच्या १४व्या हंगामातील पहिला क्वालीफायर आज रविवारी होणार आहे. ही लढत दिल्ली कॅपिटल्स आणि चेन्नई सुपर किंग्ज यांच्यात होणार आहे. गुणतक्त्यात दिल्ली पहिल्या स्थानावर तर चेन्नई दुसऱ्या स्थानावर आहे. या हंगामात चेन्नई सुपर किंग्जला विजेतेपद मिळण्याची सर्वाधिक शक्यता आहे. जाणून घेऊया यामागील कारण….

वाचा-ICCने केली मोठी घोषणा; या संघाला मिळणार १२ कोटी रुपये

आयपीएलच्या इतिहासात आजपर्यंत गुणतक्त्यात दुसऱ्या क्रमांकावर पाहिलेल्या संघाने ६ वेळा विजेतेपद मिळवले आहे आणि चेन्नई सध्या दुसऱ्या क्रमांकावर आहे. गुणतक्त्यात दुसऱ्या क्रमांकावर असताना चेन्नईने २०११, कोलकाताने २०१२, मुंबईने २०१३, कोलकाताने २०१४, मुंबईने २०१५ आणि चेन्नईने २०१८ साली विजेतेपद मिळवले होते. तर क्रमांक एकवर राहून २००८ साली राजस्थान रॉयल्स, २०१७ साली मुंबई, २०१९ साली मुंबई आणि २०२० साली मुंबईने विजेचेपद मिळवले आहे.

साखळी फेरीनंतर गुणतक्त्यात तिसऱ्या क्रमांकावर असलेल्या संघाने फक्त दोन वेळा विजेतेपद मिळवले आहे. यात २०१० साली चेन्नई आणि २०१६ साली हैदराबादने विजेतेपद मिळवले होते. तर क्रमांक चार असताना फक्त एकदा म्हणजे २००९ साली हैदराबादने विजेतेपद मिळवले होते.

चेन्नई चौथ्यांचा विजेतेपद मिळवणार का?

आयपीएलच्या २०२० हंगामात चेन्नई सुपर किंग्जचे कामगिरी अतिशय खराब झाली होती. संघाला प्रथमच प्लेऑफमध्ये पोहोचता आले नव्हते. पण या हंगामात त्यांनी शानदार कमबॅक केले आहे. त्यांनी साखळी फेरीत १४ पैकी ९ सामन्यात विजय मिळवला आहे. साखळी फेरीतील अखेरच्या ३ लढतीत त्यांना फार चांगली कामगिरी करता आली नाही. पण आयपीएलमध्ये क्रमांक दोनवर असलेल्या संघाच्या कामगिरीचा विचार करता चेन्नईला विजेतेपदाची संधी आहे.

आज दिल्ली कॅपिटल्स विरुद्ध होणाऱ्या लढतीत चेन्नईसाठी ऋतुराज गायकवाड आणि फाफ डुप्लेसिस यांच्याकडून मोठी आशा असेल. हे दोन्ही सलामीवीर सध्या शानदार फार्ममध्ये आहेत. ऋतुराजने १४ सामन्यात ५३३ तर फाफने १४ सामन्यात ५४६ धावा केल्या आहेत. चेन्नईच्या मधळ्या फळीतील फलंदाजांना फार चांगली कामगिरी करता आलेली नाही.



Source link

Leave a Reply

Your email address will not be published.

%d bloggers like this: