RBIने रेपो दर ठेवले ‘जैसे थे’; अधिक परताव्यासाठी एफडी नाही, तर इथं करा गुंतवणूक


हायलाइट्स:

  • मुदत ठेव (एफडी) गुंतवणूकदारांना व्याजदर वाढण्याची प्रतीक्षा करावी लागेल
  • आरबीआयने नुकताच जाहीर केलेल्या पतधोरणात प्रमुख दर कायम ठेवले.
  • चांगल्या परताव्यासाठी गुंतवणूकदार इतर पर्यायांचा विचार करू शकतात.

नवी दिल्ली : भारतीय रिझर्व्ह बँक (आरबीआय) च्या मौद्रिक धोरण समितीने (मॉनिटरी पॉलिसी कमिटी) शुक्रवारी धोरण दरात कोणताही बदल केलेला नसून २०२१-२२ या आर्थिक वर्षासाठी महागाई दराचे अनुमान कमी केले आहे. मुदत ठेव (एफडी) गुंतवणूकदारांना व्याजदर वाढण्याची प्रतीक्षा करावी लागेल, कारण आरबीआयने प्रमुख दर कायम ठेवले आहेत. सध्या एफडीवरील व्याज दर गेल्या काही वर्षांतील नीचांकावर आहेत, कारण गेल्या दोन वर्षांमध्ये बँका आणि एनबीएफसी दर कमी करत आहेत.

सोने-चांदी झाले स्वस्त; नफावसुलीने कमॉडिटी बाजारात घसरण, जाणून घ्या आजचा भाव
फिक्स्ड डिपॉझिट (एफडी) दरात घट झाल्यामुळे गुंतवणूकदारांना त्यांच्या गुंतवणुकीवर कमी परतावा मिळत आहे. अधिक नफा मिळवण्यासाठी गुंतवणूकदार गुंतवणुकीच्या इतर पर्यायांचा विचार करू शकतात. गुंतवणूकदार त्यांच्या ठेवींवरील परतावा वाढवण्यासाठी काय करू शकतात, याबद्दल थोडक्यात जाणून घेऊया.

दरवाढीचा सपाटा कायम ; सलग सातव्या दिवशी पेट्रोल-डिझेल महागले, हा आहे आजचा दर
फ्लोटिंग रेट एफडी
आजकाल अनेक बँका फ्लोटिंग रेट एफडी देत आहेत. जर तुम्हाला भविष्यातील व्याजदराच्या चढ-उतारांबाबत खात्री नसेल आणि तुम्हाला तुमची बचत कमी दरात गुंतवायची नसेल, तर फ्लोटिंग रेट एफडी किंवा बॉण्ड्स हा एक चांगला पर्याय आहे. फ्लोटिंग रेट एफडीमध्ये, व्याज दर रेपो किंवा १० वर्षांच्या सरकारी बाँड उत्पन्नासारख्या बेंचमार्कशी जोडलेले असतात. त्यामुळे जर आरबीआयने फ्युचर्समध्ये रेपो रेट वाढवला, तर तुमच्या एफडीमधील व्याज दरही वाढेल.
सेन्सेक्स-निफ्टी सुस्साट! ‘या’ गोष्टी ठरवणार भांडवली बाजाराची पुढील दिशा
आरबीआय फ्लोटिंग रेट बाँड
गुंतवणूकदार त्यांचे पैसे आरबीआय फ्लोटिंग रेट बॉण्ड्समध्ये टाकण्याचा विचार करू शकतात. त्याचा कार्यकाळ ७ वर्षांचा आहे आणि सध्या तो ७.१५ टक्के परतावा देत आहे, जो बँकांतील एफडीवरील दरांपेक्षा खूप जास्त आहे. या बाँडमधील व्याज दर सहामाही पद्धतीने भरला जातो. त्यामुळे ज्येष्ठ नागरिक बचत योजना आणि पीएमव्हीव्हीवायसारखे पर्याय संपलेल्या ज्येष्ठ नागरिकांसाठी हा एक चांगला पर्याय असू शकतो.

अनेक बँकांमध्ये गुंतवणूक करा
एफडी गुंतवणुकीसाठी आदर्श धोरण म्हणजे जोखीम आणि परतावा यांच्यामध्ये योग्य संतुलन राखण्यासाठी अनेक बँकांमध्ये ठेवी ठेवणे होय. सरकारी आणि खाजगी बँकांच्या एफडीवरील परतावा ३-७ टक्के दरम्यान असतो, तर अनेक सहकारी आणि लहान बँका 1-2 टक्के जास्त व्याज दर देतात.

जर तुमची गुंतवणूक मोठी असेल आणि तुमची जोखीम घेण्याची तयारी असेल, तर तुमच्या जोखमींचे मूल्यांकन केल्यानंतर तुम्ही तुमची एफडी कमी आणि जास्त परताव्यासह डिपॉझिट योजनांमध्ये बदलू शकता. जर तुम्हाला जास्त परतावा हवा असेल, तर तुम्ही छोट्या बँका निवडू शकता. महत्वाची गोष्ट म्हणजे, बँकेच्या स्थिरतेची जाणीव ठेवा, जेणेकरून बँक संकटात आल्यास तुम्हाला कोणत्याही अडचणींना सामोरे जावे लागणार नाही.



Source link

Live Sachcha Dost TV

Leave a Reply

Your email address will not be published. Required fields are marked *