आले शंभर, गेले शंभर; चेन्नई सुपर किंग्ज एक नंबर, असे कमबॅक कोणालाच जमले नाही


दुबई: आयपीएलचा १४वा हंगाम सुरू आहे. याआधी झालेल्या १३ हंगामापैकी ११ वेळा चेन्नईने स्पर्धेत भाग घेतला आहे. त्यापैकी ९ वेळा त्यांनी अंतिम फेरीत प्रवेश केला. आयपीएलच्या इतिहासात सर्वात यशस्वी संघ म्हणून मुंबई इंडियन्सचे नाव समोर येते. त्यांनी पाच वेळा या स्पर्धेचे विजेतेपद मिळवले आहे. पण धोनीच्या नेतृत्वाखाली चेन्नईने केलेली कामगिरी कोणालाच करता आली नाही. रविवारी झालेल्या क्वॉलिफायर लढतीत चेन्नईने दिल्लीचा ४ विकेटनी पराभव केला आणि विक्रमी नव्यांदा अंतिम फेरीत प्रवेश केला.

वाचा- टॉस जिंकला आणि तेथेच धोनीने फायनलचे तिकिट मिळवले? जाणून घ्या गणित

वाचा- मुंबई इंडियन्स घेणार मोठा निर्णय; या खेळाडूंना मिळणार डच्चू!

गेल्या म्हणजे आयपीएलच्या १३व्या हंगामात चेन्नईची कामगिरी अतिशय खराब झाली होती. स्पर्धेच्या इतिहासात प्रथमच त्यांना प्ले ऑफमध्ये जाता आले नव्हते. २०२० मध्ये स्पर्धेतून बाहेर पडलेला तो पहिला संघ होता. तेव्हा धोनीने एका सामन्यानंतर सांगितले होते की आम्ही जोरदार कमबॅक करू, जी आमची ओळख आहे. आज धोनीने ते वाक्य खरे करून दाखवले. आयपीएलच्या १४व्या हंगामात प्ले ऑफमध्ये पोहोचलेला तो पहिला संघ होता. त्यानंतर आता अंतिम फेरीत पोहोचलेला पहिला संघ ठरला आहे.

वाचा- BCCIने टी-२० वर्ल्डकप संघात बदल केला का? जाणून घ्या मोठी अपडेट

दिल्लीविरुद्धच्या सामन्यात चेन्नईला विजयासाठी १२ चेंडूत २३ धावांची गरज होती. तेव्हा धोनीने एक षटकार मारला. तर अखेरच्या ६ चेंडूत १३ धावांची गरज असताना धोनी ३ चौकार मारून विजय मिळवून दिला. गेल्या २ वर्षात धोनीला धावा करण्यात अपयश आले आहे. त्यामुळे दिल्लीविरुद्धच्या सामन्यात तो जडेजाच्या आधी फलंदाजीला आला तेव्हा चाहत्यांना काळजी वाटत होती. पण या सामन्यात सर्वांना जुना माही दिसला. जगातील सर्वोत्तम फिनिशर अशी जी धोनीची ओळख होती ती पुन्हा एकदा त्याने सिद्ध करू दाखवली.

क्वॉलिफायल १ च्या लढतीत दिल्लीने प्रथम फलंदाजी करत चेन्नईला १७३ धावांचे आव्हान दिले होते. चेन्नईची सुरुवात खराब झाली होती. पण ऋतुराज गायकवाड आणि रॉबिन उथप्पा यांनी दुसऱ्या विकेटसाठी ११० धावांची भागिदारी करून संघाच्या विजयाचा पाया रचला. तर अखेरच्या षटकात धोनीने कमाल केली.



Source link

Leave a Reply

Your email address will not be published.

%d bloggers like this: