सेन्सेक्स-निफ्टीचा रेकॉर्ड मात्र ‘टीसीएस’सह आयटी कंपन्यांचे शेअर गडगडले


हायलाइट्स:

  • भांडवली बाजारात तेजी दिसून आली.
  • आयटी शेअरमध्ये मात्र मोठी पडझड पाहायला मिळाली.
  • आज एनटीपीसी, पॉवरग्रीड, कोल इंडिया, टाटा पॉवर या शेअरमध्ये मोठी वाढ झाली.

मुंबई : भांडवली बाजारात तेजी असताना आज आयटी शेअरमध्ये मोठी पडझड पाहायला मिळाली. आयटी क्षेत्रातील आघाडीची कंपनी असलेल्या टीसीएससह सर्वच शेअरमध्ये आज घसरण झाली. दरम्यान, आज सेन्सेक्स आणि निफ्टीने विक्रमी पातळी गाठली. या तेजीने निफ्टी १८ हजार अंकावर गेला होता.

CNG Price Hike : अदानी गॅसनेही सीएनजीच्या किंमतीत केली वाढ
आज आठवड्याच्या पहिल्याच दिवशी सेन्सेक्स आणि निफ्टीने घोडदौड कायम ठेवली. सेन्सेक्स ६०३०० अंकापर्यंत गेला तर निफ्टीने १८००० अंकाच्या पातळीपर्यंत मजल मारली. बाजार बंद होताना सेन्सेक्स ७६ अंकांच्या वाढीसह ६०१३५ अंकावर बंद झाला. निफ्टी ५०.७५ अंकांनी वधारून १७९४५ अंकावर स्थिरावला.

सोने-चांदी झाले स्वस्त; नफावसुलीने कमॉडिटी बाजारात घसरण, जाणून घ्या आजचा भाव
मुंबई शेअर बाजाराच्या मंचावर टीसीएस, इन्फोसिस, महिंद्रा , एचसीएल टेक, भारती एअरटेल या शेअरमध्ये ७ टक्क्यांपर्यंत घसरण झाली. तर मारुती सुझुकी, रिलायन्स इंडस्ट्रीज, कोटक महिंद्रा बँक, काॅर्पोरेशन बँक, महिंद्रा अँड महिंद्रा या शेअरमध्ये वाढ झाली. सेन्सेक्समधील ३० पैकी २० शेअर तेजीसह बंद झाले. ज्यात बजाज ऑटो, एसबीआय, सन फार्मा, डॉ. रेड्डी लॅब, टायटन, एचयूएल, नेस्ले या शेअरमध्ये वाढ झाली.

केंद्र सरकारचा विक्रीचा धडका; एअर इंडिया विकली आता ‘या’ कंपनीची होणार विक्री
देशात कोळसा टंचाईसदृश्य परिस्थिती निर्माण झाली आहे. त्यामुळे काही राज्यांमध्ये औष्णिक वीज प्रकल्प बंद झाले आहेत. त्याचे पडसाद आज भांडवली बाजारावर उमटले. आज एनटीपीसी, पॉवरग्रीड, कोल इंडिया, टाटा पॉवर या शेअरमध्ये मोठी वाढ झाली.

निफ्टी आयटी इंडेक्समध्ये ४ टक्के घसरण झाली. ज्यात कोफोर्ज, एमफासिस, माइंड ट्री, एल अँड टी इन्फोटेक, टेक महिंद्रा या शेअरमध्ये घसरण झाली. दरम्यान, शुक्रवारी टीसीएसने दुसऱ्या तिमाहीची आर्थिक आकडेवारी जाहीर केली. कंपनीला ९६२४ कोटींचा नफा झाला. मात्र गुंतवणूकदारांच्या अपेक्षा पूर्ण न झाल्याने आज टीसीएसच्या शेअरची मोठी विक्री झाली. ज्यामुळे टीसीएसचा शेअर ७ टक्क्यांपर्यंत घसरला होता.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: