‘या’ लशीची ब्लू प्रिंट चोरून रशियाने तयार केली ‘स्पुटनिक व्ही’ लस; ब्रिटनचा खळबळजनक दावा


लंडन: ब्रिटनने स्पुटनिक व्ही या रशियन करोना प्रतिबंधक लशीबाबत मोठा दावा केला आहे. रशियाने ऑक्सफर्ड-अॅस्ट्राजेनेकाने विकसित केलेल्या लशीची ब्लुप्रिंट चोरून आपली स्पुटनिक व्ही लस तयार केली असल्याचा दावा ब्रिटनच्या संरक्षण विभागातील सूत्रांनी केला आहे.

सूत्रांनी सांगितले, रशियासाठी काम करणाऱ्या गुप्तहेरांनी अॅस्ट्राजेनका कंपनीमधून लशीची ब्लू प्रिंट चोरली. त्यानंतर रशियाने स्पुटनिक व्ही लस तयार केली, याचे ठोस पुरावे आहेत. ‘द सन’ने दिलेल्या वृत्तानुसार, एका परदेशी एजंटने ऑक्सफर्ड-अॅस्ट्राजेनेका लशीची ब्लुप्रिंट आणि महत्त्वाची माहिती चोरली.

करोना लस घेण्यास नकार; १४०० कर्मचाऱ्यांना कंपनीने कामावरून काढले
मागील वर्षी सप्टेंबर महिन्यात मॉस्कोमध्ये झालेल्या सुरुवातीच्या दोन क्लिनिकल चाचणीचे परिणाम, निकाल ब्रिटनमधील वैद्यकीय नियतकालिक ‘द लॅन्सेंट’मध्ये प्रकाशित झाले होते. रशियन लस स्पुटनिक व्हीमध्येदेखील ऑक्सफर्ड-अॅस्ट्राजेनेका लशीचे तंत्रज्ञान वापरल्याची चर्चा सुरू होती.

जगातील पहिल्या मलेरियाविरोधी लशीला जागतिक आरोग्य संघटनेची मंजुरी
मागील वर्षी करोना महासाथीच्या आजाराने जगभरात थैमान घातले असताना अमेरिका, ब्रिटनसह इतर काही देशांमध्ये लस संशोधन सुरू होते. त्याच दरम्यान ऑगस्ट २०२० मध्ये रशियाने लस विकसित केल्याची घोषणा करत लशीला आपात्कालीन वापरासाठी मंजुरीही दिली होती. रशियाच्या या घोषणेनंतर जगभरात खळबळ उडाली होती. रशियाच्या स्पुटनिक व्हीवरही अनेक पाश्चिमात्य देशांनी प्रश्नचिन्ह उभे केले होते.



Source link

Leave a Reply

Your email address will not be published.

%d bloggers like this: